Chapter Title : നിധിയുടെ കാവൽക്കാരൻ 15 [കാവൽക്കാരൻ]

ശരീരം അമർത്തി, തികഞ്ഞ അവകാശത്തോടെ അവൾ ഇരുന്നു.

അവളുടെ മുടിയിലെ സുഗന്ധം എന്റെ മൂക്കിലേക്ക് അടിച്ചതും ഞാനൊന്ന് ശ്വാസം വലിച്ച് വിട്ടു....

​മുന്നിലെ റിയർ വ്യൂ മിററിലൂടെ ഇതൊക്കെ കണ്ട് കണ്ണുരുട്ടി ഇരിക്കുകയായിരുന്നു നിധി.

​പക്ഷേ ആമിക്ക് ഒരു കുലുക്കവുമില്ല. നിധിയുടെ ആ നോട്ടം കണ്ടിട്ടും യാതൊരു ഭാവവ്യത്യാസവുമില്ലാതെ അവൾ പറഞ്ഞു

​"എടുക്ക്... പോവാം..."

​ആമിയുടെ ആ ഓർഡർ കേട്ടതും നിധി അവളെ ഒന്ന് ഇരുത്തി നോക്കി. പിന്നെ ഒന്നും നോക്കിയില്ല, ഗിയർ ഇട്ട് ആക്സിലറേറ്ററിൽ ഒരൊറ്റ ചവിട്ട്!

​

​റോക്കറ്റ് വിട്ടതുപോലെ വണ്ടി മുന്നോട്ട് കുതിച്ചു.തല പിന്നിലെ സീറ്റിലേക്ക് അടിച്ചുകയറിപ്പോയ അവസ്ഥ.

​ആ കുതിപ്പിൽ, സീറ്റിൽ ബോധം കെട്ടുറങ്ങിയിരുന്ന റോസും കൃതികയും നൂറേ നൂറ്റിപ്പത്തിൽ ഞെട്ടിയുണർന്നു....

ഐഷു ചേച്ചിയുടെ കയ്യിൽ നിന്നും തലക്കൊരു കൊട്ട് കിട്ടിയപ്പോഴാണ് നിധിയുടെ ബോധം തെളിഞ്ഞത്...

​ഉറക്കത്തിൽ നിന്നും ഞെട്ടിയുണർന്ന കൃതികയും റോസും, പല്ലിനിടയിലൂടെ എന്തൊക്കെയോ പിറുപിറുക്കുന്നതും വീണ്ടും അതേപോലെ തലവച്ചു കിടക്കുന്നതും ഞാൻ കണ്ടു....

ഈ നടന്ന കോലാഹലങ്ങളുടെ ഇടയിലും ആമിയുടെ ശ്രദ്ധ എന്നിലേക്ക് മാത്രമാണ്...

​പൂവിന്റെ മണം പോലും മൗനമായിടത്ത്…

നിലാവിന്റെ വെളിച്ചം പോലും മങ്ങിയിടത്ത്…

അവളുടെ ഒരു നോട്ടം മാത്രം,എന്റെ ചിരിക്ക് കാരണമായി...

​ആ നോട്ടത്തിൽ വല്ലാത്തൊരു തിളക്കമുണ്ടായിരുന്നു.

'​എന്താ?'... എന്ന അർത്ഥത്തിൽ ഞാനെന്റെ പുരികം ഒന്ന് പൊക്കി കാണിച്ചു.

​പക്ഷേ, അവൾ ഒന്നും മിണ്ടിയില്ല.

​എന്റെ കണ്ണുകളിലേക്ക് തന്നെ നോക്കി, വല്ലാത്തൊരു പ്രണയത്തോടെ... 'ഒന്നുമില്ല' എന്ന അർത്ഥത്തിൽ അവൾ വെറുതെയൊന്ന് തലയാട്ടി. ചുണ്ടിൽ വിരിഞ്ഞ ആ ചിരിയിൽ, പറയാതെ ബാക്കിവെച്ച പ്രണയം മുഴുവൻ ഉണ്ടായിരുന്നു.....

​വാക്കുകൾക്ക്