Chapter Title : പാർവണം 6 [𝐌𝐀𝐘𝐀𝐊𝐀𝐍𝐍𝐀𝐍]

കളിയും ചിരിയുമൊക്കെയായിട്ട് ആകെപ്പാടെ ഒരു ബഹളമായിരുന്നു. ഇനിയിപ്പോ ആ കുറുമ്പിയെ കാണണമെങ്കിൽ അവൾക്ക് അടുത്ത ലീവ് കിട്ടണം..."

ആ വാക്കുകളിൽ ഒരു അമ്മയുടെ വലിയൊരു സങ്കടം ഉണ്ടായിരുന്നു. ഞാൻ ചിരിച്ചുകൊണ്ട് അമ്മയുടെ തോളിൽ കയ്യിട്ടു.

​"അതിനിപ്പോ സങ്കടപ്പെടാൻ എന്തിനാ അമ്മേ... അവൾക്ക് ലീവ് കിട്ടുമ്പോ ഇങ്ങോട്ട് തന്നെ ഓടിവരില്ലേ. പോരാത്തതിന് ഇനിയിപ്പോ ഞാൻ ഇല്ലേ അമ്മയ്ക്ക് കൂട്ടിന്... ഒപ്പം എന്റെയീ

ദേവതയും."

ഞാൻ പാർവണയെ നോക്കി കണ്ണിറുക്കിക്കൊണ്ട് പറഞ്ഞു.

​എന്റെ ആ നോട്ടം കണ്ട് അവൾ ചെറുതായിട്ടൊന്ന് ചിരിച്ചു. വീട്ടിലെ ഈ മൂഡ് ഒന്ന് മാറ്റിയെടുക്കാൻ ഞാൻ പെട്ടെന്നൊരു പ്ലാൻ ഇട്ടു.

​"നമുക്ക് ഇന്നിപ്പോ ഒരു കാര്യം ചെയ്താലോ? വൈകുന്നേരം ഒന്ന് പുറത്തുപോവാം. നല്ല സൺസെറ്റ് കാണാൻ കോവളം ബീച്ചിൽ പോയാലോ?."

​അതുകേട്ടതും പാർവണയുടെ മുഖം പെട്ടെന്ന് തിളങ്ങി. അവൾ വലിയ ആവേശത്തോടെ അമ്മയുടെ കയ്യിൽ പിടിച്ചുകൊണ്ട് പറഞ്ഞു.

​"അതെ അമ്മേ, നമുക്ക് പോവാം... വല്ല്യേ രസാവും ട്ടോ. അവിടെ പോയിട്ട് കുറച്ചു നേരം കാറ്റൊക്കെ കൊള്ളാലോ."

അവളുടെ ആ കൊഞ്ചിക്കൽ കണ്ടപ്പോൾ അമ്മയുടെ മുഖത്ത് അതുവരെയുണ്ടായിരുന്ന സങ്കടം മാറി വലിയൊരു വാത്സല്യം വന്നു നിറഞ്ഞു. അമ്മ ചിരിച്ചുകൊണ്ട് അവളുടെ കവിളിൽ തലോടിയിട്ട്, എന്നെ നോക്കി പറഞ്ഞു.

​"മക്കൾ രണ്ടുപേരും കൂടി പോയിട്ട് വാ... ഞാൻ വരുന്നില്ല. എനിക്കെന്തോ ചെറിയൊരു ക്ഷീണം പോലെ. മാത്രമല്ല അടുക്കളയില് കുറച്ചു പണിയുമുണ്ട്."

​"അതെന്താ അമ്മേ അങ്ങനെ... അമ്മയും വാ,"

ഞാൻ നിർബന്ധിക്കാൻ ശ്രമിച്ചു.

​"ഞാൻ വരുന്നില്ലടാ... നിങ്ങൾ പോയിട്ട് വാ.”

ഇത്രയും പറഞ്ഞ് വലിയൊരു അർത്ഥം വെച്ചുള്ള ചിരിയോടെ അമ്മ