Chapter Title : രണം 5 [Vishnu]

ഒന്നുടെ തിരിഞ്ഞ് നടക്കാൻ തോന്നിയില്ല…

എന്നാൽ അവർ രണ്ടു പെരുമാറിയാതെ രണ്ട് കണ്ണുകൾ അവറെ വീക്ഷിച്ചിരുന്നു…. ദേഷ്യത്തോടെ…. പകയോടെ….

—---

പിന്നീടുള്ള രണ്ട് ദിവസം പെട്ടന്നാണ് അവർക്ക് പോയത്….നന്ദനും മാധവും ഓഫീസിൽ പോകുന്ന സമയം ആദി ഹോസ്പിറ്റലിൽ അവർക്ക് കൂട്ടിരുന്നു..

വീട്ടിൽ അറിയിക്കാതെ ആതിര ശ്രുതിയുടെ കൂടെ അവളുടെ കാര്യങ്ങൾ നോക്കികൊണ്ട് നിന്നു….

റൂമിലെ രണ്ടാമത്തെ കട്ടിൽ ആതിരയായിരുന്നു ഉപയോഗിച്ചിരുന്നത്…ആദി ആ റൂമിനു പുറത്തുണ്ടായിരുന്ന ഒരു ഇരുമ്പ് ബെഞ്ചിൽ ആയിരുന്നു ആദ്യത്തെ രാത്രി ചിലവഴിച്ചത്…

പറഞ്ഞു നോക്കിയെങ്കിലും മാധവിനെയും നന്ദനെയും അവൻ ഫ്ലാറ്റിലേക് പറഞ്ഞു വിട്ടിരുന്നു…

ശ്രുതി എന്നാൽ ആ ദിവസം അധികം മിണ്ടാട്ടം ഇല്ലായിരുന്നു…. പലപ്പോഴും പല ആലോചനകളിൽ മുഴുകി….

ആതിരയോട് ഇടയ്ക്ക് മിണ്ടാട്ടം ഉണ്ടായിരുന്നു എന്നതൊഴിച്ചാൽ അവൾക് വലിയ അനക്കം ഉണ്ടായിരുന്നില്ല…

മരുന്നിന്റെ ശക്തി കാരണം കുറെ നേരം മയക്കവുമായിരുന്നു…

അടുത്ത ദിവസം ആതിര ഭക്ഷണം മേടിക്കാൻ പോയ സമയം ആദി ശ്രുതിയുടെ മരുന്നുകൾ എടുത്തുവയ്ക്കുകയായിരുന്നു….

“ആദി എന്തിനാ പുറത്ത് ഉറങ്ങിയത്….”

ശ്രുതിയുടെ ചോദ്യം വിചാരിക്കാതെ ആയിരുന്നത് കൊണ്ട് തന്നെ ആദി ഒരു നിമിഷം ഉത്തരമില്ലാതെ നിന്നു

“അത്…. തനിക്ക് ഇഷ്ടമായില്ലെങ്കിലോ എന്ന് കരുതി…”

അവൾ എന്നാൽ പുറത്തേക്ക് തന്നെ നോക്കി കിടക്കുകയായിരുന്നു…

“എന്തിനാ…എനിക്ക് വേണ്ടി ഇവിടെ…. ഞാൻ നിന്റെ ആരുമല്ലല്ലോ…. പിന്നെയെന്തിനാ…ഇത് വരെ ആരും എനിക്ക് വേണ്ടി…. “

അവൾ അത് പൂർത്തിയാക്കിയിരുന്നില്ല…ആദി ഒരു ചിരിയോടെ അടുത്തുള്ള കസേരയിലിരുന്നു…

“അങ്ങനെയാണെങ്കിൽ തനിക് വേണ്ടി ആരെങ്കിലും ആദ്യമായ് ചെയ്യുവാണെന്ന് കരുതിയാൽപ്പോരേ….

പിന്നെ ആരുമല്ലല്ലോ എന്നത്…ഇവിടെ പരസ്പരം അറിഞ്ഞിട്ട് ആണോ എല്ലാവരും ഓരോ കാര്യങ്ങൾ ചെയുന്നത്…

പിന്നെ എനിക്ക് വേറെ പണിയൊന്നുമില്ലലോ…ഉണ്ടായിരുന്ന ജോലി താനടക്കം ഒന്നും മിണ്ടാതെ ഇരുന്നത്കൊണ്ട് കട്ടപ്പുറത്തായില്ലേ.. “

അത് കേട്ട ശ്രുതി ഒരു നിമിഷം ചിരിച്ചുപോയിരുന്നു…അത് കണ്ട ആദിയും ചിരിച്ചു…അവൾ അപ്പോഴും അവനെ നോക്കിയിരുന്നില്ല…

“ദാ കണ്ടോ…താൻ ചിരിച്ചത്…ഇത്ര മതി…”

അവൾ അപ്പോഴായിരുന്നു ആദിയെ നോക്കിയത്…

“സോറി…ഞാൻ അപ്പോൾ ഇടപെട്ടിരുന്നെങ്കിൽ…”

അവൻ അതിനു ചിരിച്ചു കൊണ്ട് അവളുടെ കയ്യിലെ കെട്ടിലൂടെ തടവി

“വെറുതെ പറഞ്ഞതാടോ…. ഞാൻ അല്ലെങ്കി വേറെ ഒരാളെ ബലിയാടാക്കിയേനെ…എനിക്ക് ഈ