Chapter Title : പാർവണം 7 [𝐌𝐀𝐘𝐀𝐊𝐀𝐍𝐍𝐀𝐍]

സിന്ദൂരവും, പിന്നിലേക്ക് ഒതുക്കിക്കെട്ടിയ മുടിയുമായി, അവളുടെ ആ നിൽപ്പ് കാണാൻ നല്ല ഭംഗിയായിരുന്നു.

​എന്റെ കാൽപ്പെരുമാറ്റം കേട്ട് അമ്മ തിരിഞ്ഞുനോക്കി. അത്രയും നേരം അവിടെയുണ്ടായിരുന്ന തിരക്കൊന്ന് മാറ്റിവെച്ച് അമ്മ എന്റെ അടുത്തേക്ക് വന്നു.

​"ഹാ നിനക്ക് ഇറങ്ങാറായോ? അവളവിടെ ദോശയും ചമ്മന്തിയും എടുത്തു വെച്ചിട്ടുണ്ട്, വേഗം പോയിരിന്നു കഴിക്ക്."

വളരെ സാധാരണയായുള്ള ഒരു അമ്മയുടെ കരുതലോടെ അമ്മ പറഞ്ഞു.

ഞാൻ ചിരിച്ചുകൊണ്ട് ഡൈനിങ് ടേബിളിലെ കസേരയിലേക്ക് ഇരുന്നു.

​പാർവണ വാത്സല്യത്തോടെ എനിക്ക് ചൂട് ദോശയും ചമ്മന്തിയും പകർന്നുതന്നു. എന്നെ നോക്കുമ്പോൾ അവളുടെ കണ്ണുകളിൽ ഇന്നലെ രാത്രിയിലെ ആ തീവ്രമായ പ്രണയത്തിന്റെ നാണം അപ്പോഴും ബാക്കിയുണ്ടായിരുന്നു. അവൾ വിളമ്പിത്തരുന്ന ആ ഭക്ഷണത്തിന് എന്റെ ജീവിതത്തിൽ ഇതുവരെ അനുഭവിക്കാത്തൊരു പ്രത്യേക രുചിയുള്ളതുപോലെ എനിക്ക് തോന്നി. ഭക്ഷണം കഴിക്കുന്നതിനിടയിൽ അമ്മ ഓരോ വീട്ടുകാര്യങ്ങൾ പറയുന്നുണ്ടായിരുന്നുവെങ്കിലും, എന്റെ ശ്രദ്ധ മുഴുവൻ അവളിലായിരുന്നു.

​ഊണുകഴിഞ്ഞ് ഞാൻ വണ്ടിയുടെ താക്കോലുമെടുത്ത് ഉമ്മറത്തേക്ക് നടന്നു. പിന്നാലെ ഒരു വലിയ കവറിൽ ഉച്ചക്കത്തേക്കുള്ള ചോറ്റുപാത്രവുമായി അവളും വന്നു. അമ്മ അടുക്കളയിലേക്ക് തിരിഞ്ഞ ആ ഗ്യാപ്പിൽ അവൾ പതിയെ എന്റെ അടുത്തേക്ക് ചേർന്നുനിന്നു. ആ കവർ എന്റെ കയ്യിലേക്ക് വെച്ചുതരുന്നതിനിടയിൽ, അവളുടെ വിരലുകൾ എന്റെ കൈവെള്ളയിലൊന്ന് തലോടി.

​"ദാ... ഉച്ചക്ക് കഴിക്കാൻ ഉള്ളതാ. പണിത്തിരക്കാണെന്നും പറഞ്ഞ് ഊണ് കഴിക്കാൻ വൈകരുത് ട്ടോ..."

അവൾ വളരെ പതുക്കെ പറഞ്ഞു.

​പിന്നെ ചുറ്റും നോക്കി അമ്മ അടുത്തില്ലെന്ന് ഉറപ്പുവരുത്തി, കള്ളച്ചിരിയോടെ എന്റെ കണ്ണുകളിലേക്ക് നോക്കി പറഞ്ഞു.

​"പിന്നെ... ഇന്നലെ പറഞ്ഞ കാര്യം മറക്കണ്ട ട്ടോ. ഉച്ചയ്ക്ക് ചോറുണ്ണാൻ നേരം വിളിക്കണം... ഫോൺ എന്റെ കയ്യിൽ തന്നെ ഇണ്ട്. ഞാൻ കാത്തിരിക്കും."

​അവളുടെ ആ കൊഞ്ചൽ കേട്ടതും ഞാൻ അവളുടെ ഇടുപ്പിലൂടെ കയ്യിട്ട് എന്റെ അടുത്തേക്ക് വലിച്ചടുപ്പിച്ചു.

​"എന്റെ പെണ്ണ് വിളിക്കാൻ പറഞ്ഞിട്ട് ഞാൻ വിളിക്കാതിരിക്കുമോ? ഉച്ചയ്ക്ക് ഞാൻ വിളിക്കാം,"

ഞാൻ അവളുടെ നെറ്റിയിൽ മൃദുവായി ഒന്ന് ചുംബിച്ചു.

​അവൾ നാണത്തോടെ എന്റെ പിടിയിൽ നിന്നും മാറിനിന്നു. ഞാൻ ബുള്ളറ്റ് സ്റ്റാർട്ട് ചെയ്ത് ഗേറ്റ് കടക്കുമ്പോൾ, ഉമ്മറത്തെ തൂണും ചാരി എന്നെത്തന്നെ നോക്കിനിൽക്കുന്നുണ്ടായിരുന്നു അവൾ.

​വലിയൊരു സന്തോഷത്തോടെയാണ് ഞാൻ ഓഫീസിലേക്ക് വണ്ടി ഓടിച്ചത്. ദിവസങ്ങൾക്ക് ശേഷമുള്ള ആ ഓഫീസ് യാത്രയിൽ വല്ലാത്തൊരു ഉന്മേഷം തോന്നി. വണ്ടി പാർക്ക് ചെയ്ത് ഓഫീസിലേക്ക് കയറുമ്പോൾത്തന്നെ ഗൗരി അങ്ങോട്ടേക്ക് വന്നു. ​എന്നെ കണ്ടതും അവൾ ഒരു ചിരിയോടെ എന്റെ അടുത്തേക്ക് വന്നു.

​"ഹലോ മണവാളാ... ഇത്ര പെട്ടെന്ന് ലീവ് കഴിഞ്ഞോ? അന്ന് ക്ഷേത്രത്തിൽ വെച്ച് പാർവണയെ കണ്ടപ്പൊ ഞാൻ വിചാരിച്ചു, ഇനി നീ പെട്ടെന്നൊന്നും ഓഫീസിലേക്ക് വരില്ല എന്ന്..."

ഗൗരി എന്റെ തോളിൽ തട്ടി കളിയാക്കിക്കൊണ്ട് പറഞ്ഞു.

​"അങ്ങനെയൊന്നും ഇല്ല ഗൗരി... ലീവ് കഴിഞ്ഞ് വരാൻ