Chapter Title : രുദ്രപ്രതാപം 8 [Jhon Clinton]

തടിച്ചു കൊഴുത്ത രണ്ടു മാംസ പിണ്ടങ്ങൾ ആയിരുന്നു.അവരുടെ വേഷം ഒക്കെ പറഞ്ഞാൽ... ഒരു ഷർട്ടും മുണ്ടും. ഹാഫ് കൈ ഷർട്ടിന്റെ കൈ എല്ലാം വലിച്ചു മടക്കി മുകളിലേക്ക് കയറ്റിയിട്ടുണ്ട്. അതുകൊണ്ട് അവരുടെ കൈകളുടെ വണ്ണം എല്ലാം നല്ലരീതിയിൽ എടുത്ത് കാണാം.മുഖത്തു വായകൊണ്ട് കടിച്ചു പ്പിടിച്ച പോലെ നല്ല കട്ടിയുള്ള മീശയും അതിന്റെ രണ്ടറ്റവും ആരയോ കുത്തി കൊല്ലാൻ വേണ്ടി കൂർപ്പിച്ചു വെച്ചിരിക്കുന്നു. ഒറ്റ നോട്ടത്തിൽ വേണമെങ്കിൽ നാടൻ ഗുണ്ടകൾ എന്ന്‌ തന്നെ പറയാം പക്ഷെ എനിക്കെന്തോ അവരെ കണ്ടപ്പോ രണ്ടു കോമാളികളെ പോലെ ആണ് തോന്നിയത്.

ആ വീടിന്റെ മുറ്റത്തുള്ള തുളസി തറയുടെ പുറകിലായി ഞാൻ വേറെ ഒരുത്തനെ കൂടി കണ്ടു. അവനെ കണ്ടപ്പോൾ എനിക്ക് ആ രണ്ടു തടിമാടൻ ചേട്ടൻ മാരോട് കുറച്ചു ബഹുമാനം തോന്നി.അവർ കോമാളി ലുക്ക്‌ ആണെങ്കിൽ ഇവൻ അലവലാതി ലുക്ക്‌ ആണ്. ഒരു മഞ്ഞ കളർ ഷർട്ടും അതില് നിറയെ പൂക്കളും മുഖത്തു ഒട്ടിച്ചു വച്ച പോലുള്ള ഒരു താടിയും ചെവിയിൽ ഒരു കമ്മലും കൂടുതൽ ഒന്നും ഞാൻ പറയുന്നില്ല....

ദിവ്യ ആ നിലത്തു കിടക്കുന്ന സ്ത്രിയുടെ അടുത്ത് പോയി അവരെ എണീപ്പിക്കാൻ ശ്രെമിച്ചു പക്ഷെ അവർക്ക് അപ്പോഴും ബോധം വന്നിരുന്നില്ല. ഞാൻ ആ കുട്ടിയുടെ അടുത്തേക്കും പോയി. എന്നിട്ട് അവളെ ഞാൻ എന്റെ മടിയിലേക്ക് എടുത്തു.അവളെ എണീപ്പിക്കാൻ ശ്രെമിച്ചു.

"ഹേയ്... മോളെ കണ്ണ് തുറക്ക്.."ഞാൻ അവളെ മൂന്നാല് പ്രാവശ്യം കുലുക്കി വിളിച്ചു.

"മ്മ്മ്മ്മ്...."ഒരു ഞെരുക്കം ഇട്ടുകൊണ്ട് അവൾ പതിയെ കണ്ണുകൾ തുറന്നു എന്നെ നോക്കി

"ചെ..... ചെ...."അവൾ എന്തൊ പറയാൻ ശ്രമിക്കുന്നുണ്ട് പക്ഷേ അതൊന്നും എനിക്ക് മനസ്സിലായില്ല.പെട്ടെന്നു ആ സ്ത്രിയെ അവിടെ കിടത്തി ദിവ്യ എന്റെ അടുത്ത് വന്നു.

"മോളെ ഒന്നുമില്ല പേടിക്കണ്ടാട്ടൊ..."അവൾ ആ കുഞ്ഞിനെ മാറോട് ചേർത്ത് പിടിച്ചുകൊണ്ടു അവളെ അശ്വസിപ്പിക്കാൻ ശ്രെമിച്ചു.ദിവ്യയുടെ മാറിൽ കിടന്നു തന്നെ അവൾ അവളുടെ കൈകൾ പതുക്കെ ഉയർത്തി ആ തുളസി തറയിലേക്ക് ചൂണ്ടി...."ചെ... ചേച്ചി..."

തിരിഞ്ഞു ഞാൻ അവൾ ചൂണ്ടിയാ ഭാഗത്തേക്ക്‌ നോക്കിയപ്പോൾ അവിടെ മറ്റൊരു ശരീരം കൂടി നിലത്തു വീണു കിടക്കുന്നു