Chapter Title : മുഹബത്ത് 3 [Vashalan]

മറുപടി പറഞ്ഞു:

"അയ്യോ! ചേട്ടാ... സാരമില്ല, ചേട്ടൻ ഇതിന് സോറിയൊന്നും പറയേണ്ട ആവശ്യമില്ല. ചേട്ടൻ എസിയുടെ കാര്യമാണ് ചോദിച്ചതെന്ന് എനിക്ക് മനസ്സിലായി. ഇനിയിപ്പോ ഇതിൽ ചെറിയൊരു തമാശ തോന്നി അവന്മാര് ചിരിച്ചാലും എനിക്ക് കുഴപ്പമൊന്നുമില്ല. നമ്മളൊക്കെ ഒരേ ഫ്ലാറ്റിൽ ഒരുമിച്ച്

കഴിയുന്നവരല്ലേ... ശ്രീരാഗും ഫാസിലും നേരത്തെ സംസാരിച്ചപ്പോഴും ഞാൻ പറഞ്ഞിരുന്നല്ലോ, നിങ്ങളെയൊക്കെ സ്വന്തം സഹോദരങ്ങളെപ്പോലെയാണ് ഞാൻ കാണുന്നത് എന്ന്. അതുകൊണ്ട് ഇത്തരം തമാശകളോ വർത്തമാനങ്ങളോ ഒന്നും ഓർത്ത് ചേട്ടൻ സങ്കടപ്പെടേണ്ട.

ആരും ഇവിടെ വിഷമിച്ചിരിക്കാനോ റിലാക്സ് ചെയ്യാതിരിക്കാനോ പാടില്ല. നിങ്ങളൊക്കെ നിങ്ങളുടെ ആ പഴയ സന്തോഷത്തോടെ തമാശകൾ പറഞ്ഞ് ഇരുന്നാൽ മതി, എനിക്കതിൽ ഒരു പ്രശ്നവുമില്ല."

ഹൻസിബ മുൻപത്തെ കാര്യങ്ങൾ കൂട്ടിയിണക്കി ആ രീതിയിൽ വ്യക്തമായി പറഞ്ഞപ്പോൾ രാമേന്ദ്രൻ ചേട്ടന് വലിയൊരു ആശ്വാസമായി.

"കണ്ടോ! അതാണ് ഞാൻ പറഞ്ഞത്, നമ്മുടെ ഇത്ത കട്ട പോസിറ്റീവാണെന്ന്!" ഫാസിൽ ചിരിച്ചുകൊണ്ട് പറഞ്ഞു.

അല്ല ഷാജൂ..." രാമേന്ദ്രൻ ചേട്ടൻ പെട്ടന്ന്

വിഷയം മാറ്റി എന്നെ നോക്കി ചോദിച്ചു. "ഈ മാസത്തെ മെസ്സിന്റെ കാര്യങ്ങളൊക്കെ എങ്ങനെയുണ്ട്? അടുത്തെങ്ങാനും സാധനങ്ങൾ വാങ്ങാൻ ലുലുവിൽ പോവേണ്ടി വരുമോ?"

"അതൊന്നും ഇനി ഈ മാസം പേടിക്കണ്ട ചേട്ടാ," ഞാൻ പ്ലേറ്റിലേക്ക് ചിക്കൻ കഷണം എടുത്തുവെച്ചുകൊണ്ട് പറഞ്ഞു. "കഴിഞ്ഞ ആഴ്ച ഞാൻ പോയപ്പോൾ തന്നെ ഈ മാസത്തേക്ക് വേണ്ട അത്യാവശ്യം എല്ലാ സാധനങ്ങളും ബൾക്കായി വാങ്ങി വച്ചിട്ടുണ്ട്.

കണക്കൊക്കെ ഞാൻ ബുക്കിൽ നോട്ട് ചെയ്തു വച്ചിട്ടുമുണ്ട്. അതുകൊണ്ട് ഇനിയൊരു ഓട്ടത്തിന്റെ ആവശ്യമില്ല."

"അത് നന്നായി ഷാജൂ... നീയുള്ളതുകൊണ്ടാ ഈ മെസ്സിന്റെ കാര്യത്തിലൊക്കെ ഒരു കൃത്യതയുള്ളത്," ചേട്ടൻ ആശ്വാസത്തോടെ പറഞ്ഞു.