Chapter Title : പ്രണയിക്കാനൊരു സ്ത്രീ [ഋഷി]

വാവേ! ലീലച്ചേച്ചി ഒരു മാസം മുന്നേ മെസേജു ചെയ്തപ്പോൾ ഇന്നിവിടെ ഇവനോടൊപ്പം... അവളുടെ മനസ്സ് പിന്നിലേക്കോടി.

പിന്നെ ലീലേച്ചിയെക്കാണാൻ രാധികേം കൊണ്ടു ചെന്ന ദിവസം...

എടീ വാവേ! നിനക്കൊരു കഥാപാത്രത്തെ പരിചയപ്പെടുത്താം. ലീലേച്ചി ചിരിച്ചുകൊണ്ടു പറഞ്ഞപ്പോൾ ആദ്യം തോന്നിയത് സ്നേഹപൂർവ്വം ഒഴിഞ്ഞുമാറാനാണ്. അപ്പഴാണ് രാധിക ഇടപെട്ടത്.

ലീലാൻ്റീ! പ്ലീസ്. ഈ അമ്മ പഴയ കാമുകൻ്റെ വാചകോം കേട്ട് ചുമ്മാ ജീവിതം പാഴാക്കുവാണേ! ഈ ബോറു ലൈബ്രേറിയൻ്റെ ജീവിതത്തില് എന്തേലുമൊരു വെറൈറ്റി വേണ്ടായോ! ഇരുപത്തഞ്ചുകാരിപ്പെണ്ണ്! തൻ്റെ കൊച്ചുമോൻ ബിജോയുടെയമ്മ!

എൻ്റെ ലീലേച്ചീ! ഇവളെൻ്റെ മോളല്ല! അമ്മയാണിപ്പം! താൻ രാധൂനെ വാരിപ്പുണർന്നപ്പോൾ ലീലേച്ചീം ഒപ്പം അമ്മേം മോളേം കെട്ടിപ്പുണർന്ന ദിവസം ഓർമ്മിച്ചു പോയി.

ഓഫീസിൻ്റെ വാതിൽക്കൽ നിന്നും പേപ്പറുകളും, ലാപ്പ്ടോപ്പും, റെഫറൻസ് പുസ്തകങ്ങളും അമ്മാനമാടാൻ ശ്രമിച്ചു ദയനീയമായി പരാജയപ്പെടുന്ന ഉയരമുള്ള ചെക്കനെ നോക്കിയപ്പോൾ ആദ്യം ചിരിയാണ് വന്നത്. രണ്ടു ദിവസം അവനറിയാതെ സ്വന്തം ജോലിക്കിടയിൽ ശ്രദ്ധിച്ചിരുന്നു. മെലിഞ്ഞു നീണ്ട ഇരുപത്തിരണ്ടുകാരൻ. ഇവൻ്റെ ബാർബറാരാണാവോ! ചുരുണ്ട മുടിയിഴകളാകെ നെറ്റിയിലേക്കു വീണു കിടക്കുന്നു! അവനതാ ഏതൊക്കെയോ ജേർണലുകൾ റെഫർ ചെയ്യാൻ ശ്രമിക്കുന്നു!

പെട്ടെന്ന് നിനച്ചിരിക്കാതെയാണ് ബോസ് ഒരു പ്രോജക്റ്റേല്പിച്ചത്. നാലു ദിവസം മുഴുവനും എൻഗേജ്ഡായിപ്പോയി. ഇടയ്ക്കെല്ലാം ഒന്നെത്തിനോക്കിയപ്പോൾ ചെക്കൻ നിലാവത്തഴിച്ചു വിട്ട കോഴിയെപ്പോലെയാണ്. അവൻ്റെ പരവേശം കണ്ടപ്പോൾ സങ്കടം തോന്നി. അപ്പോ അവൻ്റെ.. ആ ആണിൻ്റെ മയിൽപ്പീലി വിടർത്തിയാടുന്ന സൗന്ദര്യം നിന്നെ ആകർഷിച്ചില്ലേടീ? വെറുതേ വേഷമിറക്കാതെടീ വാവേ!

എന്തീനാടീ നീ അവൻ്റെ മുന്നില് കുനിഞ്ഞു നിന്നത്? വല്ലപ്പോഴും മാത്രം ധരിക്കുന്ന സ്ലീവ്ലെസ്സ് ബ്ലൗസുകൾ എന്നും അണിഞ്ഞുതുടങ്ങിയത്? നിൻ്റെയീ മുഴുത്ത മുലകൾ ഇറക്കിവെട്ടിയ ബ്ലൗസിനുള്ളിൽ നിന്നും അവൻ്റെ കണ്ണുകൾക്ക് വിരുന്നാക്കിയത്? കട്ടികൂടിയ സാരികൾ കബോർഡിൻ്റെ അടിത്തട്ടിലേക്ക് മാറിയത്? യൂണിവേഴ്സിറ്റി തലത്തിൽ നൃത്തത്തിന് രണ്ടാം സ്ഥാനം വാങ്ങിയപ്പോഴും ശാപമായിത്തോന്നിയിരുന്ന, ഇപ്പോൾ വീണ്ടും കൊഴുത്ത, നിതംബഗുരുതയിൽ അവൻ്റെ കണ്ണുകൾ മേയുമ്പോൾ അരക്കെട്ടിത്തിരിക്കൂടി ഇളക്കി നടന്നു തുടങ്ങിയത്?

അവളറിയാതെ വിരലുകൾ അവൻ്റെ കുറ്റിത്താടി വളർന്ന കവിളിൽ തഴുകി... അവനൊന്നു പിടഞ്ഞു. എന്താടാ മോനേ! ഷേവിങ്ങു വേണ്ടെന്നു വെച്ചോ? അവനെ എടാ, മോനേ എന്നൊക്കെ വളരെ ഈസിയായിട്ടാണ് അവൾ വിളിച്ചുതുടങ്ങിയത്!

അത്...