Chapter Title : രതിശലഭങ്ങൾ ലവ് ആൻഡ് ലൈഫ് 1 [Sagar Kottapuram]

കൈവീശി കാണിച്ചു . സംസാരിച്ചു തുടങ്ങിയ ശേഷം പെണ്ണ് അമ്മയെ "മഞ്ജു " എന്നാണ് വിളിക്കുന്നത് . മഞ്ജുസ് തന്നെ പഠിപ്പിച്ചു കൊടുത്തതാണ് ! "ഹായ് ...." മഞ്ജുസ് തിരിച്ചും കൈവീശികൊണ്ട് ചിരിച്ചു . പിന്നെ വേഗം ഉമ്മറത്തേക്ക് കയറി .പിന്നാലെ ഞാനും. "ചാച്ചാ ..." ഞാൻ ഉമ്മറത്തേക്ക് കയറിയതും പെണ്ണ് ഇരുകയ്യും വിടർത്തികൊണ്ട് എന്റെ നേരെ വന്നു . "എടി പൊന്നൂ നീ വല്യ കുട്ടിയായി ..ഇനി ചാച്ചന് എടുക്കാൻ ഒന്നും പറ്റില്ലാട്ടോ " ഞാൻ അവളെ എടുത്തുയർത്തികൊണ്ട് തന്നെ ചിരിച്ചു . പിന്നെ അവളുടെ കവിളിൽ പയ്യെ മുത്തി . അഞ്ജു അതൊക്കെ ശ്രദ്ധിച്ചുകൊണ്ട് മൊബൈലും നോക്കി ഇരിപ്പുണ്ട് . "ഡീ പൊന്നുസേ നീ പാല് കുടിച്ചോ ?"

പെട്ടെന്ന് എന്തോ ഓർത്തെന്ന പോലെ മഞ്ജുസ് റോസിമോളെ നോക്കി . എന്റെ കഴുത്തിൽ കൈചുറ്റി പിടിച്ചിരുന്ന അവള് അതിനു തലയാട്ടി ."കൊറച്ചു കുടി..ച്ചു...ബാക്കി ആന്റിക്ക് കൊട്..ത്തു" റോസിമോള് അവളുടെ ശൈലിയിൽ വാക്കുകൾ മുറിച്ചുകൊണ്ട് പയ്യെ പറഞ്ഞു . "അതുശരി ...നീ എന്റെ മോൾടെ പാലൊക്കെ കുടിച്ചല്ലേ ..." മഞ്ജുസ് അതുകേട്ടു അഞ്ജുവിനെ നോക്കി കണ്ണുരുട്ടി . "പിന്നെ...എനിക്കിപ്പോ അതുകിട്ടിയിട്ട് വേണല്ലോ ...ആന്റി കുടിച്ചോ കുടിച്ചോ എന്ന് പറഞ്ഞിട്ട് പെണ്ണ് സ്വൈര്യം തരണ്ടേ " അഞ്ജു അതുകേട്ടു ചിരിച്ചു . പിന്നെ റോസിമോളെയും എടുത്തു നിൽക്കുന്ന എന്നെയൊന്നു അടിമുടി നോക്കി . "ഡോകടർ എന്ത് പറഞ്ഞു ചേച്ചി ?" പിന്നെ മഞ്ജുസിനോടായി തിരക്കി . അതോടെ മഞ്ജുസ് അവളുടെ അടുത്ത് കിടന്ന കസേരയിലേക്കിരുന്നു . "കൊഴപ്പം ഒന്നും ഇല്ല...പക്ഷെ ഇതും ട്വിൻസ് ആടി.." അഞ്ജുവിനെ നോക്കി മഞ്ജുസ് ഒരു ജാള്യതയോടെ പറഞ്ഞു . "ആഹാ ....അത് കൊള്ളാലോ ...ഇതെങ്ങനെ ഒപ്പിക്കുന്നു " അഞ്ജു ഞങ്ങളെ മാറിമാറി നോക്കികൊണ്ട് ഒന്ന് ചിരിച്ചു . അവളും ഇപ്പൊ ഏഴുമാസം ഗർഭിണിയാണ് . വയറൊക്കെ അത്യാവശ്യം വീർത്തിട്ടുണ്ട് . "ഒരു പിടിയും ഇല്ല മോളെ ..." മഞ്ജുസ് സ്വയം പറഞ്ഞു ചിരിച്ചു .പിന്നെ കയ്യിലുണ്ടായിരുന്ന കവർ അഞ്ജുവിനെ ഏൽപ്പിച്ചു . "ഇന്നാടി...മസാലദോശയാ..വേണേൽ കഴിച്ചോ " അത് കൊടുത്തുകൊണ്ട് മഞ്ജുസ് ഇരുന്നിടത്തു നിന്നും എഴുനേറ്റു . "താങ്ക് യു ..." അഞ്ജു അതുവാങ്ങികൊണ്ട് പയ്യെ ചിരിച്ചു .ഞാൻ ആ സമയം കൊണ്ട് തിണ്ണയിലേക്ക് ഇരുന്നിരുന്നു . "ചാച്ചാ എനിച്ചും വേണം ..." മസാലദോശയുടെ കാര്യം കേട്ടതോടെ