Chapter Title : മൃഗം 21 [Master]

വാക്കുകള്‍..എപ്പോള്‍ ഓര്‍ത്താലും എന്റെ കണ്ണും മനസും ഒരേപോലെ നിറയ്ക്കും നിന്റെ ആ ഉറച്ച ശബ്ദം..എന്നെ നിന്റെ പെങ്ങളായി കാണുന്നു എന്ന് നീ തന്നെ പറഞ്ഞ ആ സന്ദര്‍ഭം.....” “പൌലോസിനോട്‌ നിനക്കെന്ത് കൊണ്ടാണ് ഇഷ്ടം തോന്നിയത്?” “അയാളുടെ തൊഴിലിനോടുള്ള ആത്മാര്‍ഥത. തന്റേടം..പിന്നെ ആ തെറിച്ച സ്വഭാവം..അതിലേറെ..ഞാനും നീയും സ്ഥിരം ഒരുമിച്ച് പലയിടത്തും പോകുന്നവരായിട്ടും മറ്റൊരു മോശമായ തരത്തില്‍ അദ്ദേഹത്തില്‍ നിന്നും ഒരിക്കല്‍പ്പോലും ഒരു പരാമര്‍ശം ഉണ്ടാകാത്തത്..വളരെ വലിയ ഒരു വ്യക്തിത്വം ആണ് പൌലോസ്....” “ശരിയാണ്..ഞാനും പലപ്പോഴും ആലോചിച്ചിരുന്നു നിനക്ക് ചേരുന്ന വ്യക്തിയാണ് പൌലോസ് എന്ന്..കാരണം നിന്റെയും അയാളുടെയും സ്വഭാവം ഏറെക്കുറെ ഒരേപോലെ തന്നെയാണ്..ഈനാമ്പേച്ചിക്ക് മരപ്പട്ടി തന്നെ കൂട്ടാകുന്നതല്ലേ നല്ലത്..” “ടാ പോത്തെ നിന്നെ ഞാന്‍..” ഡോണ വാസുവിനെ തുരുതുരാ ഇടിച്ചു. ------------ “ഹഹഹ..പക്ഷെ ഇതുപോലെ ചില ഉപകാരങ്ങള്‍ തിരിച്ച് ഇങ്ങോട്ടും ചെയ്യണം. ഒരു പാലമിട്ടാല്‍ അങ്ങോട്ടും ഇങ്ങോട്ടും എന്നാണല്ലോ?” ചേറ്റുവ മൂസ എന്ന മഞ്ഞ ഉച്ചപത്രത്തിന്റെ ഉടമ ഫോണിലൂടെ സംസാരിക്കുകയായിരുന്നു. സമയം രാത്രി ഒമ്പതുമണി. അമ്പത് വയസിനടുത്ത് പ്രായമുള്ള നല്ല കരുത്തനായ ഒരാളാണ് മൂസ. നരച്ച കുറ്റിമുടിയും കുറ്റിത്താടിയും. ഞരമ്പുകള്‍ തെളിഞ്ഞു കാണാവുന്ന ഉറച്ച കൈകള്‍. പത്രത്തിന്റെ പ്രസ്സിനോട് ചേര്‍ന്നുള്ള ഓഫീസില്‍ ആയിരുന്നു അയാള്‍. ഒപ്പം ഒരു കൂട്ടാളിയും വാതില്‍ക്കല്‍ ഒരു സെക്യൂരിറ്റിയും ഉണ്ടായിരുന്നു. അടുത്ത ദിവസത്തെ പത്രത്തിലേക്ക് വേണ്ട മാറ്ററുകള്‍ ഉള്ളില്‍ തയാറാക്കിക്കൊണ്ട് അയാളുടെ ജോലിക്കാര്‍ തിരക്കിലായിരുന്നു. “എടൊ തന്റെ പത്രത്തില്‍ എഴുതി വിടുന്നത് പോലെ എനിക്ക് ചെയ്യാന്‍ പറ്റുമോ? പറ്റുമായിരുന്നു എങ്കില്‍ ഞാന്‍ ഇക്കാര്യത്തിന് തന്നെ കാണേണ്ട കാര്യം ഉണ്ടായിരുന്നോ? പിന്നെ താന്‍ പറഞ്ഞ ആ