Chapter Title : രതിശലഭങ്ങൾ മഞ്ജുസും കവിനും 15 [Sagar Kottapuram]

.

"ആഹ്..ഒരുവിധം കുഴപ്പമില്ലാതെ പോവുന്നുണ്ട് " ഞാൻ തലയാട്ടി പറഞ്ഞു .

"മ്മ് ..ഞാൻ അറിയുന്നുണ്ട്.." പുള്ളി ചിരിയോടെ പറഞ്ഞു .

"ആഹ്.." ഞാൻ തലയാട്ടി .

"പിന്നെ അവിടെ എന്തൊക്കെ ആയി കാര്യങ്ങള് ? ഒരുക്കങ്ങളൊക്കെ കഴിഞ്ഞോ ?" പെട്ടെന്ന് മുത്തശ്ശി ഇടയിൽ കയറി അച്ഛനോടായി ചോദിച്ചു .

"ആഹ്...പന്തലും ഒരുക്കങ്ങളുമൊക്കെ കഴിഞ്ഞു , ബന്ധുക്കളും കുറച്ചു പേരൊക്കെ വന്നിട്ടുണ്ട്..ബാക്കിയുള്ളോരൊക്കെ നാളെ എത്തിക്കോളും എന്ന പറഞ്ഞത് " പുള്ളി എൻഗേജ്‌മെന്റിന്റെ കാര്യങ്ങൾ വിശദീകരിച്ചു കൊണ്ട് പറഞ്ഞു .

പിന്നെ വീണ്ടും എന്നോടായി സംസാരം ഒകെ. ഇത്തവണ ഓഫീസിൽ ഒകെ വിട്ടു എന്റെയും മഞ്ജുവിന്റെയും കാര്യങ്ങളാണ് ചോദിച്ചത് .

"കേട്ടോ മോനെ അവൾക്ക് നിന്നെക്കാൾ പ്രായം ഉണ്ടെന്നൊക്കെയേ ഉള്ളു , പിടിവാശി പിള്ളേരെ പോലെയാ .താനതൊന്നും കാര്യമാക്കരുത് " മഞ്ജുവിന്റെ സ്വഭാവം ഒകെ ശരിക്കറിയാവുന്ന അച്ഛൻ എന്നോട് ഒരു അപേക്ഷ പോലെ പറഞ്ഞു .

"ഏയ് ഇല്ലച്ഛാ ..അതൊക്കെ ഇനി പറയേണ്ട കാര്യം ഉണ്ടോ.." ഞാൻ ചിരിയോടെ പറഞ്ഞു .

"ആഹ്..എന്നാലും അവളുടെ കാര്യത്തില് എനിക്കിപ്പോഴും ടെൻഷൻ ആണ് .." പുള്ളി സ്വല്പം വിഷമത്തോടെ പറഞ്ഞു കസേരയിലേക്ക് ചാരി കിടന്നു . അപ്പോഴേക്കും അമ്മ കട്ടൻ ചായയുമായി അങ്ങോട്ടേക്കെത്തി . പുള്ളി അത് കുടിച്ചുകൊണ്ട് തന്നെ എന്നോട് സംസാരിച്ചിരുന്നു . പിന്നെ കുളിക്കാനായി എഴുനേറ്റു പോയി .

സീരിയൽ നേരം ആയപ്പോൾ മുത്തശ്ശിയും എഴുനേറ്റു അകത്തേക്ക് കയറി . അതോടെ ഞാൻ പൂമുഖത്തു ഒറ്റക്കായി . കുറച്ചു നേരം ഇരുന്നു ബോറടിച്ചപ്പോൾ ഞാൻ പുറത്തോട്ടൊക്കെ ഒന്നിറങ്ങി . കൂട്ടിനു കുളികഴിഞ്ഞെത്തിയ മഞ്ജുസിന്റെ അച്ഛനും പോന്നു . ഞങ്ങൾ രണ്ടുപേരും കൂടി എന്റെ കാറിൽ പുള്ളിയുടെ സുഹൃത്തുക്കളുടെ സംഗമ സ്ഥലമായ അടുത്തുള്ള ക്ഷേത്ര മൈതാനത്തേക്ക് പോയി . മരുമകനെ സന്തോഷത്തോടെ പുള്ളി അവർക്കൊക്കെ പരിചയപ്പെടുത്തി .

അവിടം കുറച്ചു നേരം ചിലവഴിച്ചു ഞങ്ങൾ തിരിച്ചെത്തുമ്പോഴേക്കും മഞ്ജുസും അഞ്ജുവും എന്റെ അമ്മയും അവിടെ എത്തിയിട്ടുണ്ടായിരുന്നു . മഞ്ജുസിന്റെ പുതിയ കാർ വീട്ടു മുറ്റത്തു കിടക്കുന്നത് കണ്ടപ്പോഴേ അത് എനിക്ക് മനസിലായതാണ് .

ഞാനും മഞ്ജുസിന്റെ അച്ഛനും കൂടി കാറിൽ നിന്നും പുറത്തിറങ്ങി വീടിനകത്തേക്ക് ചെന്നു. മഞ്ജുസ് ഒഴികെ എല്ലാരും ഹാളിൽ ഇരുന്നു വിശേഷം പറയുകയും ടി.വി സീരിയൽ കാണുകയും അതിനിടയിൽ കൂടി ചായ കുടിക്കുവേം ഒക്കെ ചെയ്യുന്നുണ്ട് .

ഞങ്ങൾ അങ്ങോട്ടേക്ക് ചെന്നു ,