Chapter Title : പുനർജ്ജന്മം 6 [ജോൺ എബ്രഹാം]

ആ പ്ലാൻ ഇപ്പോൾ പൂർണ്ണമായി തെളിഞ്ഞു. "എന്റെ പ്ലാൻ വർക്ക് ഔട്ട് ചെയ്യാൻ സമയമായി. ജാനകിയെ ഈ വീട്ടിലേക്ക് കൊണ്ടുവരാനുള്ള അടുത്ത കരു നീക്കാൻ ഇതാണ് ഏറ്റവും നല്ല സമയം!" രാഹുൽ ഉറപ്പിച്ചു. രാഹുൽ അവനു ഒരു ജോലിക്കുള്ള ഒരു വ്യാജ അപ്പോയിന്റ്മെന്റ് ലെറ്റർ ഉണ്ടാക്കി അയച്ചു..

രാഹുൽ ഉണ്ടാക്കിയ ആ വ്യാജ അപ്പോയിന്റ്മെന്റ് ലെറ്റർ അവരുടെ അഡ്രസ്സിൽ എത്തിയതോടെയാണ് നാടകീയമായ രംഗങ്ങൾ തുടങ്ങിയത്. പോസ്റ്റ്മാൻ നൽകിയ കത്തുമായി രാഹുൽ മുറിയിലെത്തി ആവേശത്തോടെ മീരയെ വിളിച്ചു.
​രാഹുൽ: "മീരേ, നോക്ക്! എനിക്ക് സെക്രട്ടേറിയറ്റിൽ ക്ലർക്കായി ജോലി കിട്ടി. അടുത്ത മാസം ജോയിൻ ചെയ്യണം. നമുക്ക് ഉടനെ അങ്ങോട്ട് മാറണം, അവിടെ നല്ലൊരു വീട് നോക്കാം."
​എന്നാൽ മീരയുടെ മുഖം വിളറി വെളുത്തു. അവളിൽ ഒട്ടും സന്തോഷം കണ്ടില്ല.
​രാഹുൽ: "എന്താ മീരേ, നിനക്ക് സന്തോഷമില്ലേ?"
മീര: (വിറയ്ക്കുന്ന ശബ്ദത്തിൽ) "രാഹുൽ... നമുക്ക് ഈ ജോലി മതി. ഇവിടെത്തന്നെ നിൽക്കാം. അങ്കിളിനെ ഒറ്റയ്ക്കാക്കി പോകുന്നത് ശരിയല്ല."
രാഹുൽ: "ഈ ജോലിക്ക് എന്ത് സ്ഥിരതയാണുള്ളത്? കോഴിക്കോട്ടെ ജോലി പോയിട്ടാണ് നമ്മൾ ഇങ്ങോട്ട് വന്നത്. പിന്നെ അങ്കിൾ ഇത്രയും കാലം ഒറ്റക്ക് അല്ലായിരുന്നോ..
എനിക്ക് ഈ സർക്കാർ ജോലി വേണം. ഞാൻ പോകാൻ തീരുമാനിച്ചു."
മീര: "എന്നാൽ നിങ്ങൾ തനിച്ച് പൊയ്ക്കോ! ഞാൻ വരില്ല, ഞാൻ ഇവിടെയേ നിൽക്കൂ!"
​രാഹുൽ ദേഷ്യം അഭിനയിച്ച് അവൾക്ക് നേരെ തട്ടിക്കയറി. "നീ എന്റെ ഭാര്യയാണെങ്കിൽ ഞാൻ നിന്നെ കൊണ്ടുപോകും!" അവൻ ദേഷ്യത്തോടെ പറഞ്ഞതും മീരയുടെ മുഖഭാവം പെട്ടെന്ന് മാറിമറിഞ്ഞു. അവളുടെ കണ്ണുകൾ ചുവന്നു തുടുത്തു,