Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 18 [Sagar Kottapuram]

വിളിച്ചപ്പോ പറഞ്ഞിരുന്നു " മോനെ കയ്യിലിട്ടു ഇളക്കികൊണ്ട് മഞ്ജുസ് പറഞ്ഞു . "ആഹ്...അതെ...." മഹേഷേട്ടൻ പയ്യെ പറഞ്ഞുകൊണ്ട് അവളെ അടിമുടി ഒന്ന് നോക്കി . "ആള് ഫോട്ടോയിൽ കാണുന്നതിനേക്കാൾ കൊള്ളാലോ"

എന്നെ നോക്കികൊണ്ട് പുള്ളി ചിരിച്ചു . അതിന്റെ അർഥം മനസിലായെന്ന പോലെ മഞ്ജുസും ഒന്ന് പുഞ്ചിരിച്ചു ."കുട്ടികളെ കാണണ്ടേ മഹേഷേട്ടന് ?" ഞാൻ പുള്ളിയെ തോണ്ടിക്കൊണ്ട് പയ്യെ തിരക്കി . "പിന്നെന്താ ..കാണാലോ ..." പുള്ളിയും അതിൽ സന്തോഷം പ്രകടിപ്പിച്ചു . അതോടെ മഞ്ജുസ് ആദികുട്ടനെ എടുത്തുകൊണ്ട് ഞങ്ങളുടെ അടുത്തേക്ക് വന്നു . പിന്നെ അവനെ പയ്യെ മഹേഷേട്ടന്റെ മടിയിലേക്ക് വെച്ച് കൊടുത്തു .പുള്ളി അവനെ ശ്രദ്ധയോടെ വാങ്ങികൊണ്ട് അവന്റെ പുഞ്ചിരിക്കുന്ന മുഖം കൗതുകത്തോടെ നോക്കി . പിന്നെ അവന്റെ കയ്യൊക്കെ ഒന്നിളക്കികൊണ്ട് കൊഞ്ചിച്ചു . "മോൻ നിന്റെ പോലെ ആണല്ലോ " ആദിയുടെ മുഖച്ഛായ കണ്ടു മഹേഷേട്ടൻ പയ്യെ പറഞ്ഞു . "മോള് ഉറങ്ങാ..ഇനി എടുക്കണോ ?" മഞ്ജുസ് സംശയത്തോടെ എന്നെ നോക്കി . "ഏയ് വേണ്ട....ഇനീം സമയം ഉണ്ടല്ലോ ...ഞാൻ കല്യാണം ഒകെ കഴിഞ്ഞിട്ട് ഒന്നുടെ വരാം " മഹേഷേട്ടൻ ആണ് അതിനുള്ള മറുപടി പറഞ്ഞത് . "എന്താ ഇവരെ വിളിക്കുന്നത് ? പേരൊക്കെ കണ്ടു വെച്ചിട്ടുണ്ടോ ?" ആദിയെ കൊഞ്ചിച്ചുകൊണ്ട് പുള്ളി ഞങ്ങളെ നോക്കി . "ഏയ് ഇല്ല..തല്ക്കാലം അപ്പൂസ്‌ , പൊന്നൂസ് എന്നൊക്കെ വിളിക്കും " ഞാൻ അതിനു ചിരിയോടെ മറുപടി നൽകി . "ഹ്മ്മ്...ഇപ്രാവശ്യം എന്തായാലും ഇങ്ങനെ പോട്ടെ..ഇനി വരുമ്പോ അപ്പൂസിനും പൊന്നൂസിനും ഒകെ അങ്കിൾ സമ്മാനം ആയിട്ട് വരുന്നുണ്ട്..കേട്ടോടാ ചക്കരെ..." ആദിയുടെ കവിളിൽ പയ്യെ ചുംബിച്ചുകൊണ്ട് മഹേഷേട്ടൻ ചിരിച്ചു . "അതിന്റെ ഒന്നും ആവശ്യം ഇല്ല ഭായ്..നിങ്ങള് ചുമ്മാ ഇടക്കൊക്കെ വന്നാൽ തന്നെ സന്തോഷം " ഞാൻ അതുകേട്ടു പയ്യെ പറഞ്ഞു . "എന്നാലും അങ്ങനെ അല്ലാലോ ...അല്ലെ ടീച്ചറെ ?" മഹേഷേട്ടൻ പെട്ടെന്ന് മഞ്ജുസിനെ മുഖം ഉയർത്തി നോക്കി .മഞ്ജു അതിനു മറുപടി പറയാതെ ഒന്ന് പുഞ്ചിരിച്ചു . പിന്നെയും സ്വല്പ നേരം കൂടി ഞങ്ങൾക്കൊപ്പം ചിലവഴിച്ച