Chapter Title : രതിശലഭങ്ങൾ ലവ് ആൻഡ് ലൈഫ് 1 [Sagar Kottapuram]

ചിരിച്ചു. പിന്നെ പെണ്ണിനെ താഴെ ഇറക്കികൊണ്ട് കോഫീ എടുത്തു കുടിച്ചു തുടങ്ങി. മേശമേൽ ചാരിനിന്നുകൊണ്ട് തന്നെ ആണ് ഞാൻ കോഫീ കുടിച്ചത്. ആ സമയത്തു റോസിമോള് മഞ്ജുസിന്റെ പുറകിലൂടെ ചെന്ന് അവളുടെ കഴുത്തിൽ ഇരുകയ്യും ചുറ്റി ബെഡിൽ മുട്ടുകുത്തി ഇരുന്നു ...പിന്നെ അവളുടെ കഴുത്തിൽ തൂങ്ങിക്കൊണ്ട് മഞ്ജുസിനെ ശല്യം ചെയ്തു തുടങ്ങി.. "മഞ്ജു ..മഞ്ജു ..." മഞ്ജുസ് ഒന്നും മിണ്ടാതെ ഇരിക്കുന്നത് കണ്ടു റോസിമോള് പയ്യെ വിളിച്ചു . "എന്തൊരു കഷ്ടം ആണ് ദൈവമേ ...എന്നെ അങ്ങട് കൊല്ല്.." പെണ്ണിന്റെ വികൃതി ഓർത്തു മഞ്ജുസ് അവളെ പിന്നിൽ നിന്നും വലിച്ചെടുത്തു മുൻപിലേക്ക് കൊണ്ടുവന്നു .

"എന്താടി നിനക്ക് ?" പിന്നെ അവളെ നോക്കി കണ്ണുരുട്ടി അവളെ ബെഡിൽ പിടിച്ചിരുത്തി. അതോടെ ഒന്നുമില്ലെന്ന ഭാവത്തിൽ അവള് കണ്ണിറുക്കി ചിരിച്ചു . "അടങ്ങി ഇരിക്ക് പൊന്നുസേ ...മഞ്ജുന്റെ ചക്കര അല്ലെ ...അമ്മക്ക് വയ്യാഞ്ഞിട്ട " പെട്ടെന്ന് സ്വരം മാറ്റിക്കൊണ്ട് മഞ്ജുസ് അവളെ ചേർത്ത് പിടിച്ചു . "എടി ഇത് വലുതായാൽ ശരിക്കും നിന്റെ പോലെ ആവും ... ഇപ്പൊ തന്നെ ഏറെക്കുറെ കറക്റ്റ് ഫേസ് കട്ട് ആണ്.." റോസ്‌മോളുടെയും മഞ്ജുസിന്റെയും മുഖസാദൃശ്യം ഓർത്തു ഞാൻ പയ്യെ പറഞ്ഞു . "ഹ്മ്മ്...അച്ഛനും അമ്മയും ഒകെ അതുപറയും ...എന്റെ പഴയ ആൽബം ഫോട്ടോസ് ഒകെ നോക്കിയാൽ ഇതുതന്നെ ..." റോസ്‌മോളുടെ തോളിൽ കയ്യിട്ടിരുന്നുകൊണ്ട് മഞ്ജുസ് ചിരിച്ചു . "ഹ്മ്മ്...പിന്നെ...അടുത്ത ആഴ്ച ഓണം അല്ലെ...അപ്പൊ അത് കഴിഞ്ഞിട്ട് വീട്ടിൽ പോയാൽ പോരെ ?" പെട്ടെന്ന് എന്തോ ഒത്ത പോലെ മഞ്ജുസ് എന്നെ നോക്കി . "നീ പറയുന്ന പോലെ ..." ഞാൻ അത് സമ്മതിച്ചുകൊടുത്തു. "പിള്ളേർക്ക് ഡ്രസ്സ് എടുക്കണ്ടേ?" പെട്ടെന്ന് എന്തോ ഓർത്തപോലെ മഞ്ജുസ് എന്നെനോക്കി . "ഇപ്പൊ ഉള്ളത് തന്നെ ഇവിടെ എടുത്തുവെക്കാൻ സ്ഥലം ഇല്ല...അപ്പഴാ " ഞാൻ അതുകേട്ടു ഒഴുക്കൻ മട്ടിൽ ഒരു മറുപടി പറഞ്ഞു . "ചാച്ചാ...നമുക്ക് .പൂവ് ഇടണ്ടേ ...കൊറേ വാങ്ങണം " പൂക്കളം ഇടുന്ന കാര്യം ഓർത്തു റോസീമോൾ എന്നെ നോക്കി . ആൾറെഡി വീട്ടിൽ അത്തം മുതല്