Chapter Title : മഴനീർതുള്ളികൾ 2 [Anamika]

നടക്കണ്ട കൊച്ചാ….

ചിന്നു st പൈസേടെ ബാക്കി കയ്യിലുണ്ടായിരുന്നത് കൊണ്ട് രണ്ട് സിപപ് വാങ്ങി…ഒന്ന് അമ്മുവിന് നേരെ നീട്ടി….

“റോട്ടിക്കൂടെയോ…അയ്യേ…നാണമാവും….” അമ്മുവിനാകെ മടിയാണ്….

“ഇതതിനു നടുറോഡല്ലല്ലോ….ഇനിയാണേൽ തന്നെയെന്താ…സിപ്പപ്പല്ലേ…”

വേണേൽ പിടിയെന്നും പറഞ്ഞവൾ ഒന്നൂടെ നീട്ടിയപ്പോ അമ്മു വാങ്ങി…സൈഡ് പൊട്ടിച്ചു വായിലേക്ക് വച്ചു ചുറ്റും നോക്കി…ആരുമില്ല…കുടിച്ചു….

“ഇന്നിപ്പോ നീയും കൂടെ ഉള്ളോണ്ട…ഇല്ലേൽ ഹരിയേട്ടനോ അരുണേട്ടനോ വരും വിളിക്കാൻ പണി ഇല്ലാത്ത ദിവസം….”

”ഹരിയേട്ടനാണേൽ ദാ ആ കടേന്നു ചായേം ബോളീം വാങ്ങിച്ചു തരും….“ കുറച്ചപ്പുറെ കാണുന്ന ചായക്കടയിലേക്ക് നോക്കിയാണ് പറച്ചിൽ….

തുടങ്ങി കൊറിയേട്ടൻ പുരാണം….അതാണെലോ ക്രിഞ്ച് ഫെസ്റ്റും….സിപ്പപും കൂട്ടി പിറുപിറുത്തു അമ്മു മുന്നോട്ട് നടന്നു…

”ചിന്നുവേ…..“

”ഓയ്….“ പ്രോഗ്രാം ചെയ്തു വച്ച പോലെ വിളികേട്ടുകൊണ്ട് തിരിഞ്ഞതും ശാരീയേച്ചി….അവരുടെ വീടിന്റെ മുന്നിൽ നിൽപ്പുണ്ട്..

”ദൈവമേ….പെട്ട്…..“

”എന്താടി….“

”ഇതാണ് മോളേ ഇവിടത്തെ മെയിൻ പാഷാണം…രാവിലേ കണ്ടതൊക്കെ ഇതിനെ വച്ച് നോക്കുമ്പോ എന്ത്….“

”എന്തേച്ചി….“ നിഷ്കു ലുക്ക്‌ വാരി വിതറി തിരിഞ്ഞു നോക്കി….

”നീ നേരെ വീട്ടിലോട്ടല്ലേ…..ദാ ഇത് ഒന്ന് മായേനെ ഏല്പിച്ചേരെ….ഒരു ചുരിദാറിന്റെ തുണിയാ…“

ചിന്നുവത് കയ്യിലേക്ക് വാങ്ങി മുന്നോട്ട് നടക്കാനാഞ്ഞു…

” അവിടെ നിന്നേടി….ആ ചെറുക്കൻ ആ മതിലോത്തെ പെണ്ണിനേം കൊണ്ട് വന്നു കേറീന്ന് കേട്ടല്ലോ ശെരിയാണോ….“ അടുത്തേക്ക് വന്നു കൊണ്ട് അവർ ഒതുക്കത്തിൽ ചോദിച്ചു….

തള്ള സമ്മതിക്കൂല….

”ചേച്ചിയേ ഇതിന്റെ അളവോ അപ്പൊ…“ ചിന്നു വിഷയം മാറ്റി…

”അളവ് മായേടെ കയ്യിൽ കാണും…ഇല്ലേൽ നാളെ അളവുചുരിദാർ തന്ന് വിടാംന്നു പറഞ്ഞേക്ക്ട്ടാ….“

”ആ….ശെരിയച്ചീ…..“

”വേം പോ പെണ്ണേ…നീയാരാന്ന് മനസിലായിട്ടില്ല….“ തപ്പിത്തടഞ്ഞു നടക്കുന്നവളെ തള്ളികൊണ്ട് പറഞ്ഞു…

”ഏതാടീ കൂടെയൊരു കൊച്ച്….ഇതാണോ ഇനി….“

”എന്റെ ഫ്രണ്ടാ….“ മുന്നോട്ട് വേഗം നടന്നോണ്ട് മറുപടി കൊടുത്തു…

”ഞാൻ ഇവിടെങ്ങും കണ്ടിട്ടില്ലല്ലോ….“ എത്തി വലിഞ്ഞു അമൃതയെ തന്നെ നോക്കി നിപ്പുണ്ട്….

”കൊറച്ചു മാറിയുള്ളതാ….“ ഉറക്കെ പറഞ്ഞോണ്ട് അമൃതയേം വലിച്ചു മുന്നോട്ട് നടന്നു…

”ഒന്നങ്ങ്