രതിശലഭങ്ങൾ പറയാതിരുന്നത് 5

Rathishalabhangal Parayathirunnathu Part 5 | Author : Sagar Kottappuram | Previous Part

വായിക്കുന്നവരൊക്കെ അഭിപ്രായം അറിയിച്ചാൽ കൊള്ളാമായിരുന്നു ..തുടരാനും അവസാനിപ്പിക്കാനും ഉള്ള ഒരിത് അതിലാണ് കിടക്കുന്നത് -സാഗർ !

മഞ്ജു എന്റെ കാഴ്ചയിൽ നിന്നും മറയുന്നത് വരെ ഞാൻ കണ്ണിമവെട്ടാതെ നോക്കി. പിന്നെ അവൾ സമ്മാനിച്ച മൊബൈൽ തിരിച്ചും മറിച്ചും നോക്കി !

സന്തോഷവും സങ്കടവുമൊക്കെ ഒരേ സമയം എനിക്ക് തോന്നി . പക്ഷെ ഫോൺ വീട്ടിൽ കണ്ടാൽ എവിടന്നു കിട്ടി , വാങ്ങിക്കാൻ എവിടന്നു കാശ് കിട്ടി എന്നൊക്കെ ഉള്ള ചോദ്യങ്ങൾ വരും . അവരോടൊക്കെ ശ്യാമിന്റെ അച്ഛൻ കൊടുത്തയച്ചതാണെന്നു പറയാമെന്നു കരുതികൊണ്ട് ഞാൻ വീട്ടിലേക്ക് പോയി .

ഞാൻ ഉദ്ദേശിച്ച പോലെ തന്നെ അഞ്ജുവിനു ആയിരുന്നു കൂടുതൽ ഡൗട്ട് ! കാരണം അത്യാവശ്യം നല്ല വിലയുള്ള ഫോൺ ആണ് എന്റെ കയ്യിലിരിക്കുന്നതെന്നു അവൾക്കു മനസിലായി .

ഞാൻ ഉമ്മറത്തു ഫോണുമായി ഇരിക്കുന്നത് കണ്ടപ്പഴേ അവൾക്കു സംശയം ഉണ്ടായിരുന്നു . ചായ കുടിച്ചുകൊണ്ട് മൊബൈലിൽ വാട്ട്സ് ആപ്പ് ഇഷ്ടള്ള ചെയ്തു കൊണ്ടിരുന്ന എന്റെ അടുത്തേക്ക് അവൾ പതിയെ വന്നു നിന്നു.

രാത്രിയിൽ സ്ഥിരമായി ഇടുന്ന ടി-ഷർട്ടും ട്രാക്ക് സ്യൂട്ടും തന്നെയാണ് അവളുടെ വേഷം .

"നീ പുതിയ ഫോൺ വാങ്ങിയോ ?"

അവളെന്റെ പുറകിൽ നിന്നു ചോദിച്ചപ്പോൾ ആണ് ഞാൻ വെപ്രാളത്തോടെ തിരിഞ്ഞു നോക്കിയത്. ഞാൻ പെട്ടെന്ന് ഫോൺ മാറ്റിപിടിച്ചു കൊണ്ട് അവളെ നോക്കി..

"ഇല്ലല്ലോ '

ഞാൻ പതിയെ പറഞ്ഞു..

"പിന്നെ ഇതാരുടേയാ ?"

അവൾ എന്നെ സംശയത്തോടെ നോക്കി..

"നീ ആരാ പൊലീസോ ..ഇതൊക്കെ ചോദ്യം ചെയ്യാൻ ?"

ഞാനവളെ തറപ്പിച്ചൊന്നു നോക്കി.

"വേണ്ട..എന്ന ഞാൻ അമ്മയെക്കൊണ്ട് ചോദിപ്പിക്കാം...ഇത്ര പൈസ ഉള്ള ഫോൺ നിനക്കു എവിടന്നു കിട്ടിയെന്നു അറിയണല്ലോ"

അവൾ ഗൗരവത്തിൽ പറഞ്ഞുകൊണ്ട് അമ്മയെ വിളിക്കാനായി തിരിഞ്ഞു.ഞാൻ അവളുടെ കയ്യിൽ പിടിച്ചു നിർത്തി തുറിച്ചു നോക്കി.

"എടി പോത്തേ ..നിനക്കിപ്പോ എന്താ വേണ്ടേ.."

ഞാൻ അവളെ നോക്കി പേടിപ്പിച്ചു കൊണ്ട് ചോദിച്ചു.

"ഇതെവിടുന്ന ?"

അവൾ