Chapter Title : പുനർജ്ജന്മം 6 [ജോൺ എബ്രഹാം]

ജന്മരാശിയും അങ്ങനെ കുറെ കാര്യങ്ങൾ ഒന്നാണ്. അപ്പോൾ പറഞ്ഞത് മറക്കണ്ട... ഞാൻ പോകുന്നു. മീരയെ ശ്രദ്ധിക്ക്!"
​പെട്ടെന്ന് മീരയുടെ ശരീരത്തിൽ നിന്നും ആ ശക്തി വിട്ടുപോയി. സുനിത പോയതും മീര തളർന്ന് താഴേക്ക് വീഴാൻ തുടങ്ങി. രാഹുൽ വേഗം അവളെ താങ്ങിയെടുത്തു. അവളുടെ ശരീരം വല്ലാതെ ചൂടായിരുന്നു. അവൻ അവളെ പതുക്കെ എടുത്തു കൊണ്ടുപോയി കട്ടിലിൽ കിടത്തി.
​രാഹുലിന്റെ മുഖത്ത് ഇപ്പോൾ ഒരു വിജയച്ചിരി തെളിഞ്ഞു. ജാനകിയെ ഈ വീട്ടിലേക്ക് കൊണ്ടുവരാനുള്ള തടസ്സങ്ങളെല്ലാം അവൻ നീക്കിക്കഴിഞ്ഞു. ഇനിയെല്ലാം അവൻ വിചാരിച്ചതുപോലെ നടക്കും.

മീര ഉണർന്നപ്പോൾ നേരം നന്നേ വെളുത്തിരുന്നു. കണ്ണ് തുറന്നപ്പോൾ തന്റെ അരികിൽ രാഹുൽ ഫോണിൽ നോക്കിക്കൊണ്ടിരിക്കുന്നത് അവൾ കണ്ടു. പതുക്കെ എഴുന്നേറ്റിരുന്ന മീര മുടി ഒതുക്കി കെട്ടിക്കൊണ്ട് ചോദിച്ചു.
​മീര: "എന്തായി രാഹുലേട്ടാ..നിങ്ങളുടെ തീരുമാനം പുതിയ ജോലിക്ക്
പോകുന്നില്ലേ? ഇന്നലെ ഒന്നും പറയാതെയാണല്ലോ കിടന്നത്."
​രാഹുൽ ഫോണിൽ നിന്നും കണ്ണെടുത്ത് മീരയെ നോക്കി ഒന്ന് പുഞ്ചിരിച്ചു. ഇന്നലെ രാത്രി സുനിതയായി മാറിയ മീര തന്നെ ഭീഷണിപ്പെടുത്തിയതും ഡീൽ ഉറപ്പിച്ചതുമൊന്നും അവൾക്ക് ഓർമ്മയില്ലെന്ന് അവന് ഉറപ്പായി.
​രാഹുൽ: "അത് മീരേ... നിനക്ക് താല്പര്യമില്ലാത്തതുകൊണ്ട് ഞാൻ ആ ജോലിക്ക് പോകുന്നില്ലെന്ന് തീരുമാനിച്ചു. ഇവിടെത്തന്നെ തുടരാം."
​അതു കേട്ടതും മീരയുടെ മുഖം സന്തോഷം കൊണ്ട് തിളങ്ങി. അവൾ ആവേശത്തോടെ രാഹുലിനെ കെട്ടിപ്പിടിച്ച് ഉമ്മകൾ കൊണ്ട് പൊതിഞ്ഞു.
​മീര: "ദൈവം എന്റെ പ്രാർത്ഥന കേട്ടു! രാഹുലേട്ടൻ ആ ജോലിക്ക് പോകരുത് എന്ന് ഞാൻ ഒരു വഴിപാട് നേർന്നിരുന്നു. അതിന്റെ ഫലമായിട്ടാണല്ലോ ഇങ്ങനെയൊക്കെ സംഭവിച്ചത്."
​രാഹുൽ: "മ്മ്മ്... എല്ലാം നിന്റെ വഴിപാടിന്റെ