മന്ദാകിനി 5

Mandakini Part 5 | Author : Mahi

[ Previous Part ] [ www.kkstories.com]

ജനലഴികളിലൂടെ കടന്നുവന്ന സൂര്യവെളിച്ചം കണ്ണുകളിൽ അസ്വസ്ഥത തീർത്തതും സെറ ഉണർന്നു... എഴുന്നേൽക്കാൻ മുതിർന്ന സെറയെ എന്തോ തടഞ്ഞു, നെഞ്ചിൽ നേർത്തൊരു ഭാരം...

പുതപ്പ് മാറ്റിയ സെറയുടെ കണ്ണുകൾ മിഴിഞ്ഞു.... തന്റെ മാറിൽ മുഖം പൂഴ്ത്തി ഉറങ്ങുന്ന അനാമിക.... കാണുന്നത് സ്വപ്നമാണോ എന്ന് സെറ ഒരുവേള ആലോചിച്ചു

അനു.... അവളെ നോക്കിയ സെറയുടെ നെഞ്ചം സ്നേഹത്തിൽ വിങ്ങി... കുഞ്ഞുങ്ങളെപ്പോലെ നെഞ്ചിൽ ഒരുവൾ.... അവൾ കൈ ഉയർത്തി അനുവിന്റെ മുഖത്ത് തലോടി....

"അനു.... എണീക്ക് "

"മ്ഹും... സെ... സെറാ..."

അനുവിന്റെ അധരങ്ങൾ ഇടറി....

സെറയുടെ മുഖം വിടർന്നു.... അവൾ സംശയത്തോടെ അനുവിന്റെ അധരങ്ങളോട് കാതോർത്തു.... ഇടയ്ക്കിടെ തന്റെ പേര് പറയുന്നു..... ചിരിക്കുന്നു.... പിടയുന്നു...

അനുവിന്റെ ഉള്ളിലും താൻ ഉണ്ട് എന്ന സത്യം സെറ തിരിച്ചറിഞ്ഞ. നിമിഷം ആയിരുന്നു അത് .... തനിക്കുവേണ്ടി പിറന്നവൾ.... എന്റെ,, എന്റെ മാത്രം...

അനു എഴുന്നേൽക്കുമ്പോഴേക്കും സെറ കുളിച്ച് ഇറങ്ങിയിരുന്നു....അവളൊരു ജീൻസും ക്രോപ് ഷർട്ടും ആയിരുന്നു വേഷം....അവളുടെ തെളിഞ്ഞുകാണുന്ന പൊക്കിൾചുഴിയിലേക്ക് അനു പാളി നോക്കി, പിന്നെ നോട്ടം മാറ്റി....

"സമയം എത്രയായി സെറാ...."

"പത്തുമണി ആവാറായി....."

"പത്തുമണിയോ.... നേരത്തെ വിളിക്കാമായിരുന്നില്ലേ നിനക്ക്...."

"നേരത്തെ എണീറ്റിട്ട് എന്തിനാ.... നീ ചെന്ന് പെട്ടെന്ന് ഫ്രഷ് ആയി വാ...."

ടൂത്ത്ബ്രഷിന്റെ ഒരു പാക്കറ്റ് അനുവിന്റെ മടിയിലേക്ക് ഇട്ടുകൊണ്ട് സെറ പറഞ്ഞു....

" മാളിൽ പോണം... നിനക്ക് കുറച്ച് സാധനങ്ങൾ മേടിക്കണം....പോകുന്ന വഴിക്ക് ഫുഡ്‌ കഴിക്കാം, പോരെ??.... "

"മതി...."

അനു ബാത്‌റൂമിലേക്ക് നടന്നതും സെറ റൂം തുറന്ന് പുറത്തേക്ക് ഇറങ്ങി കൈയിൽ കരുതിയ കീ ഉപയോഗിച്ച് ഓപ്പോസിറ്റ് റൂമിന്റെ വാതിൽ തുറന്നു.... അടുത്ത നിമിഷം അഞ്ചോളം കൂറ്റൻ നായ്ക്കൾ അവളുടെ അടുത്തേക്ക് പാഞ്ഞ് വന്നു.... അവളുടെ പുറത്തേക്ക് ചാടി കയറിയും, അവളുടെ ദേഹത്ത് നക്കിയും, ഉരസിയും അവറ്റകൾ സ്നേഹം പ്രകടിപ്പിച്ചു....

പെട്ടെന്ന് പിന്നിൽ വാതിൽ തുറക്കുന്ന ശബ്ദം കേട്ടതും സെറ തിരിഞ്ഞു നോക്കി.... ഒരു മദ്യവയസ്കൻ ആയിരുന്നു അത്

"അശോക്....."

"മേഡം... "

"അശോക്.... ഇവരെ വാക്കിങ് ന് കൊണ്ടുപോയില്ലേ...."

"കൊണ്ടുപോയി മേഡം..... ഫുഡും കൊടുത്തു...."

"മ്മ്ഹ്ഹ്....."

അവൾ അവിടെന്ന് ഇറങ്ങി തന്റെ റൂമിലേക്ക് നടന്നു....

വാതിൽ തുറന്ന് കയറുമ്പോഴേ കണ്ടു കണ്ണാടിക്കുമുന്നിൽ നിൽക്കുന്ന അനാമികയെ.... താൻ ബെഡിൽ എടുത്തുവച്ചിരുന്ന