Chapter Title : രതിശലഭങ്ങൾ ലവ് ആൻഡ് ലൈഫ് 4 [Sagar Kottapuram]

റോസ്‌മോൾക്ക് വല്യ ഭാവ മാറ്റം ഒന്നുമില്ല. അവളെ കൂട്ടാതെ പുറത്തു പോയതിന്റെ ദേഷ്യം ഉണ്ടെന്നു തോന്നുന്നു . മുഖത്ത് സ്വല്പം ഗൗരവം ഉണ്ട്. അതുകൊണ്ട് തന്നെ ഞാൻ ബൈക്ക് അവളുടെ സൈക്കിളിന്റെ തൊട്ടുമുന്പിലായി നിർത്തി . വണ്ടി ഓഫ് ചെയ്യാതെ തന്നെ ഒന്ന് റൈസ് ചെയ്തു . അതെല്ലാം നോക്കികൊണ്ട് നമ്മുടെ തന്തപ്പടി ഉമ്മറത്തിരിപ്പുണ്ട് . ആക്സിലറേറ്റർ റൈസ് ആയ ശബ്ദം ഉയർന്നതും ആദി ഒന്ന് ഞെട്ടി !

ഞാൻ അവനെ നോക്കി ഒന്നുമില്ലെന്ന്‌ ഭാവിച്ചു പെണ്ണിനെ നോക്കി. അവൾക്ക് പേടി ഒന്നുമില്ല .രണ്ടു കയ്യും സൈക്കിളിന്റെ ഹാന്ഡിലിൽ പിടിച്ചു എന്നെ തന്നെ നോക്കിയിരിപ്പുണ്ട്. അത് കണ്ടതോടെ ഞാൻ വേഗം സ്റ്റാൻഡ് ഇട്ടു ബൈക്ക് ഓഫ് ചെയ്തു താഴേക്കിറങ്ങി . "എന്താടി നോക്കണേ ?" ഞാൻ പൊന്നൂസിനെ നോക്കി പുരികം ഇളക്കി ചിരിച്ചു .അതിന്‌ പെണ്ണൊന്നും മിണ്ടാതെ സൈക്കിളിന്റെ പെഡൽ പുറകിലോട്ടു കറക്കി ഗൗരവം നടിച്ചു . "അയ്യോ ....മറ്റേ സാധനത്തിന്റെ പോലെ തന്നെ ..." പൊന്നൂസിന്റെ ജാഡ കണ്ടു ഞാൻ മഞ്ജുസിനെ ഓർത്തുകൊണ്ട് പിറുപിറുത്തു . പിന്നെ സൈക്കിളിൽ നിന്നും അവളെ പെട്ടെന്ന് പിടിച്ചു ഉയർത്തികൊണ്ട് എടുത്തു . "ആഹ് ...വിട്.." ഞാൻ പിടിച്ചതും അവള് ബലം പിടിച്ചു . "വിടാൻ സൗകര്യം ഇല്ല..ഇങ്ങട്ട് വാടി .." ഞാനും അതിനൊപ്പം ബലം പിടിച്ചു അവളെ എടുത്തുപിടിച്ചു കണ്ണുരുട്ടി . "അപ്പൂസേ അമ്മെ എവിടടാ ?" എല്ലാം നോക്കി ചിരിച്ചുകൊണ്ട് നിന്ന ആദിയെ നോക്കി ഞാൻ ചിരിച്ചു . അവൻ അകത്തുണ്ടെന്ന ഭാവത്തിൽ ഉള്ളിലോട്ടു കൈചൂണ്ടി . "ആഹ്..." ഞാൻ അതിനു മൂളി . പിന്നെ കയ്യിലിരുന്ന പൊന്നൂസിനെ ഒന്നുടെ നോക്കി . "പൊന്നു പിണങ്ങിയാ ?" ഞാൻ അവളെ നോക്കി ചിരിച്ചുകൊണ്ട് അവളുടെ കവിളിൽ മുത്തി . "ചാച്ചടെ മുത്ത് പായസം കുച്ചാ ?" അവളുടെ കവിളിൽ എന്റെ കുറ്റിമീശ ഉരുമ്മി ഞാൻ തിരക്കി. അതോടെ ഒന്ന് ഇക്കിളിപ്പെട്ടു പൊന്നൂസ് കിടന്നു പിടഞ്ഞു . "ഇല്യാ..ഹ്ഹ ഹാഹ് ഹ " അവൾ അതിനു മറുപടി പറഞ്ഞുകൊണ്ടച്ചിരിക്കുകയും കിടന്നു