Chapter Title : ഒളിച്ചോട്ടം 4 [KAVIN P.S]

ഹാൻഡിലിൽ മുറുക്കെ പിടിച്ച് ഇരുന്നിട്ട് എന്നെ പേടിയോടെ നോക്കി. പിണക്കം കാരണം കക്ഷിയ്ക്ക് എന്നോട് ഒന്നും പറയാനും പറ്റുന്നില്ല.

കുറച്ച് മുന്നിലെത്തിയപ്പോൾ കാറിന്റെ മുൻപിൽ റോഡ് നിറഞ്ഞ് ഇരുമ്പ് കേറ്റിയ ഒരു വലിയ ലോറി പോകുന്നുണ്ടായിരുന്നു ആ ലോറിയുടെ വലത് ഭാഗത്ത് കൂടിയുള്ള ട്രാക്കിൽ കൂടി ഒരു ടാങ്കർ ലോറിയും ഒരേ ദിശയിൽ പോകുന്നുണ്ട്. ഞാൻ അവ രണ്ടിനേയും ഓവർടേക്ക് ചെയ്യാനായിട്ട് മൂന്ന് ട്രാക്ക് ഉള്ള ഹൈവേ റോഡിൽ അപ്പോൾ നടുവിലുള്ള ട്രാക്ക് മാത്രമേ ഒരു കാറിന് കഷ്ടിച്ച് കേറി പോകാനുള്ള സ്ഥലമുണ്ടായിരുന്നത്. കാറിന്റെ ഹോൺ നീട്ടി പിടിച്ച് അടിച്ചിട്ട് ഞാൻ ആ രണ്ട് ലോറികൾക്ക് ഇടയിലൂടെ ഫാസ്റ്റ് & ഫ്യൂരിയസ് സിനിമയിലെ കാർ വച്ചുള്ള ആക്ഷൻ രംഗങ്ങളെ ഓർമിപ്പിക്കുന്ന വിധം കാർ പായിച്ച് കേറ്റി. ഇത് കണ്ട് പേടിച്ചു നിലവിളിച്ച അനു സ്റ്റിയറിംഗിൽ പിടിച്ചിരിക്കുന്ന എന്റെ ഇടത്തെ കൈയ്യിൽ മുറക്കെ പിടിച്ച് കൊണ്ട്

" ആദി പതുക്കെ പോക് മോനെ എനിക്ക് പേടിയാകുന്നൂന്ന് വിറയാർന്ന സ്വരത്തിൽ പറഞ്ഞോണ്ടിരുന്നു. അപ്പോഴത്തെ ദേഷ്യത്തിൽ ഞാനവള് പറയുന്നതൊന്നും കേൾക്കാൻ നിക്കാതെ കാറ് വച്ചുള്ള അഭ്യാസം തുടർന്നു.

രണ്ട് ലോറികൾക്ക് ഇടയിലൂടെ മറി കടന്ന് കാറ് മുന്നിലെത്തിയതോടെ ആ രണ്ട് ലോറിയുടെയും ഡ്രൈവർമാർ 'ആർക്ക് വായ ഗുളിക വാങ്ങാനാ ഞാൻ പായുന്നേന്നുള്ള' അർത്ഥത്തിൽ ലോറിയുടെ ഹോൺ നീട്ടി അടിച്ചു പിടിച്ചു. ഞാനതൊന്നും ഗൗനിക്കാതെ കാർ ഒരു 100-110 സ്പീഡിൽ ചവിട്ടി വിട്ടു. അനു എന്റെ റാഷ് ഡ്രൈവിംഗ് കണ്ട് പേടിച്ച് കൊണ്ട് കൈയ്യിലുള്ള കർച്ചീഫ് വച്ച് കണ്ണ് പൊത്തി ഇരിക്കുകയാണ്. കുറച്ച്