Chapter Title : ❤️സഖി 7❤️ [സാത്താൻ?]

call ചെയ്യട്ടെ എന്തോ നിന്നെ കാണാൻ തോന്നുന്നു.

അഞ്ജലി : ആ എന്നാൽ ചെയ്യ്.

ആദ്യമൊക്കെ വീഡിയോ call ചെയ്യാം എന്ന് പറഞ്ഞാൽ അയ്യോ അതൊന്നും വേണ്ടന്ന് പറഞ്ഞിരുന്ന പെണ്ണാണോ ഇപ്പോൾ പറയുമ്പോൾ തന്നെ സമ്മതിക്കുന്നതെന്ന് മനസ്സുകൊണ്ട് ഞാൻ ഓർത്തുപോയി. ഒരുപാട് ഓർത്തോണ്ട് നിന്നുകഴിഞ്ഞാൽ ചിലപ്പോൾ അവൾ കിടന്നുറങ്ങും എന്നറിയാവുന്നത്കൊണ്ട് ഞാൻ നേരെ വാട്സ്ആപ്പ് ഓപ്പൺ ചെയ്ത് അവളെ വീഡിയോ call ചെയ്തു.

എന്തോ ഒന്ന് വിളിക്കാൻ കാത്തിരുന്നതുപോലെ തന്നെ ആദ്യത്തെ ബെല്ലിൽ തന്നെ call അവൾ ആൻസർ ചെയ്തു.

ഒരു ചുവപ്പ് കളർ ടി ഷർട്ട്‌ ഇട്ടു നിൽക്കുന്ന അവളിൽ എന്തോ ഒരു പ്രത്യേകത എനിക്ക് കാണാൻ സാധിക്കുന്നുണ്ടായിരുന്നു. ഈ നഷ്ടപ്പെട്ടത് എന്തൊക്കെയോ തിരിച്ചു കിട്ടുമ്പോൾ നമ്മളിൽ ഉണ്ടാവുന്ന ഒരു മാറ്റമില്ലേ ആ അത് പോലെ ഒരു തെളിച്ചം ആയിരുന്നു അവളിൽ കാണാൻ കഴിഞ്ഞത്.

"അല്ല ഇത്രനാളായിട്ടും എന്റെ ചെക്കന് വായും പൊളിച്ചു നോക്കി നിക്കുന്നത് നിറുത്താറായില്ലേ? ?"

എന്നെ കളിയാക്കി കൊണ്ടുള്ള അവളുടെ ചോദ്യവും കുണുങ്ങിയുള്ള ചിരിയുമാണ് കാൾ ആൻസർ ചെയ്തതുമുതൽ അവളെ നോക്കി വായും പൊളിച്ചു നിന്നിരുന്ന എന്നെ തിരികെ സ്വബോധത്തിലേക്ക് എത്തിച്ചത്. അതെങ്ങനെ ആണ് പണ്ടേ അവളെ കണ്ടുകഴിഞ്ഞാൽ വേറെ ഒന്നും ചിന്തിക്കാൻ പോലും പറ്റാറില്ല അത് ഇപ്പോഴും അങ്ങനെ തന്നെയാണ്.

എന്നെ നോക്കി കളിയാക്കി ചിരിക്കുന്ന അവളോടായി ഞാൻ പറഞ്ഞു തുടങ്ങി.

ഞാൻ : എന്റെ പൊന്ന് പെണ്ണെ എന്ത് ചെയ്യാനാ നിന്നെ കണ്ടുകഴിഞ്ഞാൽ പിന്നെ വേറെ ഒന്നും തലക്കകത്തു ഉണ്ടാവില്ല അതെങ്ങനാ മനുഷ്യനെ അങ്ങോട്ട് ആകർഷിക്കുവല്ലേ ?

അഞ്ജലി : ??? ഓഹോ അങ്ങനെയാണോ?

ഞാൻ : പിന്നല്ലാതെ എന്നാ ലുക്ക്‌ ആടി കൊച്ചേ നിനക്ക്

(ഞാൻ അത് പറയുമ്പോൾ അവളിൽ എന്തെന്നില്ലാത്ത ഒരു ഭാവം എനിക്ക് കാണാൻ കഴിയുന്നുണ്ടായിരുന്നു നാണം ആണോ സന്ദോഷം ആണോ എന്ന് തിരിച്ചറിയാൻ കഴിയാത്ത ഒരു ഭാവം. ആ അല്ലേലും ഈ പെണ്ണുങ്ങളെ സുഖിപ്പിക്കാൻ നല്ലത് സൗന്ദര്യത്തെ പൊക്കിയടിക്കുന്നത് തന്നെയാണ് ?)

അഞ്ജലി : ഒന്ന് പോ ഏട്ടാ വെറുതെ എനിക്ക് എന്തോ ആവുന്നു