Chapter Title : ഒറ്റ രാത്രിയിൽ മാറിയ ജീവിതം 2 [അധീര]

എനിക്ക് അവന്റെ പെഗ്ഗ് പോലും വിട്ട് തരുന്നത്. എന്നാ പറ്റിയത് ആണാവോ ? "
ജസ്റ്റിൻ അവന്റെ പെഗ്ഗ് ഫിനിഷ് ചെയ്ത്.. ജീവക്ക് കൈ കൊടുത്തു.
" അല്ലാ.. ജീവാ ഇനി എങ്ങാനും നിന്റെ മനസിലെ ആ വിശ്വരൂപത്തെ നിന്റെ പ്രണയിനിയെ നീ കണ്ട് മുട്ടിയോ ? "
ഷാരോണിന്റെ ചോദ്യം എല്ലാവരിലും ചിരി പടർത്തി എങ്കിലും അനഘയുടെ നെഞ്ചിൽ നടുക്കം ആണ് ഉണ്ടായത്.
എല്ലാവരുടെയും അഭിപ്രായങ്ങൾക്ക് ചിരി മാത്രം ആണ് ജീവ  മറുപടി നൽകിയത്.
അവന്റെ കണ്ണുകൾ തന്റെ പ്രണയിനിയെ അവളുടെ പെണ്മയെ ആസ്വദിക്കുകയായിരുന്നു. ചിരിക്കുമ്പോൾ വിരിയുന്ന നുണ കുഴികൾ , ഇളം റോസിന്റെ നിറമുള്ള ചുണ്ടുകൾ  ആ  സൗന്ദര്യത്തെ അവൻ  കോരി കുടിക്കുകയായിരുന്നു.
രാത്രി മെല്ലെ കനത്ത് കൊണ്ടിരുന്നു. സമയം പത്ത്  മണിയോട് അടുക്കുന്നു
സൊറ പറച്ചിലും മദ്യത്തിന്റെ ലഹരിയും
അതിന്റെ കൂടെ പഴയ കഥകൾ എടുത്തിട്ട്  അങ്ങോട്ടും ഇങ്ങോട്ടും ഉള്ള റോസ്റ്റിംഗുമായി അവർ സഭയെ ഉണർത്തി..
" ഇച്ചായ ഞാൻ ഫുഡ് എടുത്ത് വരട്ടെ.. നിങ്ങൾ ഇവിടെ തന്നെ ഇരിക്ക്.  സ്മിതാ വാടോ "
അനഘ സ്മിതയെം കൂട്ടി ഹാളിൽ നിന്നും
ഭക്ഷണം ടേബിളിലെക്ക് എത്തിക്കാൻ തുടങ്ങി.
കറികൾ അടങ്ങിയ പാത്രം എടുത്തപ്പോൾ  കുറച്ചു ഡ്രെസ്സിൽ ആയതിനാൽ  കഴുകാൻ ആയി അവൾ വാഷ് ബേസിനരികിലെക്ക് വന്നു.
" എനിക്ക് നിന്നോട് സംസാരിക്കണം.. എന്നെ എന്തിനാ അവോയ്ഡ് ചെയ്യുന്നേ..  "
പൊടുന്നനെ ജീവയുടെ ശബ്ദം കേട്ട്  അവൾ ഞെട്ടിപ്പോയി. അവനും സൈഡിൽ നിന്ന് കൈ കഴുകാൻ തുടങ്ങി.
" പറ്റില്ല. എനിക്കൊന്നും പറയാൻ ഇല്ല..ജീവാ"
" അനു.. ഞാൻ മറ്റൊന്നും ആഗ്രഹിക്കുന്നില്ല എനിക്ക് കുറച്ചു നേരം  നിന്നോട് സംസാരിച്ചാൽ മതി പ്ലീസ് "
ജീവാ അവളോട് അപേക്ഷിക്കുന്ന സ്വരത്തിൽ പറഞ്ഞു.
" എനിക്കൊന്നും പറയാൻ ഇല്ല. എന്റെ ഭർത്താവിനെ ചതിക്കാൻ ഞാൻ ആഗ്രഹിക്കുന്നില്ല. ഇനിയും നീ എന്നെ ആഗ്രഹിക്കരുത് "
അത്രയും പറഞ്ഞ് അവൾ കൈകൾ തുടച്ചു അവിടെ നിന്നും പോയി ജസ്റ്റിന് അരികിൽ ആയി ഇരുന്നു.
' നീ എങ്ങോട്ടും പോവില്ല പെണ്ണെ.. എനിക്ക് വേണം നിന്നെ '
അവൻ മനസിൽ പറഞ്ഞ് ഗൂഡമായി ചിരിച്ചു.

നിറഞ്ഞ സല്ലാപങ്ങൾക്ക് ഒടുവിൽ  നേരിയ സമയം  അവിടെ ശാന്തമായി....
ടേബിളിന് ചുറ്റും കുറച്ചു നേരം  വല്ലാത്ത മൂകത തളം കെട്ടി നിന്നു അതിനെ ബേധിച്ചു ഷാരോൺ അവന്റെ ശബ്ദം ഉയർത്തി.