Chapter Title : മൈ ഡിയർ യക്ഷി 3 [Ganesh Gaitonde]

കൂടി കഴിക്കോളൂ.. ബാക്കി നാളെ കഴിച്ചോളാ... ട്ടോ"

എന്ന് പറഞ്ഞു നന്ദുട്ടൻ എൻ്റെ മേലെ ചാരി കിടക്കുന്ന അമ്മുൻ്റെ മുഖത്തേക്ക് സൂക്ഷിച്ചു നോക്കുന്നുണ്ട്... ഇതെന്താ സംഭവം എന്ന ഭാവത്തിൽ...

"അമ്മു ചേച്ചി എന്താ ഇങ്ങനെ കിടക്കുന്നെ... ചേട്ടാ...."

അവൻ അവൻ്റെ സംശയം എന്നോട് ചോദിച്ചു.

"ചേട്ടൻ വന്നു നോക്കിപ്പോഴേ അമ്മു ചേച്ചിക്കേ തലവേദനിക്കുന്നുന്ന്... അതോണ്ട് കിടക്കുന്നതാ..."

അത്രയും പറഞ്ഞു ഞാൻ മെല്ലെ ചിരിച്ചു.. അമ്മുന് രണ്ട് കൊടുക്കാം എന്ന് പറഞ്ഞു വന്നതല്ലേ ഞാൻ... അപ്പൊ ഇങ്ങനെ കണ്ടാൽ ആർക്കും സംശയം തോന്നുമല്ലോ...

പക്ഷേ നന്ദുട്ടൻ അമ്മുൻ്റെ മുഖത്തേക്ക് ശ്രദ്ധിച്ച് നോക്കുന്നുണ്ട്... പെട്ടെന്ന്..

" ജിത്തുചേട്ട നോക്കിയേ... അമ്മുവേച്ചി എന്നെ കൊഞ്ഞനം കുത്തുന്നു... ദേ.. ദേ.. ചേച്ചിക്ക് ഒരു കുഴപ്പൊമില്ല... ചേട്ടൻ വഴക്ക് പറയാതിരിക്കാൻ കള്ളം കാണിക്കുന്നതാ..."

നന്ദുട്ടൻ അമ്മൂൻ്റെ മുഖത്ത് നോക്കി ചൂണ്ടി കാണിച്ചുകൊണ്ട് പറഞ്ഞു. ഒപ്പം കള്ളനെ പൊക്കിയ ഭാവവും ഉണ്ട്.

ആ ഇപ്പഴാണ് സംഗതി മനസ്സിലായത്. ഞാനും വിചാരിച്ചു ആൻ്റി പറഞ്ഞപോലെ ഒരു കുഴപ്പമില്ലാത്ത പെണ്ണിന് പെട്ടെന്ന് എന്തേ വയ്യാതെ ആയത് എന്ന്... ശരിയാക്കിത്തരാടി കൊരങ്ങി...

അമ്മു അതെ കിടപ്പ് ആണ്.. ഞാൻ നന്ദുട്ടനോട് അമ്മുൻ്റെ കാലിൽ പിടിക്കാനായി കണ്ണുകൊണ്ട് കാണിച്ചു. മുൻപ് ചെയ്ത് പരിചയം ഉള്ളതിനാൽ അവന് കാര്യം മനസ്സിലായി...

നന്ദുട്ടൻ പതിയെ അമ്മുവീൻ്റെ കാലിൻ്റെ വശത്തേക്ക് നടന്നു...

"ഏയ്... അല്ലടാ.. അവൾക്ക് വയ്യടാ... അല്ലാതെ എൻ്റെ അമ്മു ഇങ്ങനെ കിടക്കില്ല... അല്ലേ അമ്മൂസേ... ?"

സംശയം ഇല്ലാതെ ഇരിക്കാൻ ഞാൻ അമ്മൂനൊട് ആയി ചോദിച്ചു.. തിരിച്ച് അതെ എന്നർത്ഥത്തിൽ ഒരു മൂളൽ