Chapter Title : നിധിയുടെ കാവൽക്കാരൻ 29 [കാവൽക്കാരൻ]
ആമിക്ക് തന്റെ കാതുകളെ വിശ്വസിക്കാനായില്ല. രക്തം കലർന്ന് മൂന്നുപേരും ഒന്നാവുകയോ? ഭ്രാന്ത് പിടിക്കുന്നതുപോലെ അവൾ തലയ്ക്കു കൈവെച്ചു. അവളുടെ ആ അന്ധാളിപ്പ് കണ്ടതും, ആ രഹസ്യത്തിന് പിന്നിലെ പൊരുൾ രുദ്ര പതിയെ അഴിച്ചുവെച്ചുതുടങ്ങി.
"ശ്രദ്ധിച്ചു കേൾക്കൂ... ഞാൻ പറഞ്ഞില്ലേ, ദേവയുടെ ഉള്ളിൽ ഉറങ്ങിക്കിടക്കുന്നത് ഒരു പ്രപഞ്ചാധിപന്റെ സമ്പൂർണ്ണ ശക്തിയാണെന്ന്. ആ ശക്തിയെ ത്രിമൂർത്തികൾ 'കാലരുദ്ര സുഷുപ്തി' എന്ന മഹാമന്ത്രം കൊണ്ട് പൂട്ടിയിട്ടിരിക്കുകയാണ്. ആ മന്ത്രക്കെട്ട് പുറത്തുനിന്ന് ആയുധങ്ങൾ കൊണ്ടോ, മറ്റു മന്ത്രങ്ങൾ കൊണ്ടോ, എന്തിനേറെ പറയുന്നു... ദേവ സ്വയം വിചാരിച്ചാൽ പോലും തകർക്കാൻ കഴിയില്ല! കാരണം, മനുഷ്യന്റെ വികാരങ്ങളുമായി അവന്റെ ആത്മാവിനെ ബന്ധിപ്പിച്ചാണ് ആ മന്ത്രം പ്രവർത്തിക്കുന്നത്.
നിങ്ങൾ ജീവനോടെ അവന്റെ കൂടെയുള്ളിടത്തോളം കാലം, അവന്റെ ഉപബോധമനസ്സ് ഒരു സാധാരണ മനുഷ്യനായി ജീവിക്കാൻ മാത്രമേ ആഗ്രഹിക്കൂ. നിങ്ങളോടുള്ള സ്നേഹവും, നിങ്ങളെ നഷ്ടപ്പെടരുത് എന്ന സുരക്ഷിതത്വബോധവുമാണ് അവന്റെ ഉള്ളിലെ ആ സംഹാരമൂർത്തിയെ ഉറക്കിക്കിടത്തുന്ന താലോലം! ആ ബന്ധനം തകരണമെങ്കിൽ, ത്രിമൂർത്തികളുടെ മന്ത്രത്തെക്കാൾ ശക്തമായ ഒരു ആത്മീയ ആഘാതം അവന്റെ ഉള്ളിൽത്തന്നെ പൊട്ടിപ്പുറപ്പെടണം. അവന്റെ ഹൃദയം ആയിരം കഷ്ണങ്ങളായി ചിതറിത്തെറിക്കുന്ന, പ്രപഞ്ചത്തെത്തന്നെ വിറപ്പിക്കുന്ന അത്രയും തീവ്രമായൊരു വേദന!"
ആമിയുടെ കണ്ണുകൾ നിറഞ്ഞൊഴുകി. രുദ്രയുടെ ഓരോ വാക്കും കൂർത്ത കഠാരപോലെ അവളുടെ നെഞ്ചിലേക്ക് ആഴ്ന്നിറങ്ങുകയായിരുന്നു.
"പക്ഷേ, അവിടെയാണ് ഏറ്റവും വലിയ അപകടം ഒളിഞ്ഞിരിക്കുന്നത്!"
രുദ്രയുടെ സ്വരത്തിന് മൂർച്ച കൂടി.
"നിങ്ങൾ വെറുതെ മരിച്ചുപോയാൽ, ആ വേദനയുടെ ആഘാതത്തിൽ 'കാലരുദ്ര സുഷുപ്തി' പൊട്ടിത്തെറിക്കും... ദേവയുടെ ഉള്ളിലെ ആയിരം സൂര്യന്മാരുടെ ശക്തി പുറത്തുവരികയും ചെയ്യും! പക്ഷേ, നിങ്ങളില്ലാത്ത ആ ശൂന്യതയിൽ, ദുഃഖവും കോപവും കൊണ്ട്
💬 Comments
View all comments