Chapter Title : ?പ്രാണസഖി 4 [ചെകുത്താനെ സ്നേഹിച്ച മാലാഖ]

ഏതു ജീവിക്കും ദൈവം ഒരു ജാതകം എഴുതിയിട്ടുണ്ട് ചിലപ്പോൾ ഈശ്വരന് തന്നെ അത് മാറ്റി എഴുതാനും സാധിക്കും.... " " നീ ഇനി അതും പറഞ്ഞ് സെന്റി ആകണ്ട . നല്ല വിശപ്പുണ്ട് നീ വാ ...... " വിനോദ് അതും പറഞ്ഞ് എന്നെയും കൂട്ടി ലക്ഷ്മിയുടെ വീട്ടിനുള്ളിലേക്ക് കയറി . ഇന്നലെ ഇരുന്ന ആ ഡൈനിംഗ് ടേബിളിൽ ഞങ്ങൾ സ്ഥാനം പിടിച്ചു. അപ്പോഴേക്കും ഞങ്ങൾക്ക് മുൻപിൽ ചൂട് പുട്ടും കടലയും എത്തി. ലക്ഷമി തന്നെ ഞങ്ങൾക്കത് വിളിമ്പി തന്നു. എനിക്ക് കാപ്പി വിളമ്പുന്നതിനിടയ്ക്ക് ഞാൻ അവളുടെ മുഖത്തേക്ക് ഒന്ന് നോക്കി. "  സോറി  "  അവളുടെ ചുണ്ടുകൾ ശബ്ദമുണ്ടാക്കാതെ എന്നെ നോക്കി മൊഴിഞ്ഞു. അത് എല്ലാത്തിനും ഉള്ള ഒരു മാപ്പ് പറച്ചിലായി എനിക്ക് തോന്നി. " സത്യത്തിൽ ഞാനല്ലേ തന്നോട് സോറി പറയേണ്ടത് അന്ന് നടന്ന കാര്യങ്ങൾക്ക് , സോറി " ഞാനവളോട് പറഞ്ഞു.

" എന്താടാ എന്താ ഇപ്പൊ ഒരു സോറി പറച്ചിൽ " നടന്നതൊന്നും മനസ്സിലാകാതെ മുൻപിലിരുന്ന പുട്ട് തട്ടുന്നതിനിടയ്ക്ക് വിനോദ് എന്നോട് ചോദിച്ചു. "ഒന്നുമില്ല ടാ ... അന്ന് ബീച്ചിൽ വച്ച് നടന്ന കാര്യത്തിന് ഞാൻ ലക്ഷ്മിയോട് സോറി പറഞ്ഞതാ . " " ഓ... അങ്ങനെ അപ്പൊ പ്രശ്നം തീർന്നല്ലോ ? നീ ചൂട് തണുക്കുന്നതിന് മുൻപ് ആഹാരം കഴിക്ക്. " വിനോദ് അതും പറഞ്ഞ് അവന്റെ പരിപാടി തുടർന്നു. " രണ്ടു പേരും വയറ് നിറച്ച് കഴിക്ക് . " ലക്ഷ്മിയുടെ അമ്മ അതും പറഞ്ഞ് എന്റെ അടുത്ത്