Chapter Title : പ്രകാശം പരത്തുന്നവള്‍ 5 വിട [മന്ദന്‍രാജ]

തമ്പി സാപ്പാട്?' " വെണാക്കാ...വെളിയിളിരുന്ത് സാപ്പിട്ടെ'

ഞാന്‍ മുകളിലേക്ക് വന്നു ഡ്രെസ് മാറിയിട്ട് , ബാത്‌റൂമില്‍ കയറി ഫ്രഷായി ഇറങ്ങി വന്നപ്പോള്‍ റോജി കട്ടിലില്‍ ചാരി , കാലും നീട്ടി വെച്ചിരിപ്പുണ്ട് . എന്‍റെ കൈലിയാണ് ഉടുത്തിരിക്കുന്നത്.അവനിട്ടിരുന്ന ഡ്രെസ് ഹുക്കില്‍ കൊളുത്തിയിട്ടിരിക്കുന്നു " എന്നാടാ ഉറക്കം വരുന്നില്ലേ ?" ' ഹേ ..ഞാനിന്നിവിടെയാ കിടക്കുന്നെ " അവന്‍ അക്കയോട് ദേഷ്യത്തിലാണെന്ന് തോന്നി .. കമ്പനിയുടെ കാര്യത്തില്‍ ആയിരിക്കും " വല്ലപ്പോഴും ഒന്നല്ലേടാ വരുന്നേ ..അതിങ്ങനെ ?'

" അതവളും ഓര്‍ക്കണ്ടേ ... മര്‍ക്കടമുഷ്ടി പാടില്ല ...കൊല്ലാനോ ചാവാനോ ഒന്നുമല്ലല്ലോ വളര്‍ത്താനല്ലേ "

ശെരിയാണ് .. അവനിന്ന് വരെ അക്കയുടെ ഇഷ്ടം വിട്ടൊന്നും ചെയ്തിട്ടില്ല .. ഒന്നിനും വല്ലാതെ നിര്‍ബന്ധിച്ചിട്ടുമില്ല അവനോടു കട്ടിലില്‍ കയറി കിടക്കാന്‍ ആവുന്നത്ര പറഞ്ഞിട്ടും കേള്‍ക്കുന്നില്ല ഞാന്‍ തലയിണ ചാരി കിടന്നോണ്ടു അവന്‍ ഉദ്ദേശിക്കുന്ന കമ്പനി കാര്യങ്ങള്‍ കേള്‍ക്കാന്‍ തുടങ്ങി

" തമ്പി കൊഞ്ചമാവത് സാപ്പിടുന്‍ങ്കെ" വാതില്‍ക്കല്‍ പതിഞ്ഞ ശബ്ദം കേട്ട് ഞാന്‍ നോക്കിയപ്പോള്‍ സാരിയുടെ മുന്താണി മടക്കിയും വിടര്‍ത്തിയും അക്ക .. എന്നോടാണ് പറഞ്ഞതെങ്കിലും റോജിയുടെ നേര്‍ക്കാണതെന്നത് സ്പഷ്ടമായിരുന്നു .. അവനെ നോക്കിയപ്പോള്‍ ആലുവാ മണപ്പുറത്ത് കണ്ട പരിചയം പോലുമില്ല ...

" ഉള്ളെ വാക്കാ" ഞാന്‍ അക്കയോട് പറഞ്ഞെങ്കിലും അക്കാ റോജിയെ പാളി നോക്കി കൊണ്ട് മടിച്ചു നിന്നു.

" ഉള്ളെ വാ അക്കാ .." ഞാനല്‍പം ശബ്ദം ഉയര്‍ത്തിയത്‌ കൊണ്ടാവാം അക്ക അകത്തേക്ക് കയറി . ഞാന്‍ കാല്‍ മടക്കി വെച്ചു ഇരിക്കാനുള്ള സ്ഥലം നല്കി .റോജി എന്തോ ഭയങ്കര ബിസിയെന്ന പോലെ മൊബൈല്‍ എടുത്തു നോക്കുവാണ്... സ്നേഹിക്കുന്നവര്‍ ഇങ്ങനെ മിണ്ടാതിരിക്കുന്നതില്‍ പരം ദേഷ്യം എനിക്കില്ല .എന്താണെങ്കിലും പറയണം അത് ..പറഞ്ഞു തീര്‍ക്കണം ... വല്ലപ്പോഴുമേ കാണാറുള്ളൂ...അപ്പൊ മിണ്ടുന്നുമില്ല " വേണേല്‍ കഴിച്ചോളും അക്കാ ...അക്ക പോയി കിടക്കാന്‍ നോക്ക് " ഞാന്‍ റോജിയോടാണ് പറഞ്ഞത് .. കാര്യമായൊന്നും അവന്‍ കഴിച്ചിട്ടില്ല എന്നെനിക്കറിയാമായിരുന്നു ..എന്‍റെ പാത്രത്തില്‍ നിന്നല്‍പം നുള്ളിപ്പെറുക്കി കഴിക്കുവാണ് ചെയ്തത്

" ഉക്കാറു " അക്ക അവനെയും ഇടക്കെന്നെയും നോക്കി