Chapter Title : ഓ... പ്രിയേ [മുക്ത കർണൻ]

കറുത്ത ഷാളുമിട്ട് ചേച്ചിയുടെ രാഗധാര സ്വപ്നത്തിൽ വന്ന് ഉറക്കം മുറിഞ്ഞതറിഞ്ഞ് ഞാൻ കമിഴ്ന്ന് കിടന്നു...എന്തായാലും ചേച്ചി പാടുന്നത് കണ്ടാൽ ഒരു മാലാഖയെപ്പോലുണ്ട്... സ്വപ്നത്തിലെ പൂമ്പാറ്റയുടെ സംഗീതമാധുരി കേട്ട് ലയിച്ച് ഞാൻ പുഞ്ചിരിച്ചു കിടന്നു തലയാട്ടി....

“... ടപ്പ്... ടേ... എണീക്കെടാ" പുലർക്കാലസുന്ദര സ്വപ്നത്തിൽ അപശ്രുതി മീട്ടി ചേച്ചിയുടെ ഉച്ചത്തിലുള്ള ശബ്ദവും ചന്തിയിൽ ചെറിയൊരു നീറ്റലും .. ”ങ്ങ്ഹേ... ചേച്ചിയോ?" ഞാൻ തിരിഞ്ഞ് കിടന്ന് ഉറക്കച്ചടവോടെ കണ്ണ് മിഴിച്ചു. മിഴിഞ്ഞ കണ്ണ് അടയ്ക്കാനാവാതെ ഞാൻ ചേച്ചിയെ തുറിച്ചു നോക്കി. ഇന്നലെ ആത്മീയ ദു:ഖിതയായി കറുപ്പും വെളുപ്പുമണിഞ്ഞ് വിഷാദ ഗാനം പാടിയ ചേച്ചിയല്ല തൊട്ട് മുന്നിൽ. മഞ്ഞപ്പൂക്കളുള്ള ടൈറ്റ് ചുരിദാറിട്ട് കുളിച്ചീറനണിഞ്ഞ് ഇന്നലെ പോലെ വെള്ളമുറ്റുന്ന തലമുടി തോർത്തിൽ കെട്ടിയൊതുക്കി വിടർന്ന കണ്ണുകൾ കൊണ്ട് പുഞ്ചിരിയോടെ ചേച്ചി..! “ങ്ങേ.. ഇതെന്താടാ.. നീയെന്നെ കാണാത്ത പോലെ ഒരു ചോദ്യവും നോട്ടവും"" തുടുത്ത കവിളിൽ ഒരു കപട ഗൗരവമിട്ട് ചേച്ചി നോക്കി. “ അല്ല... ചേച്ചിയിപ്പോ പാട്ട് പാടിയോ...."

സ്വപ്നമാണോ സത്യമാണോയെന്ന് ഉറപ്പിക്കാൻ ഞാൻ ചോദിച്ചു.. “ ഉം... പുലർക്കാല സുന്ദരം" ചേച്ചി സ്ഥിരം പാടുന്ന പോലെ പറഞ്ഞു. ഓഹ്... ഞാൻ കണ്ടത് വിഷാദം നിറച്ച് പാടുന്ന ചേച്ചിയെ .പക്ഷെ മ്യൂസിക് വന്നത് വൈ ഫെെ കണക്ഷൻ പോലെയാണ്! ഓ.. ഈ സ്വപ്നങ്ങളുടെയൊക്കെ ഓരോ കാര്യങ്ങൾ... എന്തായാലും സ്വപ്നത്തിലെ ദു:ഖമാലാഖ കോലത്തിനെക്കാളും ഈ വേഷം തന്നെ ചേച്ചിയുടെ പാട്ടിന് നൂറു ശതമാനം ഇണങ്ങുന്നത്....? “അല്ല , ചേച്ചി ഇന്നലെ ആ ഡ്രസ് ഒക്കെ ഇട്ട് വല്ലാതെ പ്രാർത്ഥനയിലും ഉപവാസത്തിലും ഒക്കെ ആയിരുന്നല്ലോ.." ഞാനൊന്ന്