Chapter Title : രതിശലഭങ്ങൾ മഞ്ജുസും കവിനും 23 [Sagar Kottapuram]

വരുന്നത് . ഒരു കറുപ്പും ഗോൾഡനും മിക്സ് ആയിട്ടുള്ള ച്ചുരിദാറും വെളുത്ത പാന്റും ആണ് അവളുടെ വേഷം . കുളിച്ചു നെറ്റിയിൽ കുറിയൊക്കെ തൊട്ടു , മുടിയിൽ തുളസികതിരൊക്കെ ചൂടി സെറ്റപ്പായിട്ടാണ് വരവ് .

"ആഹ്...എഴുന്നെറ്റല്ലേ..ഞാൻ നിന്നെ വിളിക്കാൻ വരുവായിരുന്നു " ഷർട്ടിന്റെ കൈ മടക്കി ഗോവണികൾ ഇറങ്ങുന്ന എന്നെ നോക്കി പാതി കയറിയ മഞ്ജു പറഞ്ഞു .

"ആഹ് ..." ഞാൻ പയ്യെ മൂളി അവളെ നോക്കി ചിരിച്ചു .

"മ്മ്...എന്ന വാ...ബ്രെക്ഫാസ്റ്റ് കഴിക്കണ്ടേ.." മഞ്ജു ചെറു ചിരിയോടെ എന്നെ ക്ഷണിച്ചു .

"ബാക്കിയുള്ളോരുടെ ഒക്കെ കഴിഞ്ഞോ ?" ഞാൻ രണ്ടു സ്റ്റെപ്പ് കൂടെ താഴേക്കിറങ്ങി അവളുടെ അടുത്തെത്തികൊണ്ട് പയ്യെ തിരക്കി .

"മ്മ്....ഇനി നമ്മള് രണ്ടുപേരും , അച്ഛനും കൂടിയേ ഉള്ളു. ബാക്കിയൊക്കെ കഴിഞ്ഞു " മഞ്ജു പയ്യെ സ്വകാര്യം പോലെ പറഞ്ഞു .

"മ്മ്..നന്നായി....സ്വസ്ഥം ആയിട്ട് വല്ലോം തിന്നാലോ ...എന്ന നടക്ക്" ഞാൻ അവളുടെ വയറിൽ പയ്യെ നുള്ളികൊണ്ട് പറഞ്ഞു .

അതോടെ കക്ഷി മുൻപേ ഇറങ്ങി നടന്നു . പിന്നാലെ ഞാനും . ഡൈനിങ് ഹാളിലേക്ക് കയറി ചെല്ലുമ്പോൾ മഞ്ജുസിന്റെ അച്ഛനും അവിടെ ഉപവിഷ്ഠൻ ആയിട്ടുണ്ട് .

"ആഹ് ..വാ വാ ...ഉറക്കം ഒക്കെ സുഖം ആയല്ലോ അല്ലെ ?" മഞ്ജുസിന്റെ അച്ഛൻ എന്നെ കണ്ടതും ചെറുതായി ഒന്ന് കളിയാക്കി .

ഞാൻ അതിനു മറുപടി ആയി ഒന്ന് പുഞ്ചിരിക്കുക മാത്രം ചെയ്തു .അപ്പോഴേക്കും ഇഡ്ഡലിയും സാമ്പാറും ചായയുമൊക്കെ ആയി മഞ്ജുസിന്റെ അമ്മയും ചെറിയമ്മയും അങ്ങോട്ടേക്കെത്തി .

"ആഹ്..മക്കളെത്തിയോ ! എന്നാപ്പിന്നെ ഷൈലജെ രണ്ടു പ്ളേറ്റ് കൂടെ ഇങ്ങെടുത്തോ " ഞങ്ങളെ കണ്ടതും മഞ്ജുസിന്റെ അമ്മ , ശൈലജ ചെറിയമ്മയോടു അടക്കം പറഞ്ഞു . അവര് ഞങ്ങളെ നോക്കി ചിരിച്ചു കാണിച്ചിട്ട് പ്‌ളേറ്റെടുക്കാൻ പോയി .

"പിന്നെ അച്ഛാ ..ഞാൻ പറഞ്ഞ കാര്യം എന്തായി ...? ദേ..സമ്മതിച്ചില്ലെകിൽ എന്റെ സ്വഭാവം മാറൂട്ടോ " ഞങ്ങൾ കസേരയിലേക്കിരുന്നതും മഞ്ജുസ് പയ്യെ പറഞ്ഞു . എന്നെ അവളോടൊപ്പം എന്റെ വീട്ടിലോട്ടു വിടുന്ന കാര്യം ആണ് കക്ഷി