Chapter Title : മലരമ്പനും കലിപ്പത്തിയും [കൊമ്പൻ]

ദീപൂ.”
സിന്ധുവിന്റെ മനസ്സിൽ അടങ്ങാത്ത ആകാംഷ ഉടലെടുത്തു കഴിഞ്ഞിരുന്നു. പക്ഷെ അവളുടെ മനസ് തടുത്തു, അവൾ വേഗം തന്നെ ബെഡിൽ നിന്നും എണീറ്റുകൊണ്ട് തിരിഞ്ഞു നോക്കാതെ നടന്നു. ദീപുവിനും ഒരുനിമിഷം വേണ്ടിയിരുന്നില്ല എന്ന് തോന്നാതിരുന്നില്ല.
വൈകീട് ചായകുടിച്ചതിനു ശേഷം ദീപുവിനെ കാണാൻ അവന്റെ രണ്ടു കൂട്ടുകാർ വീട്ടിലേക്ക് വന്നു. അവരോടും വീട്ടുമുറ്റത്തു നിന്നും വർത്താനം പറഞ്ഞിരുന്ന അവൻ, അടുത്ത ഞായറാഴ്ച കാവുമ്പാട്ട് പൂരമാണെന്നു അറിഞ്ഞപ്പോൾ, ഏട്ടത്തിക്ക് കൈയിൽ പൊള്ളിയ കാര്യം അവൻ അവരോടു പറഞ്ഞു.
അവർ പോയതിനു ശേഷം മുത്തശ്ശിയുടെ അടുത്ത് ചെന്ന് ദീപു കുറച്ചു നേരം സംസാരിച്ചു. മുത്തശ്ശിക്ക് പയ്യെ ഒരാൾ പിടിച്ചാൽ എണീറ്റു നടക്കുകയൊക്കെ ചെയ്യാം. അവരുടെ കൂടെ മുറ്റത്തൊക്കെ ഒന്ന് നടന്നശേഷം മുത്തശ്ശി കിടക്കണം എന്ന് പറഞ്ഞതിനാൽ അവരെ മുറിയിലാക്കി. കുളത്തിൽ പോയി ഒരു കുളിയും കാവിൽ തൊഴുതും ചെയ്ത ശേഷം ദീപു കടയിലേക്ക് പോയി കുറച്ചു സാധനങ്ങൾ വാങ്ങി വന്നു. രാത്രി കഞ്ഞി കുടിക്കാൻ ദീപുവും സിന്ധുവും ഒന്നിച്ചിരുന്നെങ്കിലും മൂകമായിരുന്നു ഇരുവരും.
പിറ്റേന്ന് മുതൽ ദീപു സിന്ധു വിളിയ്ക്കാതെ തന്നെ നേരത്തെ ഉണരാനും വീട്ടിലെ ജോലികൾ ചെയ്യാനും തുടങ്ങി. സിന്ധുവിന്റെ കൈയിലെ പൊള്ളലിന്റെ വീക്കവും അവളുടെ മനസിലെ ദീപുവിനോടുള്ള പിണക്കവും മാറി വരികയായിരുന്നു. അതിനിടയിൽ ഒരു ദിവസം അശോകൻ ഫോൺ ചെയ്തപ്പോൾ അത്രയ്ക്കൊന്നുമില്ല എണ്ണയാർഥത്തിൽ പൊള്ളലിന്റെ ആഘാതത്തെ കുറിച്ചുമവൾ വിവരിക്കയുണ്ടായി. അമ്പലത്തിൽ നിന്നും കാടാമ്പുഴ പോകുന്ന യാത്രയ്ക്ക് മുൻപ് വരാമെന്നു പറഞ്ഞുകൊണ്ട് അശോകനും അവൾക്ക് ഉറപ്പ് നൽകി.
അങ്ങനെ അശോകൻ വരുന്നതിനു ഒരുദിവസം മുൻപ് സിന്ധുവിന്റെ കയ്യിലെ പൊള്ളൽ പൂർണ്ണമായും മാറി.