Chapter Title : പാർവണം 8 [𝐌𝐀𝐘𝐀𝐊𝐀𝐍𝐍𝐀𝐍]

കൊടുക്കുന്ന ശേഖരൻ ആണോ?"

​"അതെ ചേട്ടാ, ആ ശേഖരൻ തന്നെ. അങ്ങോട്ടേക്കുള്ള വഴിയൊന്ന് പറഞ്ഞുതരാവോ,"

ഞാൻ ഒരു ചിരിയോടെ മറുപടി നൽകി.

​"അത് ദാ ഈ കാണുന്ന വഴിയിലൂടെ നേരെ പോയാൽ മതി,"

അയാൾ കടയ്ക്ക് മുന്നിലൂടെ പോകുന്ന ചെറിയ ടാർ റോഡിലേക്ക് വിരൽ ചൂണ്ടിക്കൊണ്ട് പറഞ്ഞു.

"ഈ വഴി നേരെ പോകുമ്പോ വലിയൊരു ഇറക്കം കാണാം. ആ ഇറക്കം ഇറങ്ങിച്ചെല്ലുമ്പോൾ വലത്തോട്ടൊരു ചെറിയ വഴിയുണ്ട്. അതിലേ തിരിഞ്ഞ് കുറച്ചു മുന്നോട്ട് പോകുമ്പോ ഒരു ചെറിയ പാലം കാണാം. ആ പാലം കഴിഞ്ഞാൽ ഇടതുവശത്ത് കാണുന്ന വലിയ ഇരുമ്പ് ഗേറ്റുള്ള വീടാണ് ശേഖരന്റേത്. അവിടെ പോയി ചോദിച്ചാൽ മതി."

​"ശരി ചേട്ടാ,"

എന്ന് പറഞ്ഞ് ഞാൻ തിരികെ കാറിലേക്ക് നടന്നു.

​ഡ്രൈവിംഗ് സീറ്റിലേക്ക് കയറി ഡോർ അടച്ചപ്പോൾ, ബാക്ക് സീറ്റിലിരുന്ന അമ്മയുടെ മുഖത്ത് ആശ്വാസം പരന്നിരുന്നു.

​"എന്തായാലും വീട് കണ്ടുപിടിക്കാൻ വലിയ പാടുണ്ടായില്ലല്ലോ,"

അമ്മ പതുക്കെ പറഞ്ഞു.

"ആളുകളൊക്കെ അറിയുന്ന വീടാണെന്ന് തോന്നുന്നു."

​"അതെ അമ്മേ, പുള്ളിക്ക് ഇവിടെ അത്യാവശ്യം നല്ല കൃഷിയും കാര്യങ്ങളും ഒക്കെ ഉണ്ടെന്നല്ലേ അരവിന്ദ് പറഞ്ഞത്. നാട്ടുകാർക്കൊക്കെ അറിയുന്ന ആളായിരിക്കും,"

ഞാൻ കാർ സ്റ്റാർട്ട് ചെയ്തുകൊണ്ട് പറഞ്ഞു.

​പാർവണ എന്റെ നേരെ നോക്കി ഒന്ന് പുഞ്ചിരിച്ചു. ചായക്കടക്കാരൻ പറഞ്ഞ ആ ഇറക്കം ഇറങ്ങി, കാർ പതിയെ വലത്തോട്ടുള്ള വഴിയിലേക്ക് തിരിഞ്ഞു. റബ്ബർ മരങ്ങൾ അതിരിട്ട ആ വഴിയിലൂടെ കുറച്ചുദൂരം മുന്നോട്ട് പോയപ്പോൾ അയാൾ പറഞ്ഞ ആ ചെറിയ പാലം ഞങ്ങളുടെ കാഴ്ച്ചയിലേക്ക് വന്നു. അത് കടന്നതും, ഇടതുവശത്തായി വലിയൊരു ഇരുമ്പ് ഗേറ്റുള്ള ആ