Chapter Title : ഓണം ബമ്പർ 2 [റോക്കി ഭായ്] [Climax]

പുറത്ത് നടന്നു. തിരിഞ്ഞു നോക്കിയപ്പോ ഞങ്ങളെ നോക്കി പാർവതി ഉമ്മറത്തു കയ്യും കെട്ടി നിൽപ്പുണ്ടായിരുന്നു.. കുഞ്ഞിനെ താലോലിക്കുന്ന എന്നെ കണ്ട് അവളുടെ മുഖം സന്തോഷം കൊണ്ട് വിടർന്നിരുന്നു.. കുഞ്ഞിന്റെ ചിരിയും കളിയും കണ്ട് എന്റെ അടുത്ത് വന്നു അവൾ. സന്തോഷം കൊണ്ട് നിറഞ്ഞ കണ്ണുകൾ അവൾ തുടച്ചു.എന്റെ കൈയിൽ പിടിച്ചു അവൾ ഉള്ളിലേക്ക് കേറി.

കുഞ്ഞിന്റെ കളിയും ചിരിയും കണ്ട ഷിജുവിനും എന്തെന്നില്ലാത്ത സന്തോഷം തോന്നി.. എന്റെ അടുത്ത് വന്നു എന്നെ ചേർത്ത് നിർത്തി. കുഞ്ഞിനെ വാങ്ങി അവൻ അവളുടെ കയ്യിൽ കൊടുത്തു.

"നീ വാ."

ഞങ്ങൾ മുറിയിൽ പോയി. ഷിജു ബാഗ് തുറന്ന് റെഡ് ലേബൽ ന്റെ ഒരു ഫുൾ ബോട്ടിൽ എടുത്തു.

"ഇവിടെ ഇരിക്ക്.. ഞാൻ ഗ്ലാസ്‌ ഉം സാധനങ്ങളും ടെറസിൽ സെറ്റ് ആക്കാം. വിളിക്കുമ്പോ ഇതും കൊണ്ട് വന്നാൽ മതി "

ഷിജു പുറത്തേക്ക് പോയി. അപ്പോൾ പാർവതി ഉള്ളിലേക്ക് കേറി വന്നു.

"ദേ.. രോഹൻ ഇപ്പൊ തന്നെ അടിച്ചു പടമായാൽ എന്റെ സ്വഭാവം മാറുവേ.. കുറച്ച് കഴിച്ചാൽ മതി. ഇന്ന് പരിപാടികൾ കാണാൻ അങ്ങേര് കൊണ്ട് പോകേണ്ടതാ ഞങ്ങളെ "

"ഇപ്പൊ വെറും രണ്ടെണ്ണം അടിക്കുള്ളൂ ഡീ.. ബാക്കി വൈകിട്ട് മതീന്ന ഷിജു പറഞ്ഞെ.. ആള് പരിപാടി നിങ്ങളെയും കാണിച്ചു ആളും കണ്ട് ആടിപാടി ആഘോഷിച്ചേ വരൂ.. അല്ലെ ഷിജു?"

അവളുടെ പിന്നിൽ ഗ്ലാസും സോഡായും ഒക്കെ ആയി നിന്നിരുന്ന ഷിജുവിനോട് ഞാൻ പറഞ്ഞു.

തിരിഞ്ഞു നോക്കി ഒന്നമർത്തി മൂളി കൊണ്ട് അവൾ അടുക്കളയിലേക്ക് പോയി. എല്ലാ സാധനങ്ങളും എടുത്ത് ഞങ്ങൾ