Chapter Title : മനുഷ്യപ്പറ്റില്ലാത്തവൾ [മന്ദൻരാജാ] UPDATED 2.0

"' വിഷ്ണു ...അങ്ങനെ വിളിച്ചാൽ മതി ... സൗന്ദര്യബോധം ...അങ്ങനെയൊന്നില്ല . അത് ആ പെൺകുട്ടിയുടെ ജീവിതം പോലെയാവും .ഞാൻ കാണുന്ന സൗന്ദര്യം മുഖത്തല്ല . എന്റെ മനസ്സിലാണ് .. ഒരു പക്ഷെ എനിക്കിഷ്ടപ്പെടുന്ന കുട്ടിയെ താങ്കൾക്ക് ഇഷ്ടപ്പെട്ടുവെന്നു വരില്ല .. ചിലപ്പോൾ മിക്ക ആളുകൾക്കും ""

അവരുടെ നെറ്റിയിലേക്ക് വീണുകിടക്കുന്ന മുടിയിഴകളിലേക്ക് നോക്കി ഞാൻ തുടർന്നു

"" ഒരു പെണ്ണിന്റെ ഏതെങ്കിലും ഒരു ഘടകം ആവാം നമുക്ക് ഇഷ്ടപ്പെടുക... അതൊരുപക്ഷെ അവളുടെ കണ്ണുകൾ ആവാം.. മുടി ആവാം ചുണ്ടുകൾ.. മുഖം ....അതും അല്ലെങ്കിൽ അവളുടെ പെരുമാറ്റം ആവാം. അത് നമ്മുടെ മനസ്സിന്റെ പോലെയിരിക്കില്ലേ""

""തീർച്ചയായും വിഷ്ണു... എന്നിട്ടിതെ വരെ അങ്ങനെയൊരുവളെ കണ്ടെത്തിയില്ലെ ..മോശം"" നുണക്കുഴി വീണ്ടും വിരിഞ്ഞു

"'വിഷ്ണുവിനു കറുത്ത പെൺകുട്ടികളെ ആണോ ഇഷ്ടം ?'''

""അതെന്താ അങ്ങനെ .ചോദിച്ചേ ?'''

"" ചിലപ്പോൾ വിഷ്ണുവിന് കറുത്ത നിറമുള്ളവരെ ആവും ഇഷ്ടം. കൂടുതലാളുകൾക്കും കറുത്തവരെ ഇഷ്ടമില്ലലോ "'

""' ആര് പറഞ്ഞു ...""'

"" കറുപ്പിനേഴഴകല്ലേ എന്നല്ലേ പറഞ്ഞു വരുന്നത് . നിങ്ങൾ എഴുത്തുകാർക്ക് കറുപ്പിനഴകുണ്ട് . പക്ഷെ കാര്യത്തിലേക്ക് വരുമ്പോൾ കറുത്തവരെ പറ്റില്ല ""'

ഞാനവരെ ഒന്ന് സൂക്ഷിച്ചു നോക്കി . ലവലേശം മേക്കപ്പ് ഇല്ല . ഇനി അൽപം ബ്ലാക്ക് ആയിട്ട് മേക്കപ്പ് ഇട്ടു വെളുപ്പിച്ചതാണോ ആവൊ ? അതായിരിക്കുമോ കറുപ്പിന്റെ കാര്യം പറഞ്ഞപ്പോൾ ഇത്ര ചൂട് . ഏതായാലും സംസാരിക്കാൻ ഒരു വിഷയം കിട്ടി . വിടേണ്ട , ഇനിയിപ്പോൾ നാളെ നല്ലൊരു എഴുത്തിനുള്ള വിഷയവും ആയിക്കൂടായെന്നില്ല . മാത്രവുമല്ല അവരുടെ തുടുത്തു ചുവന്ന മുഖവും നീണ്ടു വിടർന്ന കണ്ണുകളും , നീണ്ട മൂക്കും വിടർന്ന നനവൂറുന്ന ചുണ്ടുകളും നോക്കിയിരിക്കാൻ തന്നെ രസമുണ്ട് . ആരും കൊതിക്കുന്നൊരു സ്ത്രീ ശിൽപം

"" അങ്ങനെയുള്ളവരുണ്ടാവാം . കറുപ്പിലും വെളുപ്പിലും ഒന്നുമല്ല കാര്യം . നല്ല സൗന്ദര്യമുള്ള പെൺകുട്ടി , പക്ഷെ കെട്ടിക്കഴിഞ്ഞാൽ താൻപോരിമയുള്ള ഒരു സ്ത്രീയാണെങ്കിൽ പോയില്ലേ എല്ലാം .?'''

"' താൻപോരിമ ? എന്താണ് താൻപോരിമ കൊണ്ട് വിഷ്ണു ഉദ്ദേശിക്കുന്നത് ? ഒരു