Chapter Title : നിശാവരതന്ത്രം 2 [Zayanora]

അവസാനത്തെ കുറച്ച് പുസ്തകങ്ങൾ കൂടി റാക്കിൽ അടുക്കിവച്ചതോടെ അതുലിന്റെയും മിഥുന്റെയും ജോലി ഏതാണ്ട് കഴിഞ്ഞു.

“ടാ, ആ തുണിയൊക്കെ എടുത്ത് ബക്കറ്റിൽ ഇട്ടേക്ക്,” അതുൽ പറഞ്ഞു.

“ആ, നീ ഈ റാക്കിന്റെ ഗ്ലാസ് ഒക്കെ ഒന്ന് അടച്ചേ..”

മിഥുൻ തുണിയും ഡസ്റ്ററും എടുത്തുകൊണ്ടുപോയി. അതുൽ റാക്കിന്റെ ഗ്ലാസ്സുകൾ അടച്ചു..

രണ്ടര മണിക്കൂർ മുമ്പ് കണ്ട അവസ്ഥയല്ല ഇപ്പോൾ. പൊടിയൊക്കെ തുടച്ചുമാറ്റി പുസ്തകങ്ങൾ അടുക്കിവച്ചതോടെ റാക്കുകൾ കാണാൻ തന്നെ ഒരു വൃത്തിയുണ്ട്.

രണ്ടുപേരും അടുത്തുള്ള കസേരകളിൽ ഇരുന്നു.

മിഥുൻ മാസ്ക് ഊരി മേശപ്പുറത്തുവച്ചു. പിന്നെ ഷർട്ടിന്റെ കൈകളിൽ പറ്റിയിരുന്ന പൊടി തട്ടിക്കളഞ്ഞു.

“മൈര്, ഷർട്ട് മൊത്തം അഴുക്കായി.”

“എന്റെയും..”

അപ്പോഴേക്കും അമല മിസ് അവരുടെ അടുത്തെത്തി.

“എന്താ പണി കഴിഞ്ഞോ?”

“കഴിഞ്ഞു മിസ്,” അതുൽ പറഞ്ഞു.

“നോക്കട്ടെ.”

മിസ് റാക്കുകൾ തുറന്ന് പരിശോധിച്ചു. പുസ്തകങ്ങൾ അടുക്കിവച്ചിരിക്കുന്നതും താഴത്തെ തട്ടിലെ സാധനങ്ങൾ മാറ്റിയിരിക്കുന്നതും നോക്കി.

“ആ, കൊള്ളാം. വൃത്തിയായിട്ടുണ്ട്..”

“താങ്ക്സ് മിസ്.”

“ശരി. എന്നാ നിങ്ങൾ ഈ മേശയും കസേരകളും പഴയപോലെ ഒന്ന് അടുക്കിവയ്ക്ക്.”

അതുലും മിഥുനും പരസ്പരം നോക്കി.

'ദേ അടുത്ത പണി.'

അതുലിന് ചിരിവന്നു.

“ശരി മിസ്.”

മിസ് അടുത്തേക്ക് പോയി.

“നിന്റെ നാക്ക് പൊന്നാക്കട്ടെ,” മിഥുൻ പതുക്കെ പറഞ്ഞു.

“എന്താ?”

“പണി തീർന്നെന്ന് പറഞ്ഞാൽ അടുത്ത പണി കിട്ടുമെന്ന് നീ പറഞ്ഞില്ലേ.”

“ആ, ഇനി എന്റെ നാക്കിനെ കുറ്റം പറ...”

രണ്ടുപേരും എഴുന്നേറ്റ് മേശകൾ പഴയ സ്ഥാനങ്ങളിലേക്ക് നീക്കാൻ തുടങ്ങി.

അപ്പോഴേക്കും അജ്മലും ആന്റണിയും അവരുടെ അടുത്തെത്തി.

“എടാ, പിടിക്കണോ?” അജ്മൽ ചോദിച്ചു.

“ആ, ഈ