Chapter Title : നിധിയുടെ കാവൽക്കാരൻ 28 [കാവൽക്കാരൻ]

ബലം അവളുടെ കൈക്കുഴകളെ വല്ലാതെ ഉലച്ചു. അവൻ വെറുമൊരു സാധാരണക്കാരനല്ലെന്ന് കൃതികയ്ക്ക് ആദ്യ സെക്കൻഡിൽത്തന്നെ വ്യക്തമായി.

അതേസമയം കൂറ്റൻ റോസിന് നേരെ നടന്നു തുടങ്ങി. അവന്റെ ഓരോ ചുവടിലും ഒരു വല്ലാത്ത ശാന്തതയുണ്ടായിരുന്നു. അവൻ തന്റെ വലിയ മഴു റോസിന്റെ തലയ്ക്ക് നേരെ ആഞ്ഞുവെട്ടി.

വെട്ടിന്റെ കാറ്റും ഭാരവും കണ്ട് റോസ് മുന്നോട്ട് കയറാൻ നിൽക്കാതെ പിന്നിലേക്ക് ചാടി.

മഴു കരിങ്കല്ലിൽ പതിച്ച് പാറക്കഷണങ്ങൾ പൊട്ടിത്തെറിച്ചു. ആ തക്കത്തിന് റോസ് തന്റെ കാലപാശം വായുവിൽ ചുഴറ്റി അവന്റെ കാലുകൾ ലക്ഷ്യമാക്കി നീട്ടിപ്പിടിച്ചു.

എന്നാൽ അവൻ തന്റെ കനത്ത ബൂട്ടുകൾ കൊണ്ട് ആ പാശത്തിന്റെ വള്ളി ചവിട്ടിപ്പിടിച്ച് അവളെ തന്നിലേക്ക് ഒറ്റവലിക്ക് വലിച്ചടുപ്പിച്ചു.

നിയന്ത്രണം വിട്ടുപോയ റോസ് തന്റെ സമനില വീണ്ടെടുക്കാൻ പാടുപെട്ടു. അവൻ തന്റെ കൂറ്റൻ കൈത്തണ്ട ചുരുട്ടി അവളുടെ മുഖം ലക്ഷ്യമാക്കി ആഞ്ഞടിച്ചു.

അവസാന നിമിഷം തല വെട്ടിച്ചെങ്കിലും, അവന്റെ മുഷ്ടി റോസിന്റെ ഇടതു തോളിൽ അതിശക്തമായി പതിച്ചിരുന്നു.... അസ്ഥി പൊട്ടുന്നതുപോലെയുള്ള വേദനയോടെ അവൾ മണ്ണിലേക്ക് നിരങ്ങി വീണു.

അപ്പുറത്ത് കൃതിക കടുത്ത പ്രതിരോധത്തിലായിരുന്നു. വാളേന്തിയവന്റെ തുടർച്ചയായ വെട്ടുകൾ അവളുടെ ശരീരത്തിന്റെ ഓരോ ഭാഗങ്ങളെയും ലക്ഷ്യം വെച്ചു. ഒരു വശത്തുനിന്നുള്ള വെട്ട് ഒഴിവാക്കാൻ അവൾ ശരീരം വെട്ടിച്ചതും, അവന്റെ രണ്ടാമത്തെ വാളിന്റെ മുന കൃതികയുടെ ഇടതുവാരിയെല്ലിന് മുകളിലൂടെ ആഴത്തിൽ വരഞ്ഞുപോയി.

തുണി കീറി ചോരയിറ്റുവീണു. കടുത്ത എരിച്ചിൽ പടർന്നപ്പോഴും അവൾ പതറിയില്ല.

താഴെ വീണ റോസിന്റെ മേലേക്ക് ഭീമൻ മഴു ഉയർത്തുന്നത് കൃതികയുടെ കൺകോണിൽ പതിഞ്ഞു.

"റോസേ, ലെഗ് ലോക്ക്!"

കൃതിക അലറി.

തന്റെ മുന്നിൽ