Chapter Title : മൂടൽ മഞ്ഞ് 3 [ലസ്റ്റർ]

ഞങ്ങൾ ഒരു ബിസിനസ്സ് സംസാരിച്ചു, പത്തു ശതമാനം കാശും തരാമെന്ന് പറഞ്ഞു. കേട്ടപാതി ഈ കളിക്ക് ചാടിക്കേറി നിക്കാൻ നിന്നോട് ആര് പറഞ്ഞു."

അയാൾ ചൂടായി. കൈയിലിരുന്ന മദ്യം ഒറ്റവലിക്കു കുടിച്ചു.

"നിങ്ങൾ കരുതുന്ന പോലെയല്ല കാര്യങ്ങൾ. തോട്ടത്തിൽ നിന്ന് ഫാക്ടറി വഴി കഞ്ചാവ് പാക്കിങ് സെക്ഷനിലേക്ക് വന്നിരുന്നത് ആ രാധയുടെ സപ്പോർട്ട് ഉണ്ടായിരുന്നത് കൊണ്ടാ. ഈ നാറി പകരം അവൾക്ക് കാശല്ല ഇവന്റെ മറ്റേ സാധനമാ കൊടുത്തോണ്ടിരുന്നത്. ഇന്ന് രാവിലെ മുതൽ അവൾ മിസ്സിംങ് ആണ്. അറിയോ മണ്ടന്മാരെ."? ഡെന്നീസ് പ്രകോപിതനായി തന്നെ സംസാരിച്ച് കൊണ്ടിരുന്നു. ആ വാർത്ത എല്ലാവരിലും ഒരു ഞെട്ടൽ ഉണ്ടാക്കി. കാര്യങ്ങൾ ഒറ്റയടിക്ക് കീഴ്മേൽ മറിഞ്ഞിരിക്കുന്നു. മാസങ്ങളോളമായി തങ്ങൾ വിജയകരമായി നടത്തിയിരുന്ന വൻ കോടികളുടെ ഡ്രഗ് ഡീലിംഗ് കൈയിലെ മദ്യചഷകം വീണുടയും പോലെ തകർന്നടിഞ്ഞിരിക്കുന്നു. എങ്ങിനെ.?

തുഷാർ അമ്പരന്നു പോയി. ഇന്നലെ രാത്രി താൻ അടിച്ചു തകർത്തു വന്നതാണ്. അവളെ ആര് കടത്തിക്കൊണ്ട് പോയി.? എങ്ങോട്ട് കടത്തിക്കൊണ്ട് പോയി.? എന്താണ് ഇത്ര പൊടുന്നനെ സംഭവിച്ചത്.? അവന് ഒന്നും വ്യക്തമായില്ല. എവിടെയാണ് വീഴ്ച്ച പറ്റിയത്.?

"ഒന്ന് റോബിനെ വിളിക്കൂ. അവളെ എങ്ങിനെയെങ്കിലും കണ്ടെത്തിയേ പറ്റൂ. കാരണം ഫാക്ടറിയിൽ ആരാണ് അവളെ ഹെല്പ് ചെയ്തിരുന്നത് എന്ന് അവൾക്ക് മാത്രേ അറിയൂ. അവർ എങ്ങാനും സത്യങ്ങൾ വിളിച്ചു പറഞ്ഞാൽ കോടികളുടെ തോട്ടം കത്തിച്ചാമ്പലാകും." തുഷാർ ഭീതിയോടെ പറഞ്ഞു. ജോർജ് വേഗം മൊബൈൽ എടുത്ത് റോബിനെ വിളിക്കാൻ തിടുക്കപ്പെട്ടപ്പോൾ ഡെന്നീസ് പരിഹസിച്ചു.

"ആരെയാ വിളിക്കുന്നെ. കാലനെയോ? " അവൻ ജോർജ്ന്റെ കൈയിൽ നിന്ന് മദ്യം പിടിച്ചു വാങ്ങി