Chapter Title : മൃഗം 32 [Master]

തിരിഞ്ഞു. “പത്തു സെക്കന്റ്...അതിനകം നീയും ഇവന്മാരും ഈ കോമ്പൌണ്ട് വിട്ടോണം...” അയാള്‍ കടുവയെപ്പോലെ മുരണ്ടു. പ്രിയങ്കയുടെ ചുണ്ടിലെ പരിഹാസച്ചിരി പൌലോസ് കണ്ടു. അവള്‍ തന്റെ സ്തനങ്ങള്‍ തള്ളി, കതകില്‍ ചാരി ആടിയാടി നിന്നു രസിക്കുകയാണ്. പെട്ടെന്ന് സിംഗിന്റെ കൈയില്‍ റിവോള്‍വര്‍ പ്രത്യക്ഷപ്പെട്ടു. “നീ വരും” അയാള്‍ മുരണ്ടു. പോലീസുകാര്‍ ജാഗ്രതയോടെ അവരെ വളഞ്ഞു. ദ്വിവേദിയുടെ ചുണ്ടുകളില്‍ ഒരു ചിരി വിരിയുന്നത് പൌലോസ് കണ്ടു. തുടര്‍ന്ന് എന്താണ് സംഭവിച്ചത് എന്ന് പൌലോസിനു മനസിലായില്ല. നോക്കുമ്പോള്‍ തോക്ക് ദ്വിവേദിയുടെ കൈയിലുണ്ട്. അയാളുടെ ചുണ്ടില്‍ മിന്നായം പോലെ ഒരു ചിരി മിന്നിമാഞ്ഞു. പിന്നെ ഏതാണ്ട് ഒരു മിനിറ്റ് അയാള്‍ ഒന്ന് വെട്ടിത്തിരിഞ്ഞ് കറങ്ങി. സിങ്ങും അഞ്ചു പോലീസുകാരും ചിതറിത്തെറിച്ച് പലയിടങ്ങളില്‍ ആയി വീഴുന്നത് പൌലോസ് ഞെട്ടലോടെ കണ്ടു. അവര്‍ ആറുപേരും എഴുന്നേല്‍ക്കാന്‍ സാധിക്കാതെ കിടന്നു ഞരങ്ങുന്നുണ്ടായിരുന്നു. ദ്വിവേദി തോക്ക് സിംഗിന്റെ ഉറയില്‍ത്തന്നെ തിരികെ ഇട്ട ശേഷം നിവര്‍ന്നു. “മെല്ലെ മതി..എഴുന്നേല്‍ക്കുമ്പോള്‍ ശബ്ദം ഉണ്ടാക്കാതെ വേണം പോകാന്‍..ഞാന്‍ പോട്ടെ..മൈ ഗേള്‍ ഈസ് വെയിറ്റിംഗ്” ഒരു വികൃതമായ ചിരിയോടെ അത് പറഞ്ഞിട്ട് ദ്വിവേദി പ്രിയങ്കയുടെ അടുത്തെത്തി അവളെ പിടിച്ച് ആ ചുണ്ടുകളില്‍ അമര്‍ത്തി ചുംബിച്ചു. “ഹോ..ഇത്ര വേഗം എന്തിനാ തീര്‍ത്തത്..എനിക്ക് ശരിക്കും ഒന്ന് കാണാന്‍ പറ്റിയില്ല..കുറെ നാള്‍ കൂടെയാണ് നിങ്ങളുടെ ഒരു ഷോ കാണാന്‍ ചാന്‍സ് കിട്ടിയത്...” അവള്‍ ചുണ്ട് പുറത്തേക്ക് തള്ളിക്കൊണ്ട് ചിണുങ്ങി. “എനിക്ക് നിന്നെ ഇതൊന്നുമില്ലാതെ കാണാന്‍ കൊതിയായെടി പെണ്ണെ....അതുകൊണ്ട് സമയമില്ല കളയാന്‍..വാ..” അയാള്‍ അവളുടെ അരക്കെട്ടില്‍ കെട്ടിപ്പിടിച്ച് അവളെ പൊക്കിയെടുത്ത് ഉള്ളിലേക്ക് പോകാന്‍ തിരിഞ്ഞപ്പോള്‍ പൌലോസ് ഇരുട്ടില്‍ നിന്നും വെളിച്ചത്തിലേക്ക്