Chapter Title : നിധിയുടെ കാവൽക്കാരൻ 15 [കാവൽക്കാരൻ]

ഇവരെ രണ്ടുപേരെയും വീട്ടിലൊന്ന് കൊണ്ടാക്കി വരാം..."

​ഉറങ്ങി വീഴാറായ റോസിനെയും കൃതികയെയും ചൂണ്ടിക്കാണിച്ചുകൊണ്ട് ഞാൻ പറഞ്ഞു.

​അവൻ ഒന്ന് ആലോചിച്ചു. പിന്നെ നിഷേധാർത്ഥത്തിൽ തലയാട്ടി.

​"വേണ്ട... നീ ഒറ്റയ്ക്ക് പോകണ്ട. നമുക്ക് എല്ലാവർക്കും കൂടി പോകാം. ഇനി ആരും തനിച്ച് നിൽക്കണ്ട..."

​അവന്റെ ആ തീരുമാനത്തിന് ഞാൻ എതിരഭിപ്രായം പറഞ്ഞില്ല.

​ക്ഷീണം വകവെക്കാതെ എല്ലാവരും അവിടെ നിന്നും എഴുന്നേറ്റു....

​"നിങ്ങൾ കാറിൽ കയറിക്കോ... ഞാനും രാഹുലും ബൈക്കിൽ വരാം."

​സച്ചിൻ കീ കയ്യിലെടുത്ത് രാഹുലിനെ വിളിച്ച് ബൈക്കിന്റെ അടുത്തേക്ക് നടന്നു.

​നിധി ഡ്രൈവിംഗ് സീറ്റിലേക്കും, ഐഷു ചേച്ചി തൊട്ടടുത്ത സീറ്റിലേക്കും കയറി.

​പിൻസീറ്റിൽ ആദ്യം കൃതികയും റോസും കയറി. ഒരല്പം പ്രയാസപ്പെട്ടാണെങ്കിലും അവർക്ക് അരികിലായി ഞാനും ഇരുന്നു.

ഇരുന്നു കഴിഞ്ഞപ്പോഴാണ്, ഡോറിന് വെളിയിൽ നിൽക്കുന്ന ആമിയെ ഞാൻ ശ്രദ്ധിച്ചത്.

​സീറ്റ് ഫുള്ളാണ്.

റോസോ കൃതികയോ പരസ്പരം മടിയിൽ ഇരുന്നാൽ ആമിക്കുള്ള സ്ഥലം ഒപ്പിക്കാമായിരുന്നു.

​ഞാൻ അവരെ ഒന്ന് നോക്കി.

​രക്ഷയില്ല... സീറ്റിലേക്ക് ചാരി, ബോധം പോയതുപോലെയുള്ള ആ കിടപ്പ് കണ്ടപ്പോൾത്തന്നെ എന്റെ ആ ആഗ്രഹം ഞാൻ പാതിവഴിയിൽ ഉപേക്ഷിച്ചു. അവരെ വിളിച്ചുണർത്തുന്നത് ഇപ്പോൾ പാപമാണ്.

​ആമിയെ നോക്കിയപ്പോൾ അവൾ എന്നെത്തന്നെ നോക്കി നിൽക്കുകയാണ്.

​വേറെ വഴിയില്ല... ഞാൻ സീറ്റിൽ നിന്നും എഴുന്നേൽക്കാൻ ശ്രമിച്ചു.

​എന്നാൽ എന്റെ ഉദ്ദേശം മനസ്സിലാക്കിയതുകൊണ്ടാവണം, ആമി എന്നെ അതിന് അനുവദിച്ചില്ല. പാതി എഴുന്നേറ്റ എന്റെ തോളിൽ പിടിച്ച് സീറ്റിലേക്ക് തന്നെ അമർത്തിയിരുത്തിക്കൊണ്ട്, ഒരു അവകാശിയെന്നോണം അവൾ എന്റെ മടിയിലേക്ക് കയറി ഇരുന്നു.

ഡോർ വലിച്ചടച്ച്, അവൾ എന്റെ നെഞ്ചിലേക്ക് ചാരി. മടിയിലേക്ക് ഒന്നുകൂടി