Chapter Title : രതിശലഭങ്ങൾ മഞ്ജുസും കവിനും 22 [Sagar Kottapuram]

"കവി ..നിൽക്കെടാ , അങ്ങനെ പോവല്ലേ . അമ്മ നിന്നെ ചോദിച്ചിരുന്നു ..വാ നമുക്കൊന്ന് അമ്മേനെ കണ്ടിട്ട് വരാം . ഒപ്പം അമ്മാമനെയും പരിചയപ്പെടാം.." മഞ്ജുസ് പെട്ടെന്ന് എന്തോ ഓർത്തെന്ന പോലെ പറഞ്ഞു .

"ആഹ്..." ഞാൻ വല്യ താല്പര്യമില്ലാത്ത മട്ടിൽ മൂളി .

"മ്മ്....വാ വാ ..." എന്റെ താല്പര്യമില്ലായ്മ കണ്ടു മഞ്ജുസ് ഒന്നമർത്തി മൂളി . പിന്നെ ചിരിയോടെകൈപിടിച്ചു വലിച്ചു വീടിനുള്ളിലൂടെ തന്നെ പുറകുവശത്തേക്കു നടന്നു . അടുക്കളഭാഗത് നിന്ന് പുറത്തോട്ടിറങ്ങിയാൽ വലിയ തൊടി ആണ് . കവുങ്ങും തെങ്ങും വാഴയും കുളവും ഒക്കെ ആയി വലിയൊരു പറമ്പ് .

ഞാൻ അവളോടൊപ്പം അങ്ങോട്ടേക്ക് നീങ്ങി . ഞങ്ങൾ ചെല്ലുമ്പോൾ മഞ്ജുവിന്റെ അമ്മയും അമ്മാവനും മുറ്റത്തു രണ്ടു ഫൈബർ കസേരകളിലായി ഇരുന്നുകൊണ്ട് പരസ്പരം കുടുംബ വിശേഷങ്ങൾ പങ്കുവെക്കുകയാണ് .

"അമ്മാ ...." എന്റെ കൈപിടിച്ച് മുറ്റത്തേക്കിറങ്ങിയതും അവൾ നീട്ടി വിളിച്ചു . ചെരിപ്പൊന്നുമില്ലാതെ ഞങ്ങൾ രണ്ടാളും പൂഴിമണ്ണിലൂടെ നടന്നു അവരുടെ അടുത്തേക്ക് നീങ്ങുകയാണ് . അവിടെ കൂടി നിന്നവരും ബന്ധുക്കളുമൊക്കെ മഞ്ജുസ് എന്നെ കൈപിടിച്ച് നടത്തിക്കുന്നത് ചെറിയ ചിരിയോടെ നോക്കുന്നുണ്ട് . അവരുടെ ഒക്കെ ഭാവം കണ്ടാൽ ഞാൻ ഏതാണ്ട് അവളുടെ കുട്ടി ആണെന്ന് തോന്നും ! ബ്ലഡി ഫുൾസ് ..

അവറ്റകളെ ഒക്കെ ഒന്നു മനസിൽ പ്രാകികൊണ്ട് ഞാൻ മഞ്ജുസിനെ കൈ വിടുവിച്ചു . അപ്പോഴേക്കും അവളുടെ വിളികേട്ടു അമ്മയും അമ്മാവനും ഞങ്ങളെ തിരിഞ്ഞു നോക്കിക്കഴിഞ്ഞിരുന്നു .

"ആഹ്...ദേ മോൻ വന്നു ഏട്ടാ..." എന്നെ കണ്ടതും അടുത്തിരുന്ന സഹോദരനോട് പറഞ്ഞുകൊണ്ട് മഞ്ജുസിന്റെ അമ്മ പുഞ്ചിരി തൂകി . ഞാൻ തിരിച്ചും.

മഞ്ജുസിന്റെ മാമൻ എന്ന് പറയുന്ന മാന്യൻ എന്നെ അടിമുടി ഒന്ന് വിലയിരുത്തുന്നുണ്ട് . ഒരു സിൽക്കിന്റെ ജുബ്ബയും കസവു മുണ്ടും ആണ് പുള്ളിക്കാരന്റെ വേഷം . കഴുത്തിലൊരു സ്വർണ ചെയിൻ . കയ്യിലൊരു ബ്രാൻഡഡ് വാച് . ആറടിയോളം പൊക്കവും അതിനൊത്ത വണ്ണവും സ്വല്പം കുടവയറും പിന്നെ മുഖത്തൊരു സോഡാ ഗ്ലാസും ! ആൾക്ക് പ്രായം അറുപതിനടുത്തു ഉണ്ടേലും ഡൈ അടിച്ചു മുടിയും