Chapter Title : പുതു ജീവിതം [മന്ദന്‍ രാജ]

ക്ഷീണം ആന്നെന്നു പറഞ്ഞു ഷാനു അന്ന് കോളേജില്‍ പോയില്ല

'''''''''''''''''''''''''''''''''''''''''''''''''''''''''''''''''''''''
' എല്ലാം റെഡിയായി ഉമ്മാ ... ഇനിയെല്ലാം പടച്ചോന്റെ കൃപ " അത്താഴം കഴിഞ്ഞു പതിവ് പോലെ വര്‍ത്തമാനം പറയുകയായിരുന്നു അവര്‍ .

" ഹമം "

' ഷാനു .... നീ ദേവികക്ക് ബാക്കി ഇരിക്കണ പൈസ കൊടുത്തോ കേട്ടോ "

" വേണ്ട ഉമ്മച്ചി ...ബാപ്പ വരുമ്പോ എന്തേലും കച്ചോടം തുടങ്ങാം ..ഇനി ബാപ്പാനെ എങ്ങോട്ടും വിടണ്ട ...പൈസ പതിയെ കൊടുത്താ മതീന്നാ അവള് പറഞ്ഞെ '

സംസാരമെല്ലാം കഴിഞ്ഞവര്‍ ഉറങ്ങാനായി കിടന്നു .

ഷാമോന് ഉറക്കം വന്നില്ല ..കഴിഞ്ഞ രണ്ടു രാത്രിയും നെഞ്ചില്‍ അമര്‍ന്നിരുന്ന ആ ഭാരം ...ആ ഭാരം അവന്‍ ഉള്ളില്‍ ഇഷ്ടപ്പെട്ടിരുന്നു .... പാവം

ഷാനുവിനും അതെ അവസ്ഥ ആയിരുന്നു .... അജയുടെ കൂടെയുണ്ടായിരുന്ന ഓരോ നിമിഷവും അവള്‍ ആസ്വദിച്ചു ...അവന്‍റെ തമാശയും കുസൃതിയും ഒക്കെ

ഡിസംബര്‍ 18

'''''''''''''''''''''''''''''''''''''''''''''''''''''''

ഷാനു കോളേജില്‍ പോയെങ്കിലും അവള്‍ അധികം പുറത്തേക്ക് ഇറങ്ങിയില്ല ... അജയ് അവളുടെ ക്ലാസ്സില്‍ വന്നുമില്ല

ദിവസങ്ങള്‍ കൊഴിഞ്ഞു പോയി ... ഷാനുവിന്റെ മനസ് എന്തോ നഷ്ടപ്പെട്ട അവസ്ഥയില്‍ ആയിരുന്നു . കോളേജ് എല്ലാം ക്രിസ്ത്മസ് ആഖോഷത്തില്‍ മുഴുകി .. സാന്റാ ക്ലോസ് മത്സരവും പുല്‍ക്കൂട്‌ ഉണ്ടാക്കലും ...ഇരുപത്തി രണ്ടിന് കോളജ് അടക്കും ..അന്ന് വൈകുന്നേരവും അജയെ അവിടെങ്ങും കാണാത്തത് കൊണ്ട് ഷാനു ... ക്ലാസ് ഇടവേളയിലെ സമയത്ത് അജയും മഹേഷും കൂട്ടുകാരും ഉണ്ടാവുന്ന പാലമരച്ചുവട്ടില്‍ എത്തി

' എന്താ ഷാനു ...?" മഹേഷ്‌ അവളുടെ അടുത്തെത്തി

" ഒന്നൂല്ലാ...അജയ് ...അജയെ കണ്ടോ ?"

' അവന്‍ കുറച്ചു ദിവസമായി വരുന്നില്ല ...വിളിച്ചാല്‍ എടുക്കുന്നുമില്ല ... കണ്ടാല്‍ പറഞ്ഞേക്കാം ...ഹാപ്പി ക്രിസ്തുമസ്ഷാനു "
മഹേഷ്‌ പറഞ്ഞിട്ട് തിരികെ നടന്നു ...കോളേജില്‍ നിന്ന് വീട്ടിലേക്ക് പോകും വഴി അവള്‍ അജയുടെ മൊബൈലില്‍ വിളിച്ചെങ്കിലും സ്വിച്ച് ഓഫായിരുന്നു

തന്നോട് സ്നേഹമുണ്ടെങ്കില്‍ ആവശ്യത്തിനാല്ലാതെ ബാങ്കിലേക്ക് വരരുതെന്ന് താര പറഞ്ഞതിനാല്‍ ഷാമോനും അവളെ കാണാന്‍ ശ്രമിച്ചില്ല .. ജമീല മാത്രം റാവുത്തരുടെ വീട്ടില്‍ പോയിക്കൊണ്ടിരുന്നു