Chapter Title : മൃഗം 16 [Master]

പിടിയിലാകരുത്.. ഇവിടുത്തെ എസ് ഐയെ പ്രത്യേകം സൂക്ഷിക്കണം എന്ന് മാലിക്ക് സാറ് പറഞ്ഞിരുന്നു..” ഷാജി പറഞ്ഞു. വാന്‍ തങ്ങളെ കടന്നു പാഞ്ഞു പോകുന്നത് അവര്‍ കണ്ടു. തൊട്ടുപിന്നാലെതന്നെ പോലീസ് വാഹനവുമെത്തി. ഡ്രൈവിംഗ് സീറ്റില്‍ ഇരുന്ന പൌലോസിന്റെ കണ്ണുകളിലെ കത്തുന്ന പക ഷാജി കണ്ടു. പൌലോസിന്റെ കണ്ണുകള്‍ അവന്റെ കണ്ണുകളുമായി മിന്നായം പോലെ ഒന്നിടഞ്ഞിരുന്നു. ജീപ്പില്‍ പൌലോസിനെ കൂടാതെ രണ്ട് പോലീസുകാരും ഒരു ചെറുപ്പക്കാരനും ഉണ്ടായിരുന്നു. “വണ്ടി തിരിക്കടാ..നമുക്ക് അവരുടെ പിന്നാലെ പോകണം” ഷാജി അലറി. ഡ്രൈവര്‍ വണ്ടി തിരിച്ചു. പോലീസ് വാഹനത്തിനു പിന്നാലെ അത് മുന്‍പോട്ടു കുതിച്ചു. ദിവ്യ വണ്ടിയുടെ ഉള്ളില്‍ കുതറി രക്ഷപെടാന്‍ ശ്രമിക്കുകയായിരുന്നു. “അളിയാ അവര് നമ്മുടെ പിന്നാലെ തന്നെയാണ്..ഒടുക്കത്തെ സ്പീഡില്‍ ആണ് ആ കാലന്റെ വരവ്..എന്ത് ചെയ്യണം..അതിന്റെ കൂടെ ഈ വണ്ടി പിടിക്കില്ല..” ഡ്രൈവര്‍ പറഞ്ഞു. പെട്ടെന്ന് പിന്നില്‍ ഇരുന്നവന്റെ മൊബൈല്‍ ശബ്ദിച്ചു. “ഷാജി അണ്ണന്‍ വിളിക്കുന്നു..” അവന്‍ ഫോണെടുത്ത് ചെവിയോടു ചേര്‍ത്ത് ഷാജി നല്‍കിയ നിര്‍ദ്ദേശങ്ങള്‍ക്ക് അനുസരിച്ച് തലയാട്ടി. പിന്നെ ഫോണ്‍ തിരികെ വച്ചു. “എടാ വണ്ടി ആളൊഴിഞ്ഞ ഏതെങ്കിലും സ്ഥലത്ത് നിര്‍ത്താന്‍ ഷാജി അണ്ണന്‍ പറഞ്ഞു. അണ്ണന്‍ പിന്നാലെ ഉണ്ട്. ഹൈവേയില്‍ കയറുന്നതിനു മുന്‍പ് പോലീസിന്റെ ശല്യം ഒഴിവാക്കണം എന്നാണ് അണ്ണന്‍ പറഞ്ഞത്. ഹൈവേയില്‍ കയറിയാല്‍ പിന്നെ ഹൈവേ പൊലീസിന് ഇവര്‍ വിവരം നല്‍കും..പിന്നെ നമുക്ക് പോയിപ്പറ്റാന്‍ സാധിക്കത്തില്ല...ങാ..മതി..ഇവിടെ ചവിട്ട്....എടാ പിള്ളാരെ ഐറ്റംസ് എല്ലാം എടുത്തോ..വണ്ടി നിര്‍ത്തിയാലുടന്‍ പണി തുടങ്ങിക്കോളാന്‍ ആണ് ഷാജി അണ്ണന്റെ ഓര്‍ഡര്‍” അവന്‍ പറഞ്ഞു. ചുറ്റും ആള്‍പാര്‍പ്പ്‌ ഇല്ലാത്ത ആ സ്ഥലത്ത് ഡ്രൈവര്‍ വണ്ടി ശക്തമായി