Chapter Title : മൂടൽ മഞ്ഞ് 3 [ലസ്റ്റർ]

പോലെ തോന്നിപ്പിക്കുന്ന ഒരു വലിയ ഹാളിൽ ജോർജും സെയ്‌താലിയും ഇരുന്നു മദ്യപിച്ചു കൊണ്ടിരുന്നു. കുറച്ച് നേരം കഴിഞ്ഞപ്പോൾ വാതിൽ തുറന്നടയുന്ന ശബ്ദവും പിന്നെ രണ്ടുപേർ നടന്നു വരുന്ന ശബ്ദവും കേട്ട് തുടങ്ങി. അൽപ്പനരത്തിനുള്ളിൽ അവർ അങ്ങോട്ട് കടന്നുവരികയും ചെയ്തു.

അതിൽ ഒരാൾ തുഷാറും മറ്റെയാൾ ഡെന്നിസും ആയിരുന്നു. ഡെന്നീസിനെ കണ്ടപ്പോൾ ജോർജ്ന്റെ മുഖം തെളിഞ്ഞു. ഇത്രനാളും ഒളിഞ്ഞു കളിച്ചിരുന്നവൻ കളത്തിലേക് ഇറങ്ങികാളിച്ചു തുടങ്ങിയിരിക്കുന്നു. അതൊരു നല്ല ലക്ഷണമാണ്. അയാൾ മദ്യം ഒഴിച്ചു ഡെന്നീസിന് നീട്ടി.

"നമ്മുടെ കുടുംബത്തിലേക്ക് സ്വാഗതം. ദാ ഐശ്വര്യമായി ഇതങ്ങോട്ട് പിടിക്ക്." അയാൾ ഡെന്നീസിന് നേരെ ഗ്ലാസ് നീട്ടി.

"മണ്ണാങ്കട്ട. എടോ കോപ്പിലെ മുതലാളീ, കാര്യങ്ങൾ ആകെ തകിടം മറിഞ്ഞു. കമ്പനിയിൽ എക്സിക്യൂട്ടീവ് ഒഫീഷ്യൽസിനൊക്കെ ഏറെക്കുറെ കാര്യങ്ങൾ മനസ്സിലായി. ഇന്ന് രാവിലെ ബോർഡ് മീറ്റിംഗ് വിളിച്ചു വാഹിദ് കാര്യങ്ങൾ അറുത്തുമുറിച്ചു വ്യക്തമാക്കി, വിത്ത് പ്രൂഫ്. എന്നെ തത്ക്കാലികമായി മാറ്റി നിർത്തുന്നു എന്ന് പറഞ്ഞു പടിയടച്ചു പിണ്ഡം വച്ചു." ഞാനിപ്പോ MBA കഴിഞ്ഞ് ഒരു ഇന്റർനാഷണൽ കമ്പനിയുടെ എക്സ്പോർട്ടിങ് മാനേജർ ചെയറിൽ ഇരിക്കുന്ന വൈറ്റ് കോളർ മാന്യൻ അല്ല,

തന്റെയൊക്കെ കൂട്ടത്തിലെ ഒരു കഞ്ചാവ് കടത്തുകാരനാ. " അയാൾ ജോർജ് നീട്ടിയ മദ്യം നോക്കുകപോലും ചെയ്യാതെ കോപത്തോടെ ആക്രോഷിച്ചു. അയാളുടെ ആ അപമാനിക്കുന്ന തരത്തിലുള്ള സംസാരം അവർക്ക് ആർക്കും അത്ര ഇഷ്ടമായില്ല എന്നത് അവിടെ താത്‌കാലികമായി തളം കെട്ടി നിന്ന നിശബ്ദതയിൽ നിന്ന് വ്യക്തമായിരുന്നു. പിന്നെ സെയ്‌താലി ആ മൂകതയ്ക്ക് വിരാമമിട്ടു കൊണ്ട് ഡെന്നീസിനോട് പറഞ്ഞു.

"അതിന് തന്നോട് ആരെങ്കിലും നിർബന്ധം പറഞ്ഞോ ഇപ്പണിക്ക് കൂടാൻ.