Chapter Title : മഴനീർതുള്ളികൾ 5 [Anamika]

സാഹചര്യത്തിൽ ഒന്നും വളർന്നുവരാത്ത ശീലമില്ലാത്ത പെണ്ണിനോട്….

അല്ലെങ്കിൽ തനിക്ക് കുറച്ച് മയം കാണിക്കാമായിരുന്നു….

“എന്തേലും തൂത്താൽ പോകുവോടി…..അല്ലേൽ അന്നത്തെയാ ഓയിന്മെന്റില്ലേ അതെടുക്കട്ടെ….”

അവളുടെ നീറ്റലിനെക്കാൾ നോവുണ്ട് അവന്റെ സ്വരത്തിൽ….

“വേണ്ട….അതൊന്നും പാടില്ല….ഇങ്ങനെ ഡെലികേറ്റ് ആയിടത്തൊക്കെ ഇട്ടാൽ ചിലപ്പോ പൊള്ളിപ്പോകും…..”

“പിന്നിപ്പോ എന്താ ചെയ്യാ……ഐസ് വച്ചാലോ…..”

“ഫ്രിഡ്ജിൽ വച്ചിട്ടില്ല മഴയല്ലേ അതോണ്ട്…..നീ കുറച്ച് തേൻ എടുത്തിട്ട് വരാമോ കിച്ചെണീന്ന്….”

“അയെന്തിന്…..” ഈ പാതിരക്കവൾ തേൻ കുടിക്കാൻ പോവാണോന്ന സംശയത്തിൽ ഹരി നോക്കി…

“തൂത്തു വെക്കാനാ…..മുറിവുണ്ടെൽ പെട്ടെന്ന് കരിയും…..”

“എന്റെ പൊന്നുമോളെ……അമ്മാതിരി ടിപ്പൊന്നും ഇറക്കല്ലേ…..പിന്നതെന്റെ വായീന്ന് ഞാൻ വിടൂല….വെറുതേ ഇപ്പോള്ള ഡാമേജ് കൂട്ടണോ…..”

ഹരിയുടെ സ്വരമല്പം ദയനീയമായിപ്പോയി…

സ്വന്തം സ്വഭാവത്തെ കുറിച്ചപ്പോൾ നല്ല തിരിച്ചറിവുണ്ട്…

“എന്നാപ്പിന്നെ നീ തന്നെ പറയ് ഐഡിയ…..” പിണങ്ങികിടപ്പും പുതപ്പിട്ട് മൂടലും കഴിഞ്ഞു…..

“ഒന്നു സമാധാനപ്പെട് നീയ്….ഞാൻ ഇച്ചിരെ തുളസിയില പറിച്ചിട്ട് വരാം….പിഴിഞ്ഞുവക്കാം അതാകുമ്പോൾ സേഫ് ആ…..”

“ഈ നേരത്ത് തുളസിയില പറിക്കാനാ….നിനക്ക് പ്രാന്താണോ…..” മുഖം മൂടിയിട്ട പുതപ്പ് നീക്കി അമ്മു കൈക്കൊരു അടികൊടുത്തു….

“പിന്നേ…..നട്ടപാതിരക്ക് ആ വിറകുപുരക്കാത് കിടന്ന് ഇമ്മാതിരി പണി ഒപ്പിക്കാമെങ്കിൽ ഒരു തുളസിയിലക്കാണോ പാട്….ഇപ്പോ വരാം…ഒറ്റ മിനുട്ടെ….”

പറഞ്ഞിട്ടവൻ വാതിൽ തുറന്ന് പുറത്തേക്കിറങ്ങി….

ഇതിനു ചില്ലറ വട്ടൊന്നുമല്ലെന്ന് അമ്മു ഉറപ്പിച്ചു…

ചിന്നൂന്റെ കെയറേട്ടന് അമ്മുന്റെ കാര്യം വന്നപ്പോൾ കട്ടപ്പാതിരക്ക് നട്ടപ്രാന്ത് നിറുംതലയ്ക്കു പിടിച്ചിട്ടുണ്ട്….

ഹരി വാതിൽ തുറന്ന് തിണ്ണയ്ക്ക് താഴെ പടർത്തിയ പത്തുമണിക്ക് ഇടയിൽ നിന്ന തുളസിച്ചെടിയിൽനിന്നും കയ്യിൽ കിട്ടിയൊരു പിടുത്തം നുള്ളിയെടുത്തു….

ധൃതിപ്പെട്ടുള്ള വലിയിൽ ആ പിഞ്ചുചെടിയുടെ വേരിളകിയാതൊന്നും മൂപ്പർ അറിഞ്ഞിട്ടില്ല…..

നാളെ മായ അറിഞ്ഞാൽ അതിനുള്ളത് അവിടുന്ന് കിട്ടിബോധിച്ചോളും……

മൂഷിക ജന്മം കാലൊച്ച പോലും കേൾപ്പിക്കാതെ തിരികെകയറി കട്ടിലിൽ വന്നിരുന്നു….

അമ്മുവിന്റെ വാട്ടർബോട്ടിൽ തുറന്ന് കൈവെള്ളയിലേക്ക് അല്പം ഒഴിച്ച് തുളസിയില കൂട്ടി തിരുമ്മി….

അമ്മു എണീറ്റ് ഫോണിന്റെ വെളിച്ചത്തിൽ അവന്റെ പ്രവർത്തി നോക്കിയിരിപ്പുണ്ട്…..

ഒരു