Chapter Title : ഒരു തേപ്പ് കഥ 2 [ചുള്ളൻ ചെക്കൻ]

ഉമ്മി അടുക്കളയിലേക്ക് പോയി... പുറകെ വിവേകിന്റെ അമ്മയും പോയി..ആ ചെറിയ സമയം കൊണ്ട് ആഫിയും വിവേകിന്റെ പെങ്ങൾ വൃന്ദയും നല്ല കമ്പനി ആയിരുന്നു... അവർ എന്നൊക്കെയോ സംസാരിക്കുകയാണ്... അഫിയേക്കാൾ 1 വയസ് ഇളയതാണ് വൃന്ദ...

“വണ്ടിയിൽ നിന്ന് വീണിട്ടു മുറിവ് ഒന്നും പറ്റിയില്ലേ ” വിവേകിന്റെ അച്ഛൻ എന്നോട് ചോദിച്ചു... അപ്പൊ ഞാൻ വിവേകിനെ നോക്കി...

“അത് അച്ഛാ ഞങ്ങൾ ഹെൽമെറ്റ്‌ ഇട്ടിരുന്നു... പിന്നെ വീണതിന് മണ്ണിൽ ആയിരുന്നു അതുകൊണ്ട് ഏത് ഒന്നുമില്ല പരിക്കുപറ്റി ഇല്ല... wrong-way കേറി വണ്ടി വന്നപ്പോഴേക്ക് സൈഡിലേക്ക് വെട്ടിമാറ്റിയത് അപ്പൊ ബാലൻസ് തെറ്റി... അപ്പോ മണ്ണിലേക്ക് അങ്ങ് വീണു..ഇവൻ വണ്ടി വെട്ടി അപ്പോഴേ വണ്ടിന്ന് തെറിച്ചു അങ്ങ് മാറി വീണു... കൈ കുത്തി വീണ വഴിയിൽ രണ്ട് കൈയും ഒടിഞ്ഞു ഞാൻ എന്റെ കൈയും കാലും വണ്ടിയുടെ അടിയിൽ പെട്ട്.. അതാണ് സംഭവം ” എന്നെ പറയാൻ അനുവദിക്കാതെ വിവേക് പറഞ്ഞപ്പോഴാണ് എനിക്ക് മനസ്സിലായി അവൻ ഇവരോട് കള്ളം പറഞ്ഞ് ഇരിക്കുകയാണെന്ന്... ഞാനും അവന്റെ അച്ഛനും കുറെ നേരം കൂടെ സംസാരിച്ചിരുന്നു അപ്പോഴേക്കും ഉമ്മി വെള്ളവുമായി വന്നു... എല്ലാവർക്കും കൊടുത്തശേഷം വിവേക് അടുത്തുവന്നു

“ ഇത്രയൊക്കെ ഉണ്ടായിട്ടും ഞങ്ങളോട് എല്ലാം നീ മറച്ചുവെച്ചില്ല ” ഉമ്മി അവനെ നോക്കി പറഞ്ഞു... എന്താണെന്ന് മനസിലാക്കാതെ ഞാനും അവനെ നോക്കി... അവൻ എന്നെ നോക്കി കണ്ണടച്ചു കാണിച്ചു... ഞാൻ ഉമ്മിയോട്‌ കാര്യം തിരക്കി...

” ഇവനു യഥാർത്ഥമായ ഒരു പ്രണയം ഉണ്ടായിരുന്നു... ആ പെൺകുട്ടിയുടെ വീട്ടുകാർ അറിഞ്ഞപ്പോൾ അവളെ പെട്ടെന്ന് പിടിച്ചു കെട്ടിച്ചു വിട്ടു... അതിനുശേഷമാണ് ഇവൻ നാട്ടിലേക്ക് പോകാത്തത്...ഇവൻ നമ്മളുടെ മുന്നിൽ ഒളിച്ചുവച്ച നാടകം കളിക്കുകയായിരുന്നു ” എന്റെ എന്റെ അടുത്ത് വന്നു എനിക്ക് കേക്കാൻ പാകത്തിന് പറഞ്ഞു... ഞാൻ അത് കേട്ട് അവന്റെ അടുത്തേക്ക് ചെന്നു...

“ നീയും എന്നെ ചതിക്കുകയായിരുന്നു അല്ലേ” ഞാൻ അവനോട് ചോദിച്ചു...

“ എടാ അങ്ങനെ അല്ലടാ... എനിക്കറിയാമല്ലോ നിന്നെ....എനിക്കൊരു വിഷമമുണ്ടെന്ന് നീ അറിഞ്ഞാൽ നീയും വിഷമിക്കും, അതുകൊണ്ടാണ് ഞാൻ നിങ്ങളുടെ എല്ലാം മുന്നിൽ സന്തോഷവാനായി നിന്നത്...”