Chapter Title : മൃഗം 32 [Master]

നോക്കി പറഞ്ഞു. അര്‍ജ്ജുന്റെ കണ്ണുകളില്‍ പകയുടെ അഗ്നിനാളങ്ങള്‍ എരിയുന്നത് ചാണ്ടി കണ്ടു. “എല്ലാറ്റിനും കാരണം അവളാണ്..ഡോണ..ഞങ്ങള്‍ക്ക് പിന്നാലെ അവള്‍ രണ്ടും കല്‍പ്പിച്ച് ഇറങ്ങി തിരിച്ചതിന്റെ പര്യവസാനമാണ് ഇപ്പോള്‍ നമ്മള്‍ എത്തിപ്പെട്ടിരിക്കുന്ന ഈ അവസ്ഥ..സ്റ്റാന്‍ലി..” അര്‍ജ്ജുന്‍ എന്തോ തീരുമാനിച്ച് ഉറപ്പിച്ച മട്ടില്‍ എഴുന്നേറ്റ് സ്റ്റാന്‍ലിയെ വിളിച്ചു. സ്റ്റാന്‍ലിയും മാലിക്കും ചാണ്ടിയും അവനെ നോക്കി. “ചാണ്ടി സാറ് പറഞ്ഞത് മാത്രമേ നമുക്ക് മാര്‍ഗ്ഗമായി ഉള്ളൂ..വ്യക്തമായ തെളിവോടെ ആണ് ദ്വിവേദിയുടെ അറസ്റ്റ് നടന്നിരിക്കുന്നത്. അനുബന്ധ തെളിവുകള്‍ ഒരു സിനിമയുടെ തിരക്കഥ പോലെ ഡോണയുടെ പക്കലുണ്ട്..അത് മാധ്യമങ്ങളിലൂടെ ലോകം കണ്ടും കഴിഞ്ഞു..ഇനി ദ്വിവേദി ഇവിടെ എത്തുന്ന താമസമേ ഉള്ളു നമ്മുടെ അറസ്റ്റിന്..ചാണ്ടി സാര്‍ ഈ പത്രം കണ്ടില്ലായിരുന്നു എങ്കില്‍ നമ്മള്‍ യാതൊന്നും അറിയാതെ സുഖമായി അഴികള്‍ക്ക് ഉള്ളിലാകുമായിരുന്നു..ഒരിക്കലും പുറത്തിറങ്ങാന്‍ ആകാത്ത വിധത്തില്‍ അത്ര ശക്തമായ തെളിവുകള്‍ ആ പന്ന നായിന്റെ മോള്‍ നമുക്കെതിരെ സ്വരുക്കൂട്ടിയിട്ടുണ്ട്..അതുകൊണ്ട് ഇനി ആലോചിക്കാന്‍ ഒന്നുമില്ല..ഏറ്റവും അടുത്ത ഫ്ലൈറ്റിനു നമ്മള്‍ സിംഗപ്പൂരിനു പോകുന്നു..നമ്മള്‍ മൂവര്‍ക്കും അവിടേക്കുള്ള വിസ ഉള്ളത് കൊണ്ട് അങ്ങോട്ട്‌ തന്നെ ആദ്യം പോകാം..അവിടെ ചെന്ന ശേഷം അനന്തര പരിപാടികള്‍ തീരുമാനിക്കാം...” തന്റെ തീരുമാനം പറഞ്ഞിട്ട് അര്‍ജുന്‍ ഇരുവരെയും നോക്കി. സ്റ്റാന്‍ലിയും മാലിക്കും അനുകൂലഭാവത്തില്‍ ശിരസ്സനക്കിയപ്പോള്‍ അര്‍ജ്ജുന്‍ തുടര്‍ന്നു: “പക്ഷെ പോകുന്നതിനു മുന്‍പ് നമുക്ക് ഒന്ന് ചെയ്യാനുണ്ട്; നാളെ ഈ നാട്ടിലേക്ക് വരാനാകാതെ ലോകത്തിന്റെ ഏതുഭാഗത്തു നമ്മള്‍ ആയിരുന്നാലും, അവിടെയൊന്നും നമുക്ക് മനസ്താപം തോന്നാതിരിക്കാന്‍ വേണ്ട ആ കര്‍മ്മം..അതെ..ഡോണ..അവളെ നമ്മള്‍ കാണേണ്ടത് പോലെ ഒന്ന് കണ്ടിട്ട് മാത്രമേ ഇവിടെ നിന്നും പോകൂ....” “അതെ..ഞാനത് അങ്ങോട്ട്‌ പറയാന്‍ ഇരിക്കുകയായിരുന്നു..ഡോണ മാത്രമല്ല,