Chapter Title : മഴവാതിൽ [കത്തനാർ]

പറഞ്ഞത്.

അരവിന്ദ് അവളുടെ കൈയിലെ പുസ്തകങ്ങളിലേക്ക് നോക്കി.

“ഇതൊക്കെ എന്താണ്?”

“കോളേജിലെ പുസ്തകങ്ങളാണ്.”

“ഇത്ര മഴയത്ത് കോളേജിൽ നിന്ന് വരികയായിരുന്നോ?”

“അല്ല...”

അവൾ അല്പം മടിച്ചു.

“ലൈബ്രറിയിൽ നിന്ന്.”

“നിങ്ങൾ...?”

അവൻ ചോദിക്കാൻ തുടങ്ങിയതും അടുക്കളഭാഗത്ത് നിന്ന് ഒരു ശബ്ദം കേട്ടു.

“ദേവു!”

മീനാക്ഷിയായിരുന്നു.

ദേവിക ഉടൻ തിരിഞ്ഞുനോക്കി.

“അമ്മ വിളിക്കുന്നു.”

അവൾ പറഞ്ഞു.

പോകാനായി തിരിഞ്ഞപ്പോൾ അരവിന്ദ് ചോദിച്ചു.

“നിന്റെ പേരെന്താ?”

അവൾ നിന്നു.

ഒരു നിമിഷം അവന്റെ മുഖത്തേക്ക് നോക്കി.

ആ മഴസന്ധ്യയിലെ ആദ്യ പുഞ്ചിരി അവളുടെ ചുണ്ടുകളിൽ തെളിഞ്ഞു.

“ദേവിക.”

പിന്നെ അവൾ അകത്തേക്ക് നടന്നു.

അരവിന്ദ് അവിടെത്തന്നെ നിന്നു.

പുറത്ത് മഴ ഇപ്പോഴും പെയ്യുന്നുണ്ടായിരുന്നു.

അവൻ അറിയാതെ ആ പേര് ഒരിക്കൽക്കൂടി മനസ്സിൽ ഉരുവിട്ടു.

ദേവിക.

മുകളിലെ അരവിന്ദിന്റെ മുറിയുടെ ജനാലയിൽകൂടി ഇതെല്ലാം നോക്കികാണുന്നു ആ രണ്ടു കണ്ണുകളുടെ ഉടമയെ അവനറിഞ്ഞില്ല.

അദ്ധ്യായം 1 ശുഭം. കഥ തുടരും…