Chapter Title : മുഹബത്ത് 3 [Vashalan]

എന്തെങ്കിലും പറഞ്ഞ് ചിരിക്കട്ടെ. എനിക്ക് എന്റെ പെണ്ണിനെ സഹായിക്കാൻ തോന്നുമ്പോൾ ഞാൻ സഹായിക്കും," ഞാൻ അവളുടെ കവിളിൽ പതുക്കെ തട്ടി പറഞ്ഞ് മീനിൽ മസാല തിരുമ്മി വെച്ചു.

ഹാളിലിരുന്ന് സവാള നന്നാക്കുകയായിരുന്ന രാമേന്ദ്രൻ ചേട്ടൻ അവന്മാരോട് പറഞ്ഞു: "എന്നാ പിള്ളേരെ, ആ ചെക്കൻ അവിടെ സഹായിക്കാൻ കേറിയ സ്ഥിതിക്ക് നിങ്ങളും കൂടെ അങ്ങോട്ട് ചെല്ല്. തക്കാളിയും ഇഞ്ചിയും

പച്ചമുളകുമൊക്കെ അരിഞ്ഞ് ബിരിയാണിക്ക് പാകത്തിന് റെഡിയാക്കാൻ ഒന്ന് സഹായിക്ക്. എന്നാലേ പണി പെട്ടെന്ന് തീരൂ."

രാമേന്ദ്രൻ ചേട്ടൻ പറഞ്ഞതും ശ്രീരാഗും ഫാസിലിനും വീണ്ടും വികൃതി നിറഞ്ഞ മനസ്സോടെ അടുക്കളയിലേക്ക് കയറി വന്നു.

"എന്നാ ഇത്താ... ആ തക്കാളിയും പച്ചമുളകും ഇങ്ങോട്ട് താ," ഫാസിൽ കത്തി കൈയിലെടുത്തുകൊണ്ട് പറഞ്ഞു. "ഞങ്ങൾ ഇത് അരിഞ്ഞു തരാം."

"അയ്യോ... സാരമില്ല ഫാസിലേ, ഞാൻ ചെയ്തോളാം. നിങ്ങൾ പോയി ഹാളിൽ ഇരുന്നോ," ഹൻസിബ നാണത്തോടെ പറഞ്ഞു.

"അതിനെന്താ ഇത്താ, ഒരു പ്രശ്നവുമില്ല!" ശ്രീരാഗ് ചിരിച്ചുകൊണ്ട് തക്കാളി പാത്രം വാങ്ങി. "ഈ ബാച്ചിലേഴ്സ് റൂമിൽ ഇത്രയും കാലം ഇതൊക്കെ ചെയ്ത് ഭയങ്കര എക്സ്പീരിയൻസ് ഉള്ളവരാ ഞങ്ങൾ. പെട്ടെന്ന് പണി കഴിയുമല്ലോ. ഷാജുക്ക മീനിൽ

മസാല തേക്കുന്ന തിരക്കിലുമാണ്, അതുകൊണ്ട് തക്കാളിയും ഇഞ്ചിയും അരിയുന്ന പണി ഞങ്ങൾ ഏറ്റെടുത്തു!"

എല്ലാവരും ഒന്നിച്ച് അടുക്കളയിൽ കൂടിയതോടെ അവിടെ വീണ്ടും ഒരു കൊച്ചു ആഘോഷത്തിന്റെ അന്തരീക്ഷമായി. ഹൻസിബ ചോറിനുള്ള അരി കഴുകി വെച്ചു, ഫാസിലും ശ്രീരാഗും തക്കാളിയും പച്ചമുളകുമൊക്കെ അരിഞ്ഞു, രാമേന്ദ്രൻ ചേട്ടൻ സവാള നന്നാക്കി തന്ന് സവാള വഴറ്റാനുള്ള നെയ്യും മസാല കൂട്ടുകളും റെഡിയാക്കി കൊടുത്തു.

ഞാനും ഹൻസിബയും