Chapter Title : പ്രിയം പ്രിയതരം 1 [Freddy Nicholas]

കൊണ്ട് പോകുന്ന ഡ്യൂട്ടി പതിവായി ചെയ്യുന്നത് ബിജുവേട്ടനാണ്.

വിശദമായി ഒന്ന് കുളിച്ച് മാറ്റി ഭക്ഷണം കഴിച്ചു... ഞാൻ സ്വസ്ഥമായി, മനഃശാന്തിയോടെ ഒത്തിരി നേരം ഉറങ്ങി.

എന്റെ നാട്ടിലേക്കുള്ള വരവിൽ ഏറ്റവും കൂടുതൽ സന്തോഷിച്ചത് എന്റെ ബിജുവേട്ടൻ തന്നെയാണ്.... കാരണം രണ്ടര വർഷങ്ങൾക്ക് ശേഷമുള്ള വരവാണല്ലോ, ഇത്.

അത് കൊണ്ട് തന്നെ രണ്ട് ഏട്ടന്മാരും മൂന്നാലു ദിവസം ലീവെടുത്ത് എന്റെ കൂടെ തന്നെ നിന്നു.

അഭിയേട്ടൻ തിരുവനന്തപുരത്ത് ഒരു പ്രൈവറ്റ് സ്ഥാപനത്തിൽ സിവിൽ എഞ്ചിനീയർ ആയി ജോലി ചെയ്യുന്നത് കൊണ്ട് രണ്ടോ മൂന്നോ ആഴ്ച കൂടുമ്പോ വീട്ടിൽ വന്ന് പോകാറാണ് പതിവ്.

ഞാൻ എന്ന് വച്ചാ ജീവനാണ് എന്റെ ഏട്ടന്മാർക്ക്... എനിക്കിഷ്ടമുള്ള ഭക്ഷണം, അത് എന്ത് തന്നെയായാലും... അങ്ങനെ എന്ത് വേണം എന്ന് ഞാൻ ആഗ്രഹം പറയുന്നതിന് മുൻപ് എന്റെ മുന്നിലെത്തിക്കുക എന്നത് ഒരു മത്സര പരിപാടിയാണ് ഈ രണ്ടുപേർക്കും.

എന്നാലോ, വഴക്കും, വക്കണവും, അടിപിടിയുമൊക്ക പഴയത് പോലെ ഇപ്പോഴും നമ്മുടെ ഇടയിൽ എന്നുമുണ്ട്. ചെറിയ കാര്യം മതി, വഴക്കിനുള്ള കോപ്പ് കൂട്ടാൻ.

❤️❤️ 6

പിന്നെ മനപ്പൂർവം എന്നെ കിള്ളിക്കൊണ്ടിരിക്കുന്നത് ചൊടിപ്പിക്കുന്നത് രണ്ടു പേർക്കും ഒരു ഹോബിയാണ്.

എന്റെ സ്വഭാവം വച്ച് നോക്കുമ്പോൾ തോറ്റു കൊടുക്കുക എന്നത് എന്റെ നിഘണ്ടുവിലില്ല. അവസാനം ഏട്ടൻ തന്നെ തോറ്റു തരികയാണ് പതിവ്.

സുമുഖനും സുന്ദരനും സൽസ്വഭാവിയുമൊക്കെ യാണെങ്കിലും, കല്യാണം കഴിക്കേണ്ട സമയത്ത് കഴിച്ചില്ല,

30 ഉം 31ഉം വയസ്സായിട്ടും ഇപ്പൊഴും ക്രോണിക് ബാച്ച്ലർമാരായിട്ട് കഴിയുകയാണ്. എന്റെ സ്വന്തം ഏട്ടൻ അഭിഷേകും, ബിജു ചേട്ടനും.

ചോദിച്ചാൽ ഇപ്പൊ അതിനുള്ള താല്പര്യമില്ല, മൂഡില്ല എന്നാണ് പറയുന്നത്. അബിയേട്ടൻ പെണ്ണ് കെട്ടാതെ താൻ കെട്ടില്ല എന്ന് ബിജുവേട്ടനും.

അപ്പൊ, ബിജുവേട്ടൻ ആരാണെന്ന് സ്വാഭാവികമായും, നിങ്ങൾ ചോദിക്കും. എന്റെ അച്ഛനും ബിജുവേട്ടന്റെ അച്ഛൻ സ്കറിയ അങ്കിളും അത്രയും ഉറ്റ മിത്രങ്ങളായിരുന്നു.

ആദ്യ കാലങ്ങളിൽ ഞങ്ങളുടെ അച്ഛന് നോർത്ത് ഇന്ത്യയിലായിരുന്നു ജോലി. അവിടെ വച്ച് ഉണ്ടായിരുന്ന സുഹൃത്ത് ബന്ധം നാട്ടിലും തുടർന്ന്.

രണ്ടുപേരും ചേർന്ന് ഒരു സ്ഥലമെടുത്ത് രണ്ടു വീട് വച്ചു അതും അടുത്തടുത്ത്.

സ്കറിയ അങ്കിൾക്ക് രണ്ടു മക്കൾ. ജോജോയും ബിജുവും.

അത്യാവശ്യം സൗന്ദര്യവും, വിദ്യാഭ്യാസവും, ആരോഗ്യവുമൊക്കെ ഉള്ള പെണ്ണണ് ഞാൻ. എനിക്കും എന്റെ ഏട്ടന്മാർക്കും തമ്മിൽ 5 വയസ്സിനു വ്യത്യാസമുണ്ട്.

നീയങ്ങു വല്ലാതായി പോയല്ലോ കുട്ട്യേ... എന്താ ഗൾഫില് നിനക്കിത്ര മനപ്രയാസം.? തീനും കുടിയുമൊന്നും ശരിക്ക് കിട്ടണില്ല്യേ നിനക്ക്...