Chapter Title : മൈ ഡിയർ യക്ഷി 3 [Ganesh Gaitonde]

കാണിച്ചുകൊണ്ട് അവളുടെ ഷോൾഡറിനു താഴെ കൈ വണ്ണത്തിൽ മെല്ല അമർത്തിപിടിച്ചുക്കൊണ്ട് അനക്കി. ഇനി ഇവിടെ അധികം ഇരുന്നാൽ ശരിയാവില്ല. അമ്മുവിൻ്റെ ഈ സാമിപ്യം എന്നെ വല്ലാതെ അലട്ടുന്നു..

"ഹ്മ്മ്... അതേ ഞാനും ദാസേട്ടനും കൂടി ചെറിയ ഒരു പരിപാടി നോക്കുന്നുണ്ട്. ഒരു റെസ്റ്റോറൻ്റ് ആണ് നോക്കുന്നെ. ഞങ്ങൾടെ പരിചയത്തിൽ ഒരാളുണ്ട്.. പുള്ളി ബാക്കി കാര്യങ്ങൾ നോക്കിക്കോളും... മോൻ സമയമ്പോലെ അവിടെ ഒന്ന് നോക്കീട്ട് എന്തേലും ഉണ്ടേൽ പറയാമോ...?"

അങ്കിള് കാര്യങ്ങൾ വ്യക്തമാക്കി. അമ്മുവും ശ്രദ്ധിക്കുന്നുണ്ട് കാര്യങ്ങൾ.

"ആഹ്.. ഞാൻ നോക്കിയിട്ട് പറയാം അങ്കിളേ... അല്ല സ്ഥലം എവിടെയാ..."

ഞാൻ ഒരു സംശയത്തോടെ ചോദിച്ചു... തിരക്കുള്ള ഏരിയ ആണെങ്കിൽ പെട്ടെന്ന് ക്ലിക്ക് ആവും... അല്ലെങ്കിൽ നല്ലാതാണേലും ലേശം സമയം പിടിക്കുമല്ലോ...

"അമ്മുവിൻ്റെ കോളജിൻ്റെ അടുത്തായിട്ട് വരും... അവിടെ ഒരു പുതിയ ബിൽഡിംഗിൽ ആണ്. മൊത്തം പണി തീർന്നിട്ടില്ല. എന്തായാലും മോൻ പോയി നോക്ക്... ബാക്കി കാര്യങ്ങള് ദാസേട്ടൻ പറയും..."

അങ്കിള് ബാക്കി വിവരങ്ങൾ പറഞ്ഞു...

"എൻ്റെ കോളജിൻ്റെ അടുത്താണോ... എന്ന ഞാനും വരാം.. എനിക്കും കാണണം..."

അമ്മു ഇത് എങ്ക ഏരിയ ഡാ എന്ന ഭാവത്തിൽ ആറ്റിട്യൂഡ് ഇട്ടുകൊണ്ട് പറഞ്ഞു... ഞാനും അങ്കിളും അമ്മുവിനെ നോക്കി...

"ആഹ്... എന്നാ പോകുമ്പോ എൻ്റെ മോളേം കൂട്ടിക്കോ ജിത്തു... ഇനി അതായിട്ട് കുറക്കണ്ട..."

അമ്മുവിനിട്ട് ചെറിയ താങ്ങ് താങ്ങി അങ്കിള് കൂട്ടിച്ചേർത്തു... പക്ഷേ ആൾക്ക് അത് മനസ്സിലായില്ലെന്ന് തോന്നുന്നു.. അത് കേട്ടതോടെ അമ്മു ചാർജ് ആയി...

"അതേ... ഇത് കുടിച്ചിട്ട് മതി ബാക്കി ചർച്ച. ദാ..."

നിത ആൻ്റിയാണ്. ആൻ്റി വീണ്ടും