Chapter Title : ഒരു തുടക്കകാരന്‍റെ കഥ 10

വീട് .

ജീപ്പ് വീടിന്റെ മുറ്റത്തേക്ക് ചെന്നും നിർത്തി. കുഞ്ചുവും അതുവും ഇറങ്ങി . അപ്പോഴേക്കും ചെറിയമ്മയും അപ്പൂപ്പനും ഇറങ്ങി വന്നു . വീടെത്തിയിട്ടും അമ്മു എന്റെ കൈൽ നിന്നും പിടിവിട്ടില്ല .

“ അമ്മുട്ടീ …”

“ഉം …”

“ ഇറങ്ങേണ്ടേ .. വാ “

“ ഒരുമിനുറ്റ് .. ഈ ഇരുപ്പ് 'അമ്മ ഒന്ന് കാണട്ടെ “

എനിക്ക് അവളുടെ ആ ഡയലോഗ് കേട്ട് ചിരിവന്നു . ഞാനും അനങ്ങാൻ പോയില്ല . ചെറിയമ്മ കുഞ്ഞമ്മയോട് കത്തിയും വച്ച് പതിയെ പുറകിലേക്ക് വന്നു

“ അല്ല ഇറങ്ങുന്നില്ലേ രണ്ടും … ഡീ അമ്മു മതി മതി ഞാൻ കണ്ടു മതി ഇനി ഇറങ്ങിക്കോ “

ചെറിയമ്മയോടുള്ള പരിഭവം അവൾ മുഖത്ത് കാണിച്ചുകൊണ്ട് പതിയെ എന്റെ കൈവിട്ട് എഴുനേറ്റു .

“ ചെറിയമ്മയ്ക്ക് എങ്ങനെ മനസ്സിലായി ഇവളുടെ ഈ അടവ് “

“ ഇവളെന്റെ മോളല്ലേ , എത്ര വർഷമായി ഞാൻ ഇവളെ കാണുന്നു . “

അതും പറഞ്ഞ് ചെറിയമ്മ വണ്ടിയിൽ നിന്നും ഇറങ്ങിയ അമ്മുവിനെ ചേർത്ത് പിടിച്ചു. ചെറിയമ്മയ്ക് രണ്ട് മക്കളും ജീവനാണ് , മക്കൾക്കും അങ്ങനെ തന്നെയാണ് . ഇതുപോലുള്ള കുഞ്ഞുകുഞ് വാശികൾ ഉണ്ടെങ്കിലും അതൊക്കെ പെട്ടന്ന് മാറും , ചെറിയമ്മ എല്ലാവരോടും നല്ല ഫ്രൻഡ്ലി ആണ് .

“ കുഞ്ഞമ്മേ അനി എന്തിയെ “

“അവൻ അകത്തുണ്ട് കുളിച്ചെച്ചും ഇപ്പൊ കേറി വന്നേ ഉള്ളു .”

“ ഡാ …. അനിയെ “

ഞാൻ ഉച്ചത്തിൽ അകത്തേക്ക് നോക്കി വിളിച്ചു