Chapter Title : രതിശലഭങ്ങൾ മഞ്ജുസും കവിനും 15 [Sagar Kottapuram]

മിണ്ടാതെ അവിടെ ഇരുന്നു ചായയും ഒന്ന് രണ്ടു ഉണ്ണിയപ്പവും കഴിച്ചു . അങ്ങനെ ഞങ്ങൾ സംസാരിച്ചിരിക്കെയാണ് മഞ്ജുസിന്റെ അച്ഛന്റെ എൻട്രി വരുന്നത് . പുള്ളിയുടെ കാർ തുറന്നിട്ട ഗേറ്റിലൂടെ വരുന്നത് കണ്ടപ്പോഴേ അമ്മയും മുത്തശ്ശിയും ഇരിക്കുന്നിടത്തു നിന്നും എഴുനേറ്റു . ഒപ്പം ഞാനും ! സ്വല്പം ബഹുമാനം ഇട്ടതാണ് !

പതിയെ എന്റെ കാർ നിർത്തിയതിനു അടുത്തായി പുള്ളിയുടെ വാഹനവും വന്നു നിന്നു. പിന്നെ ഡ്രൈവിംഗ് സീറ്റിൽ നിന്നു അങ്ങേരു പുറത്തിറങ്ങി . ഒരു വെള്ള ഷർട്ടും വെള്ള കസവ് മുണ്ടും ആണ് വേഷം . ഇടം കയ്യിൽ ഒരു സ്വർണ നിറമുള്ള വാച്ചും കെട്ടിയിട്ടുണ്ട് . ഷർട്ടിന്റെ മുകളിലെ രണ്ടു ബട്ടൻസ് അഴിഞ്ഞാണ് കിടപ്പു ..അതിനിടയിലൂടെ അടിയിലിട്ട വെളുത്ത ഇന്നർ ബനിയനും സ്വർണ ചൈനും എല്ലാം വ്യക്തമാണ് .

ഞങ്ങളെ പൂമുഖത്തു കണ്ടതും പുള്ളിയുടെ മുഖത്തൊരു പുഞ്ചിരി വിടർന്നു . മുണ്ടു മടക്കി കുത്തി , കാർ ലോക് ചെയ്തു അങ്ങേരു ഞങ്ങളുടെ നേരെ നടന്നടുത്തു .കാറിനുള്ളിൽ നിന്നു ഒരു കവറും പുള്ളി കയ്യിലെടുത്തു പിടിച്ചിരുന്നു .

"താനെപ്പോ വന്നെടോ?" പൂമുഖത്തേക്കുള്ള സ്റ്റെപ് കയറവെ പുള്ളി എന്നോടായി പുഞ്ചിരിയോടെ ചോദിച്ചു .

"കുറച്ചു നേരം ആയി. അച്ഛാ .." ഞാൻ പയ്യെ പറഞ്ഞു .

"മ്മ് " പുള്ളിക്കാരൻ ഒന്ന് മൂളികൊണ്ട് ചെരിപ്പഴിഞ്ഞു ഉമ്മറത്തേക്ക് കയറി . പിന്നെ കയ്യിലുള്ള കവർ അമ്മയെ ഏൽപ്പിച്ചു .

"താൻ കുറച്ചു വെള്ളം തിളപ്പിക്ക്..എനിക്കൊന്നു കുളിക്കണം ., അവിടെ ചില്ലറ പണിയൊക്കെ ഉണ്ടായിരുന്നു , ആകെ വിയർത്തു ഒരു പരുവം ആയി " കവർ പുള്ളികാരിയെ ഏൽപ്പിച്ചു അമ്മായിയപ്പൻ ഗൗരവത്തിൽ പറഞ്ഞു . പിന്നെ എന്റെ നേരെ കൈനീട്ടി ഒരു ഷേക് ഹാൻഡും നൽകി, ഇരിക്കാൻ പറഞ്ഞു .

അതോടെ ഞങ്ങൾ അടുത്തടുത്തായിരുന്നു .

"ചായ എടുക്കണോ?" കസേരയിലേക്കായിരുന്ന മഞ്ജുവിന്റെ അച്ഛനോടായി അമ്മ തിരക്കി .

"ആഹ്..എടുത്തോ..കട്ടൻ മാത്രം മതി " പുള്ളി ഗൗരവത്തിൽ പറഞ്ഞു എന്നെ നോക്കി . ആ സമയം കൊണ്ട് മഞ്ജുസിന്റെ അമ്മ സ്ഥലം വിട്ടു . മുത്തശ്ശി പഴയ പൊസിഷനിൽ ഇരുന്നു ഭാഗവതവും വായിച്ചു തുടങ്ങി .

"പിന്നെ എന്തൊക്കെ ഉണ്ടെടോ, എങ്ങനെ ഉണ്ട് ഓഫീസിലെ കാര്യം ഒകെ ? എല്ലാം നന്നായിട്ട് പോണില്ല ?" മഞ്ജുസിന്റെ അച്ഛൻ ഷർട്ടൊന്നു പുറകിലേക്ക് വലിച്ചു കയറ്റി എന്നോടായി ചോദിച്ചു