Chapter Title : മൈ ഡിയർ യക്ഷി 3 [Ganesh Gaitonde]

"അച്ചക്ക് ഈ സാധനത്തിനെ മാത്രം കിട്ടിയൊള്ളാ... ഒഹ്... എങ്ങെനെ സഹിക്കുന്നു...ഹി ഹി..."

ഇരുന്നപാടെ ആൻ്റിയെ കളിയാക്കിക്കൊണ്ട് അമ്മു പതിഞ്ഞ ശബ്ദത്തിൽ അങ്കിളിനോട് ചോദിച്ചു... ഞാനും നന്ദുവും ഇത് കേട്ട് മെല്ലെ ചിരിച്ചിരുന്നു...

"മോളു... വേണ്ടാട്ടോ... എൻ്റെ കെട്ടിയോളെ ഞാൻ അങ്ങനെ ഒക്കെ പറയും.... പക്ഷേ എൻ്റെ കെട്ടിയോളാണ് എൻ്റെ മാലാഖ..."

ആൻ്റിയെ പറഞ്ഞപ്പോ പൊള്ളിയ അങ്കിള് സാഹിത്യം തുടങ്ങി... ഇത് ഇവിടെ പതിവാണ് അതുകൊണ്ട് ഞാൻ അധികം മൈൻഡ് ചെയ്തില്ല... കാരണം അമ്മുവും അങ്കിളും നല്ല കമ്പനി ആണ്... ഇന്നത്തെ കാലത്ത് ഒട്ടുമിക്ക അച്ഛനും മകളും തമ്മിൽ നല്ല കമ്പനി ആയിരിക്കും. അതുപോലെ തന്നെ...

"ഓ...എന്നാല്. മിസ്റ്റർ ജയചന്ദ്രൻ ഭാര്യയെയും കെട്ടിപ്പിടിച്ച് ഇരുന്നോ... എനിയ്ക്ക് എൻ്റെ ജിത്തെട്ടനുണ്ട്... കേട്ടാ..."

അമ്മു അങ്കിളിനോട് ചെറിയ പിണക്കം കാണിച്ച് എൻ്റെ കയ്യിലെ പിടുത്തം വിടീച്ച് അവളുടെ തോളിലേക്ക് ഇട്ട് എൻ്റെ കൈയുടെ ഉള്ളിലേക്ക് കേറി എന്നെ സൈഡിലൂടെ വട്ടം പിടിച്ചുകൊണ്ട് പറഞ്ഞു...

"യ്യോ... കുറച്ച് നാള് ചേട്ടൻ ഇല്ലത്തപ്പോ എന്തായിരുന്നു മോളൂന് അച്ഛയോട് ചേഹം... ഇപ്പോ പഴയപോലെ ചേട്ടനെ കിട്ടിപ്പൊ നമ്മളൊക്കെ പുറത്ത്... ആ ഇനി ചേട്ടൻ പെണ്ണൊക്കെ കെട്ടികഴിയുമ്പോൾ ചേട്ടൻ്റെ പെണ്ണുമ്പിള്ള ഓടിക്കും നിന്നെ.. അപ്പൊ ഇങ്ങു വാട്ടോ എൻ്റെ കൊച്ച്..."

അതും പറഞ്ഞ് അങ്കിള് അങ്കം സ്റ്റാർട്ട് ചെയ്തു...

അത് കേട്ടതും അമ്മു എന്നെ തൊണ്ടിക്കൊണ്ട് വിഷമത്തോടെ തല ഉയർത്തി നോക്കി അങ്ങനെ സംഭവിക്കുമോ എന്ന ഭാവത്തിൽ തലയാട്ടി ചോദിച്ചു... ഒരു കൊച്ചുകുട്ടിയെ പോലെയാണ് എനിക്ക് അമ്മുവിനെ തോന്നിയത്...

"ഏയ്... ചുമ്മാ...പറയുന്നതാ..."

ഞാൻ ഒരു പുഞ്ചിരിയോടെ അമ്മുവിനെ